PAPPICINI' 16:3 - KITTA' MATANGKASA'

³ Le'baki anjo natumpami bonena pammoneanna anjo malaeka' makaruaya naung ri tamparanga. Jari a'jari sangkammami cera' tau mate je'ne' tamparanga, sa'genna mate ngasemmo sikontu olo'-olo' niaka attallasa' lalang ri tamparanga.

PAPPICINI' 16:3 Referans Kwoze

PAPPICINI' 11:6

Nia' kakoasanna ke'nanga untu' antongkoki langika sollanna tena naturung bosia ri wattu napa'la'banna ke'nanga biritta battua ri Allata'ala. Nia' todong kakoasanna ke'nanga mae ri sikontu timbuseng je'neka, untu' ampinrai je'neka a'jari cera'. Siagang nia' todong kakoasanna untu' antunrungi buttaya siagang a'rupa-rupa bala, kere-kere wattu punna ero' ke'nanga anggaukangi.

PAMMUJI 105:29

Napinrai binangana ke'nanga a'jari cera', sa'genna panra' ngaseng juku'na.

PAMMUJI 78:44

Sikamma binangana ke'nanga napinrai a'jari cera', sa'genna takkulleamo ke'nanga angnginungi je'ne'na.

PAPPICINI' 10:2

Na ri limanna nia' se're gulungang kitta' ca'di ia tassungkea. Bangkeng kananna lalangi ri tamparanga angngonjo', na bangkeng kairinna ratei ri bontoa angngonjo'.

YEHEZKIEL 16:38

LaKuhukkungko lanri passundallang siagang pammunoang le'baka nugaukang. Lalang nassuKu siagang larroKu laKuhukkung mateko.

PAPPICINI' 13:1

Nampa nia' kucini' sikayu olo'-olo' ammumba battu lalang ri tamparanga. Nia' sampulo tanru'na na tuju ulunna. Ri massing-massing tanru'na nia' songko' karaeng, kammayatompa ri massing ulunna nia' tattulisi' se're areng anghinayai Allata'ala.

LAMPA-LAMPANA 2:41

Jaimi tau tappa' mae ri anjo napaua Petrus, nampa nije'ne'mo ke'nanga. Jari anjo alloa katambammi jaina tau tappaka a'jari tallussa'bu tau.