PAPPICINI' 16:2 - KITTA' MATANGKASA'

² A'lampami anjo malaeka' makase'rea nanatumpa bonena anjo pammoneanga naung ri butta. Jari attimbomi sikamma lattang sannaka heba'na siagang sannaka pa'risi'na ri kalenna sikontu tau niaka pammateina anjo olo'-oloka, siagang ri sikontu tau anynyombaya ri patunna.

PAPPICINI' 16:2 Referans Kwoze

PAPPICINI' 8:7

Napasa'rami tarompe'na malaeka' makase'rea; turummi bosia kamma es siagang pepe', accampuruki siagang cera' sannaka batena a'lo'loro' naung ri buttaya. La'busu'mi bage talluna linoa akkanre; kammayatompa bage tallunna poko'-poko' kayua, siagang sikamma ruku'-ruku' moncongbuloa.

PAPPICINI' 16:11

Nampa natunraimo ke'nanga Allata'ala ri suruga lanri pa'risi'na siagang lanri anjo lattanna ngaseng ke'nanga. Mingka tena tompa naero' toba' ke'nanga battu ri panggaukang ja'dala'na.

PAOLE 28:27

LaNahukkungko Batara siagang garring lattang, sangkamma le'baka Nagaukang mae ri tu Mesir. Larassi kalennu siagang puru lompo siagang puru katala', nampa tena pa'ballena.

LAMPA-LAMPANA 12:23

Mingka anjo wattua battumi malaeka'Na Batara antempaka'rangi Herodes, lanri tenana nahargai Allata'ala. Nikanremi Herodes ri gallang-gallang nampa mate.

YESAYA 3:17

Mingka laKuhukkungi ke'nanga; larassi puru-puru ulunna ke'nanga siagang lanigondoloki.”

2 PATTOTTORANG 21:18

Le'baki anjo sikontu apa kajarianga, nihukkummi Yehoram ri Batara, iamintu nisarei garring ri bone battanna, tenaya nakkulle ammolle niballei.

2 PATTOTTORANG 21:15

Manna kalenta lanatabaki' garring ri parru', pila' allo pila' sannaki!”

1 SAMUEL 5:9

Mingka battuna mange anjoreng anjo pattia, nihukkung tommi ri Batara anjo kotaya, sa'genna gegere' lompo taua anjoreng. Nihukkummi pandudu'na anjo kotaya, tau rungka yareka tau toa. Akkambu'-kambussuluki kalenna ke'nanga.

1 SAMUEL 5:6

Nampa Nahukkung Batara sikontu pandudu' Asdod siagang tuniaka ri daera tammulilina, iamintu akkambu'-kambussuluki kalenna ke'nanga sangkamma puru.

PAOLE 7:15

LaNala'langiko Batara battu ri sikontu garringa siagang Napakabellako battu ri sikontu bala sangkamma le'baka nucini' ri Mesir, ba'lalo anjo balaya musu-musunnu Napitujui.

YESAYA 3:24

Kamma-kamma anne ammakei ke'nanga minynya'-minynya' bau', mingka sallang la'rasa bottoki ke'nanga. Passikko' aya' alusu'na ke'nanga lanisambei siagang otere' kasara'. Ulunna ke'nanga ga'gaya uu'na lanigondoloki. Pakeang ga'ga-ga'gana ke'nanga lanisambei siagang pakeang kekke'-kekke'. Kamma-kamma anne ga'gai ke'nanga; mingka sallang a'jari kodimi tanja'na lanri le'baki nisitempele'.

PAMMUJI 78:26

Nasuroi ammiri' anging battu rayaya; lanri koasaNa mammiriki anging battu timboroka.

PAPPICINI' 14:16

Nampa Napasoemo kandaoNa anjo ammempoa irate ri rammanga nanikattomo linoa.

PAOLE 28:35

LaNapirassi Batara anjo bangkennu siagang puru lompo siagang pa'risika, tenaya nakkulle ammolle; battu ri bangkennu sa'genna tompo'na ulunnu larassi siagang lattang.

PAPPICINI' 13:12

Ri dallekanna anjo olo'-olo' bungasaka ammakei kakoasang lompo iamintu kakoasang natarimaya battu ri anjo olo'-olo' bungasaka. Sikontu buttaya siagang sikontu tau ammantanga ri tompo'na napassa ngasemmi anynyomba mae ri anjo olo'-olo' bungasaka sumpaeng, anjo piayamo bokka' lompona.

PAPPICINI' 14:9

Nia'mo malaeka' makatallu, ribokoanganna anjo malaeka' ruaya, akkio' lompoi angkana, “Anjo tau anynyombaya ri anjo olo'-oloka siagang patunna, siagang nia' pammateinna anjo olo'-oloka ri abanna yareka limanna,

PAPPICINI' 16:1

Nampa nia' kulangngere' sa'ra lompo battu lalang ri Balla'Na Allata'ala angkana mae ri anjo tujua malaeka' angkana, “A'lampako nanutumpa bonena anjo pammoneang kalarroanNa Allata'ala naung ri buttaya!”