PAPPICINI' 19:12 - KITTA' MATANGKASA'

¹² MatanNa sangkammai pepe' a'rinraya siagang ri ulunNa ammakei jai songko' karaeng. Ri KalenNa nia'mo tattulisi' areng; siagang KalenNaji bawang angngassengi anjo arenga.

PAPPICINI' 19:12 Referans Kwoze

PAPPICINI' 19:16

Ri jubaNa siagang ri bongganNa nia' tattulisi' areng kammaya anne, “Karaenna sikamma karaenga, siagang Batarana sikamma tumalompoa.”

LUKAS 10:22

Sikontu-kontuna le'ba'mi Kipassareang mae ri Nakke. Tena manna sitau angngassengi anne AnatTa, pantaranganna iKatte. Tena todong sitau angngassengKi', pantaranganna AnatTa, siagang sikamma tau le'baka Napauang AnatTa.”

PAPPICINI' 1:14

Uu'Na keboki sangkamma bulunna gimbalaka, kebo'Na sangkamma le'baki kapasa'. MatanNa a'rinra-rinrai sangkamma pepe';

MATIUS 11:27

Nampa Nakana Isa, “Yangaseng-ngasenna le'ba'mi Kipassareang mae ri Nakke. Tenanniakka manna sitau angngassengi AnatTa, pantaranganna iKatte. Tenanniakka todong angngassengKi', pantaranganna AnatTa, siagang sikamma tau le'baka Kupauang.

MATIUS 28:18

A'reppese'mi Isa ri ke'nanga, na Nakana, “Sikontu koasaya, ri suruga siagang ri linoa le'ba' ngasemmi nipassareang ri Nakke.

PAPPICINI' 3:12

Ia ammetaya laKupa'jari sanrapang benteng lalanga ri Balla' Matangkasa'Na Allata'alaKu, siagang lammantammi ri anjo tampaka sa'genna satunggu-tungguna. LaKutulisiki ri kalenna anjo taua arenNa Allata'alaKu, siagang areng kotaNa Allata'alaKu – iamintu Yerusalem berua, iamintu niaka naung battu ri suruga, battu ri Allata'alaKu. Kammayatompa, laKutulisi' tongi areng beruKu mae ri kalenna ke'nanga.

IBRANI 2:9

Mingka punna Isa, nicini'mi makoasa! Nipa'jarimi irawanganna sike'de' malaekaka untu' wattu sinampekang; sollanna akkulle mate untu' sikontu rupataua, lanri baji' pa'mai'Na Allata'ala. Nicini'mi kamma-kamma anne nisare empoang mala'biri' siagang malompo lanri le'ba'namo Nakasia' sessaya sa'genna mate.

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

PAMMUJI 8:5

apa todong rupataua, nasiratang laKiu'rangi, inai todong ke'nanga, nasiratang Kiparakai?

PAPPICINI' 12:3

Nampa nia' pole nicini' ri langika apa-apa appakalannasaka. Iamintu nia' sikayu naga eja na sanna' lompona, tujua ulunna siagang sampuloa tanru'na. Massing-massing ulunna ammake ngasengi songko' karaeng.

ZAKHARIA 9:16

Punna battu anjo alloa, laNapasalamaki Batara umma'Na, sanrapang pakalawaki ampasalamaki gimbala'na battu ri bahayaya. Laccayai ke'nanga ri buttaNa Batara, sanrapang paramata songko' karaeng accilla'-cillaka.

HAKING-HAKING 13:18

Akkuta'nammi malaeka'Na Batara angkana, “Apa saba'na nuero' angngassengi arengku? Anjo arengku appakkalannasaki.”

KALAPPASSANG 23:21

Parhatikangi siagang musti mannurukiko ri ia. Teako angngewai ri ia, lanri ia suroKu, siagang tena nalanapammopporang kasalannu.

PA'JARIANG 32:29

Nakanamo Yakub, “Kipaumi inai arenTa Karaeng.” Mingka appialimi anjo taua angkana, “Tena naparallu nupakkuta'nangngang angkana inai arengku!” Nampa nabarakkaki Yakub.

PAPPICINI' 6:2

Kucinikimi, nampa nia' kucini' sikayu jarang kebo'. Pabaena anjo jaranga anna'galaki anrong pana, nanisare se're songko' kakaraengang. Majui mae ri dallekang salaku tau ammeta mangea angngallei pammetanna.

YESAYA 62:3

La'jariko rapang songko' kala'birang lalang limanNa Batara, songko' kakaraengang lalang limanNa Allata'alanu.

PAPPICINI' 13:1

Nampa nia' kucini' sikayu olo'-olo' ammumba battu lalang ri tamparanga. Nia' sampulo tanru'na na tuju ulunna. Ri massing-massing tanru'na nia' songko' karaeng, kammayatompa ri massing ulunna nia' tattulisi' se're areng anghinayai Allata'ala.

MATIUS 21:5

“Pabattumi ri Sion, angkanaya nia'mi battu Karaennu mae ri kau. Tunai ri pa'mai', ma'dongko' ri keledai sikayu ana' keledai rungkaya.”

KELONG MALA'BIRI' 3:11

Assulukko, he sikamma tulolonna Sion, ciniki Karaeng Salomo siagang songko' bulaeng nipataba ri amma'na ri allo pa'buntinganna, ri allo pa'rannu-rannuanna.

PANGNGEBARANG 30:4

Tau kereanga le'ba' nai' naung ri suruga? Le'bakika angngangkang anging lalang limanna, siagang anroko' je'ne' lalang ri bajunna, yareka ampattantui pa'baeng-baenna linoa? Inaika anjo taua, siagang inai ana'na? Mattantu nuassengi!

DANIEL 10:6

Accayai kalenna sangkamma paramata, rupanna kammai kila' singara'na, siagang matanna a'rinra-rinrai sangkamma pepe'. Paling-palinna siagang bangkenna accillaki sangkamma tambaga le'baka nikeso', na sa'ranna kammami nilangngere' sa'ra tau jai.

YOHANES 17:11

Kamma-kamma anne battuMa' mae ri Katte. Tenamo naKuammantang ri linoa; mingka ia ke'nanga niaki ilalang lino. IKatte Bapa' Matangkasa'! Kijagai laloi ke'nanga ilalang koasana arenTa, iamintu areng le'baka Kipassareang mae ri Nakke – sollanna a'jari se're ke'nanga, sangkamma iKatte siagang iNakke se're tonjaKi'.

YOHANES 17:12

Ri wattu niakKu ija assiagang ke'nanga, Kujagaimi ke'nanga ilalang kakoasanna arenTa – iamintu areng Kipassareanga mae ri Nakke. Le'ba'mi Kujagai ke'nanga, sa'genna tena sikali tappela' manna sitau, pantaranganna ia musti tappela' memanga; sollanna ilalang ri kammana anjo na'rupamo apa niaka tattulisi' lalang ri Kittaka.

EFESUS 1:21

Bella tinggina anjo empoanNa Almasi na empoanna sikontu pamarentaya, sikontu tukoasaya, sikontu pamimpinga, sikontu karaenga, yareka inai-nai mamo le'baka nisare empoang tinggi; baji' ia attallasaka ri anne jammanga, kammayatompa ia attallasaka ri jammang labattua.