PAPPICINI' 2:24 - KITTA' MATANGKASA'

²⁴ Mingka ikau maraenganga ri Tiatira tena nanupinawangi anjo pangngajarang ja'dalaka, siagang tena nanupappilajari anjo pappilajaranna Billisika. Kupauangko angkanaya tenamo nalaKutambai battala'na apa nueranga.

PAPPICINI' 2:24 Referans Kwoze

PAPPICINI' 12:9

Nipela'mi anjo naga lompoa assulukang! Iami anjo ulara' toaya niarenga Billisi' yareka Roh Ja'dalaka, antipuai sikontu linoa. Nipela'mi naung ri linoa siagang sikontu malaeka'na.

2 KORINTUS 11:3

Mingka ranggaselai pa'maikku, gassingka nigodai pikkirannu sa'genna tenamo nujarre' ri janjinnu mae ri Almasi. Sangkamma todong Hawa riolo, nigoda tongi ri kacara'dekanna ularaka.

2 KORINTUS 2:11

Nakugaukang anjo kammaya, sollanna takkullea Billisika anggappa kasampatang angkoasaiki'; nasaba' niassemmi sikamma ero'na anjo Billisika.

LAMPA-LAMPANA 15:28

Nasitujuimi RohNa Allata'ala – siagang ikambe nisitujui tommi – sollanna tena nanisareko atorang-atorang battallanganga na anne parallua:

PAPPICINI' 13:14

Na natipu ngasemmo sikontu rupataua ri lino lanri anjo gau'-gau' appakalannasa' akkullea nagaukang ri dallekanna anjo olo'-olo' bungasa' battua sumpaeng. Siagang nasuro ngasemmi ke'nanga appaenteng se're patung untu' anjo olo'-olo' le'baka bokka' nataba pa'dang, mingka attallasa' iji.

1 KORINTUS 2:10

Mingka le'ba'mi Napappiassengang RohNa Allata'ala mae ri katte. Iami anjo RohNa Allata'ala ansalidiki ngasengi sikontu apa-apaya, sa'genna pole rancanaNa Allata'ala kaminang taccokkoa.

LAMPA-LAMPANA 16:14

Kalase'renna ri ke'nanga niareng Lidia, tu battu ri daera Tiatira. Jama-jamanna iamintu padanggang kaeng lango-lango. Lanri mangngamaseanna ri Allata'ala, nipagio'mi atinna ri Batara sollanna natarima anjo apa napangngajarranga Paulus mae ri ia.

YAKOBUS 3:15

Anjo kacara'dekang kammaya tena nabattu ri suruga assala'na. Mingka battu ri lino, battu ri hawa napasuna rupataua, siagang battu ri setanga!

PAPPICINI' 1:11

Nakana anjo sa'raya, “Tulisiki apa nucinika, nampa nukiring anjo kitta' nutulisika mae ri tujua jama'ah, iamintu: Efesus, Smirna, Pergamus, Tiatira, Sardis, Filadelfia, siagang Laodikia.”

PAPPICINI' 2:9

Kuassengi kasusannu ngaseng; Kuassengi angkanaya kasi-asiko, mingka sikontutojenna kalumanynyang ngasengko! Kuassengi sikamma pitina nipamangea ri kau, napare'-pareka sikamma tu nakanaya kalenna tu Yahudi, na sikontutojenna teai; anjo ke'nanga sangnging umma'na Billisika.

PAPPICINI' 2:13

Kuassengi angkana kemaeko ammantang. Lalangko ammantang ri tampa' kakoasanna Billisika. Tamamminrayako mae ri Nakke. Ba'lalo, ri wattunna nibuno Antipas ri Billisika ri dallekannu, iamintu sa'biKu tamamminraya, tena todong nanussassala' angkanaya tappakko mae ri Nakke.

PAPPICINI' 2:18

“Untu' mae ri malaeka'na jama'ah Tiatira, tulisiki kamma anne: Iaminne pappasang battu ri Ana'Na Allata'ala, a'rinra-rinraya matanNa sangkamma pepe', siagang accayaya bangkenNa sangkamma tambaga nitunua.