PAPPICINI' 17:12 - KITTA' MATANGKASA'

¹² Anjo sampuloa tanru' nucinika iamintu sampuloa karaeng, tenayapa nappakkaramula ammarenta. Mingka lanisarei ke'nanga koasa untu' ammarenta a'jari karaeng siagang anjo olo'-oloka poro sijang sallona.

PAPPICINI' 17:12 Referans Kwoze

PAPPICINI' 12:3

Nampa nia' pole nicini' ri langika apa-apa appakalannasaka. Iamintu nia' sikayu naga eja na sanna' lompona, tujua ulunna siagang sampuloa tanru'na. Massing-massing ulunna ammake ngasengi songko' karaeng.

PAPPICINI' 13:1

Nampa nia' kucini' sikayu olo'-olo' ammumba battu lalang ri tamparanga. Nia' sampulo tanru'na na tuju ulunna. Ri massing-massing tanru'na nia' songko' karaeng, kammayatompa ri massing ulunna nia' tattulisi' se're areng anghinayai Allata'ala.

DANIEL 7:24

Anjo sampuloa tanru' iamintu sampuloa karaeng lammarentaya ri anjo kakaraenganga. Nampa nia' sitau karaeng maraeng lammumba; tena nasangkamma siagang karaeng-karaeng rioloangannaya, siagang lanabetai tallua karaeng.

PAPPICINI' 17:16

Anjo sampuloa tanru' siagang anjo olo'-olo' nucinika labirisiki mae ri anjo pasundalaka. Lanarampasaki ke'nanga sikamma apa-apa niaka ri ia, siagang lanapa'jari assolaraki. Lanakanrei ke'nanga assinna siagang lanaancuruki siagang pepe'.

DANIEL 7:20

Ero' tongi kuasseng battuanna anjo sampuloa tanru' ri ulunna siagang anjo tanru' ca'di ammumbaya ri boko nampa nabi'bu' tallua tanru' rioloangannaya. Anjo tanru' ca'dia nia' matanna siagang bawana a'bicara kosonga siagang tampoa. La'bi appakamalla'-mallakkangngangi naanjo tanru'-tanru' maraenganga.

PAPPICINI' 18:19

Jari naboneimi au ulunna ke'nanga a'jari pammatei attau matei ke'nanga; nampa angngarru' siagang ammarrang-marrang ke'nanga angkana, “Adudu, teai sipato' cilakana anne kota lompoa! Kakalumanynyanganna ampa'jari kalumanynyangi sikamma tau niaka kappala'na ri tamparanga. Mingka lalang sijangji bawang sallona, natappela' ngasemmo sikontu apa-apanna!”

PAPPICINI' 18:17

Mingka sijangji bawang sallona, nalanynya' ngasemmo sikontu kakalumanynyanganna!” Sikamma juraganga, padongko' kappalaka, siagang ana'-ana' kappalaka, kammayatompa sikontu a'boya-boyaya ri tamparanga, ammenteng battu bella ngasemmi.

PAPPICINI' 18:10

Lammenteng battu bellami ke'nanga lanri mallaki ke'nanga nitaba todong ri kasessanna. Nakanamo ke'nanga, “Adudu, teai sipato' cilakana anne kota masahoroka, kota Babel kassaka! Sinampe' duduji sallona hukkunganTa naKiposso'mo!”

PAPPICINI' 10:11

Nampa nisuroma' angkana, “Pa'la'bangi sikalipa pole biritta battua ri Allata'ala ri passala'na bansa-bansaya, sikamma pa'rasanganga, bahasa-bahasaya, kammayatompa sikamma karak-karaenga.”