PAPPICINI' 19:3 - KITTA' MATANGKASA'

³ Nampa akkio' pole anjo sa'ra tau jaia, angkana, “Pujimi Allata'ala! Talammari-mariai umbunna anjo pepe' ampamutungai anjo kota lompoa!”

PAPPICINI' 19:3 Referans Kwoze

YESAYA 34:10

Allo bangngi tamatea rinrana, na nai'mo umbuna satunggu-tungguna. Lanibokoi anjo buttaya a'jari kosong siagang kalotoro' ri sikontu turungang, na tena manna sitau langngoloi.

PAPPICINI' 18:18

Siagang ammarrammi ke'nanga ri wattunna nacini' ke'nanga nai' umbu pepe' angkanreai anjo kotaya. Nakana ke'nanga, “Tenanniakkapa kota maraeng assangkamma anne kota lompoa!”

PAPPICINI' 18:9

Amminawang tongi karaeng-karaeng linoa ri panggaukang bawanna siagang hawa napasuna anjo bainea; jari lamminawang tommi ke'nanga angkarruki siagang ampiraungi anjo kotaya punna nacini' ke'nanga nai' umbunna pepe' ampamutungai.

PAPPICINI' 14:11

Anjo umbunna pepe' ansessayai anjo taua lanaiki turus sa'genna satunggu-tungguna. Allo bangngi tena nale'ba' ammari nisessa ke'nanga, iamintu sikamma tau anynyombaya ri anjo olo'-oloka siagang patunna, sikamma tau niaka pammateina areng battu ri anjo olo'-oloka.”

PAPPICINI' 19:1

Le'baki anjo nia'mo kulangngere' sa'ra gamarrunna tau jaia battu ri suruga, akkiok-kio' angkana, “Pujimi Allata'ala! Allata'alata, iamintu Allata'ala Mappasalamaka; Ia Allata'ala Mala'biri' siagang Makoasa!

PA'JARIANG 19:28

Accini'mi mae ri Sodom siagang Gomora kammayatompa ri sikontu lapparaka, nanacini'mo umbua nai' battu ri anjo tampaka, sangkamma umbu battu ri pappalluang sannaka lompona.

YUDAS 1:7

U'rangi tongi kota Sodom siagang Gomora kammayatompa kota-kota niaka ri ampi'na, appanggaukang kammaya todong anjo sikamma malaekaka tuma'buttana. Nagaukangi ke'nanga nikanaya gau' bawang siagang gau' bambalaka; sa'genna nisessa ke'nanga siagang pepe' a'rinraya satunggu-tungguna, untu' a'jari pappakainga' mae ri sikontu rupataua.

PAMMUJI 104:35

Boli'mi kamma lanynya' battu ri lino tau dorakaya, boli'mi kamma cappu' posso' tau ja'dalaka. Pujimi Batara, he nyawaku! Pujimi Batara!

PAPPICINI' 19:4

Anjo ruampuloa angngappa' pamimping, siagang anjo appaka olo'-olo' akkulilinga ri anjo empoang kala'biranga, su'ju' ngasemmi anynyomba mae ri Allata'ala ammempoa irate ri anjo empoang kala'biranga. Angkanami ke'nanga, “Aming! Pujimi Allata'ala!”