PAPPICINI' 19:6 - KITTA' MATANGKASA'

⁶ Le'baki anjo nia'mo kulangngere' kamma sa'ra tau sannaka jaina sipa'rappungang; sa'ranna sangkammai sa'ra bombang sannaka lompona siagang sangkammai gunturu' a'gamarrunga. Kulangngere'mi ke'nanga angkana, “Pujimi Allata'ala! Nasaba' Iami Batara, Allata'alata Kaminang Koasaya, ammarentaya kamma-kamma anne!

PAPPICINI' 19:6 Referans Kwoze

PAMMUJI 97:1

Batarami Karaeng! Poro rannumi linoa, na ma'reja-reja pulo-puloa.

PAPPICINI' 14:2

Nampa nia' kulangngere' sa'ra battu rate ri langika ammarrung sangkamma sa'ra je'ne' tu'guru' lompoa siagang sangkamma gunturu' a'gamarrung lompoa. Anjo sa'raya sangkamma nilangngere' sa'ra kacapi niko'bika ri pakarena kacapia.

PAPPICINI' 19:1

Le'baki anjo nia'mo kulangngere' sa'ra gamarrunna tau jaia battu ri suruga, akkiok-kio' angkana, “Pujimi Allata'ala! Allata'alata, iamintu Allata'ala Mappasalamaka; Ia Allata'ala Mala'biri' siagang Makoasa!

PAMMUJI 99:1

Batarami Karaeng; annekkereki bansa-bansaya. Ammempoi ri empoang kala'biranNa irate ri malaeka' akka'nyi', ta'goccangi buttaya.

PAMMUJI 93:1

Batarami Karaeng; ammake kalompoang siagang kagassingang. Ammenteng kassa' linoa takkullea ta'lengga.

PAPPICINI' 6:1

Le'baki anjo kucini'mi anjo Ana' Gimbalaka anreppeki segele' makase'rea ri anjo tujua segele'. Nampa kulangngere' kalase'renna anjo appaka anu attallasa' angkana, “Maeko!” Ia sa'ranna sangkammai gunturu'.

PAPPICINI' 1:15

na bangkenNa accayai sangkamma tambaga nitunua. Sa'ranNa sangkammai je'ne' ammarrung lompoa battu.

YEHEZKIEL 1:24

Punna anri'baki ke'nanga, kulangngereki sa'ra akkape-kapena ka'nyi'na; sa'ranna sangkammai sa'ra je'ne' tu'guruka battu ri tubiri', sangkamma sa'ra bangkenna tantara jaia, sangkamma sa'ranNa Allata'ala Kaminang Koasaya. Punna ammari ke'nanga anri'ba', massing nalappa'mi ke'nanga ka'nyi'na,

PAPPICINI' 21:22

Tenai kucini' Balla'Na Allata'ala ilalang ri anjo kotaya, nasaba' ia Balla'Na Allata'ala iamintu KalenNa Batara, Allata'ala Kaminang Koasaya, siagang anjo Ana' Gimbalaka.

PAPPICINI' 12:10

Nampa nia' kulangngere' sa'ra lompo ri suruga angkana, “Iaminne wattunna Napasalama' Allata'ala umma'Na! Kamma-kamma anne Napappicinikammi kakoasanNa Allata'ala salaku Karaeng! Kamma-kamma todong minne naNapappicinikang kakoasanNa anjo Karaeng Mappasalama' nipa'janjianga! Nasaba' nipasulu'mi battu ri suruga anjo antuduai allo bangngi sari'battanta ri dallekanNa Allata'ala.

PAPPICINI' 8:5

Nampa naalle anjo malaekaka anjo pa'dupanga, na nasare pepe' battua ri tampa' pakkoro'bangngang, nampa napasambila irateanganna buttaya. Assa'ra lompomi gunturuka siagang assisambung-sambummi kilaka; kammayatompa ta'ge'goso'mi buttaya.

PAPPICINI' 4:5

Accayai anjo empoang kala'biranga sanrapang kila' angngeranga sa'ra gunturu' sannaka lompona. Na ri dallekanna anjo empoang kala'biranga, nia' tuju sulo a'rinra; iaminjo tujua RohNa Allata'ala.

YEHEZKIEL 43:2

siagang anjoremmi nia' kucini' caya accilla' battu raya, iamintu tanra kahaderanNa Allata'alana Israel. Kalangngerammi sa'ranNa Allata'ala sangkamma gamarrunna bombanga ri tamparang, siagang accilla'-cillaki buttaya lanri singara' kahaderanNa Allata'ala.

YESAYA 52:7

Tamaka sannanna pa'maika anciniki kabattuanna tunisuroa; a'jappai allalo ri pa'monconganga siagang angngerang kabara' baji, kabara' salewangang, kabara' kasalamakkang mae ri Sion: nakana, “Allata'alanu Karaeng!”

PAMMUJI 97:12

Rannu mako, he sikamma tau tulusu' pa'maika lanri apa le'baka Nagaukang Batara, siagang appala' sukkurukko mae ri Allata'ala matangkasaka.

PAMMUJI 77:18

Rammanga appaturungi bosi, a'gamarrungi gunturuka; akkilaki kilaka ri kere-keremae.

AYUB 40:9

Maka gassing kammako iNakke? Maka akkullei sa'rannu a'gunturu' kamma sa'rangKu?

YEREMIA 51:48

Sikontu apa niaka ri langi' siagang ri butta lakkio' rannui punna tu'guru' Babel mae ri limanna bansa waraka, ia battua untu' angngancuruki.

PAMMUJI 47:7

Akkelongko pammuji mae ri Allata'ala, akkelongko pammuji mae ri Karaenta!

PAMMUJI 47:2

Attempa-tempa limako siagang rannu, he sikontu bansaya! Pujimi Allata'ala siagang pakkio' rannu!

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

PAPPICINI' 1:8

“INakkemi uru-urua, siagang iNakkemi kala'busanga,” kammami anjo kananNa Karaeng Allata'ala, Ia niaka battu ri pakaramulanna, ri kamma-kammaya anne, sa'genna satunggu-tungguna, Ia Kaminang Makoasaya.

PAPPICINI' 19:4

Anjo ruampuloa angngappa' pamimping, siagang anjo appaka olo'-olo' akkulilinga ri anjo empoang kala'biranga, su'ju' ngasemmi anynyomba mae ri Allata'ala ammempoa irate ri anjo empoang kala'biranga. Angkanami ke'nanga, “Aming! Pujimi Allata'ala!”