PAPPICINI' 19:8 - KITTA' MATANGKASA'

⁸ Nipassareammi mae ri Ia kaeng lenang accillaka untu' Napake.” (Anjo pakeang lenanga iamintu panggaukang-panggaukang baji' nagaukang Umma'Na Allata'ala.)

PAPPICINI' 19:8 Referans Kwoze

YESAYA 61:10

Nakana Yerusalem, “Rannui pa'maikku lanri Batara, mate'nei atingku lanri Allata'ala. Rapang bunting bura'ne siagang baine ammake belo-belo ga'ga ngaseng, kammaminjo Napatabaya Batara ri nakke baju kasalamakkang siagang pammetang.

PAPPICINI' 3:18

Lanri kammanami anjo naKupakaingakko sollannu ammalli ngaseng battu ri Nakke bulaeng, iamintu bulaeng ti'no', sollannu a'jari kalumanynyang. Ammalli todong mako battu ri Nakke pakeang kebo' sollannu akkulle ammakeang siagang nutongko' kalennu natena nussolara' siagang natena nuppakasiri'. Siagang ammalli todong mako pa'balle untu' nupasapu mae ri matannu, sollannu akkulle accini'.

ROMA 13:14

Boli'mi kamma na Batara Isa Almasi ampattantui apa siratanga nugaukang. Siagang teako mannuruki ri sipa'-sipa'na tau dorakaya sollanna nupasukku' nakacinnaia hawa napasunu.

MARKUS 9:3

PakeanNa a'jari sanna'mi kebo'na. Tena manna sitau tukang minatu ri lino akkulle assassa kamma anjo kebo'na.

MATIUS 22:12

Akkuta'nammi ri anjo taua nakana, ‘E, gang, antekamma nukkulle antama' anrinni natena nummake pakeang passua'-suarrang?’ Tanaassengami appiali anjo taua.

PAMMUJI 132:9

Poro akkio' rannu ummatTa, na sikontu imanTa tuli naturuki erotTa lalang tallasa'na.

PAPPICINI' 15:4

Inai tamallakka ri Katte, Batara? Inai taeroka ampa'la'bangi kalompoanTa? IKatteji bawang matangkasaka. Sikontu bansaya labattui anynyomba ri Katte, nasaba' nacini' ngasemmi sikontu taua kaadelang le'baka Kigaukang.”

YEHEZKIEL 16:10

Nampa Kupipakeiko ro' nisulang, sapatu battu ri kukkulu' alusuka, passikko' ulu battu ri kaeng lenang siagang juba sa'be.

LAMPA-LAMPANA 1:10

Lalang accongana ke'nanga nai' ri langika, ri wattunna ta'angka' Isa nai' ri suruga, ti'ring nia'mo rua tau ammakeang kebo', ammenteng ri ampi'na ke'nanga.

LUKAS 24:4

Lalang ammentenna ke'nanga anjoreng siagang lalang lannasa'na ke'nanga annawa-nawai anjo passalaka, ti'ring nia'mo rua tau ammakeang sannaka kebo'na, battu ammenteng ri ampi'na ke'nanga.

ROMA 3:22

angkanaya, iaji naNasare Allata'ala oloang rupataua assibajiki siagang Allata'ala, punna tappa' taua mae ri Isa Almasi. Anne Nagaukangi Allata'ala untu' sikontu tau tappaka mae ri Almasi; nasaba' tena simmaraenna rupataua:

MATIUS 17:2

Anjoreng, ti'ring tappinrami rupanNa Isa ri dallekanna ke'nanga: a'jari singaraki nicini' rupanNa kamma matanna alloa. Kammayatompa accillaki pakeanNa lanri kebo'na.

PANGNGEBARANG 31:22

Kalenna ampareki tappere' pa'lapara'na; pakeanna kaeng lenang sannaka ga'gana.

YEHEZKIEL 44:17

Ri wattunna antama ke'nanga ri pakke'bu' lompoa a'lampa mange ri paranglakkeng bageang lalanga, musti ammakeang kaeng lenangi ke'nanga. Takkulleai ke'nanga ammake pakeang wol punna tugasaki ke'nanga ri paranglakkeng bageang lalanga, yareka lalang ri BallakKu.

PAPPICINI' 15:6

Nampa assulu'mo battu ri Balla'Na Allata'ala anjo tujua malaeka' siagang tujua bala. Pakeanna ke'nanga kaeng lenang sannaka tangkasa'na siagang accilla'-cillaka. Siagang ammakei ke'nanga pa'lapa' barambang bulaenga nipare'.

PAPPICINI' 19:14

Amminawang ngasemmi ri Ia tantara surugaya, a'dongko' jarang kebo' ngaseng, siagang ammakeang kaeng lenang kebo' sannaka ngaseng kebo'na.

YESAYA 3:23

baju nipisi', pakeang lenang, passikko' kallong siagang bongong la'bu.