PAPPICINI' 16:16 - KITTA' MATANGKASA'

¹⁶ Nampa napa'rappung ngaseng roh-roh anjo sikontu karaenga ri tampa' niarenga lalang bahasa Ibrani: Harmagedon.

PAPPICINI' 16:16 Referans Kwoze

ZAKHARIA 12:11

Ri anjo alloa nia' karru' lompo ri Yerusalem, rapang karru' mae ri Hadad-Rimon ri Ka'bung Lappara'na Megido.

HAKING-HAKING 5:19

Ri Taanakh ri ampi'na Binanga Megido a'bundu' sikamma karaenga, barjuang sikamma karaeng Kanaan mingka manna pera' tamania' naerang ke'nanga battu ri pa'bundukang.

PAPPICINI' 9:11

Nia' karaenna, amparentayai ke'nanga; na anjo karaenna ke'nanga iamintu malaeka' anjagayai tubiri'na kamateanga. Arenna ilalang bicara Ibrani iamintu Abadon; na lalang bicara Yunanina iamintu Apolion (battuanna “Pammanrakia”).

PAPPICINI' 17:14

La'bunduki ke'nanga angngewai anjo Ana' Gimbalaka. Mingka lanibetai anjo sikamma karaenga ri anjo Ana' Gimbalaka siagang sikamma taunNa tamamminraya le'baka Nakio' siagang Napile; nasaba' Ia minjo Ana' Gimbalaka Batarana sikamma tumalompoa, siagang Karaenna sikamma karaenga.”

YOHANES 19:13

Nalangngere'na Pilatus kana-kana kammaya anjo, naerammi Isa assulu' nampa ammempo ri kadera pangadelanga, ri tampa' niarenga Dapara' Batu. (Lalang bicara Ibrani niarengi Gabata.)

LAMPA-LAMPANA 26:14

Tu'guru' ngaseng maki' naung ri buttaya. Nampa nia'mo kulangngere' sa'ra a'bicara mae ri nakke lalang bicara Ibrani nakana, ‘Saulus, Saulus! Angngapa natuli nusessa kamma duduA'? Ikau tonji langkasiaki pa'risika punna tuli nuewana pimpinanNa a'jaria karaennu.’

YOHANES 19:17

Assulu'mi Isa ampisangi kayu salli'Na, Naerang mange ri tampa' niarenga “Tampa' Tangkora'”. (Lalang bicara Ibrani nikana Golgota.)

YOHANES 5:2

Anjoreng ri Yerusalem, ri ampi'na tampa' niarenga “Pakke'bu' Gimbala',” nia' se're balang, niarenga Betsaida lalang bicara Ibranina. Anjoreng nia' lima paladang.

HAKING-HAKING 4:7

LaKupabattui sallang Sisera mae ri kau ri Binangana Kison, siagang tantarana, kammayatompa kareta-kareta bundu'na untu' ambundukiko. Mingka laKusareko pammetang lalang ri anjo pa'bundukanga.’ ”

2 PATTOTTORANG 35:22

Mingka kammaji lompona pattujunna Yosia untu' angngewa, siagang taerokai appilangngeri Yosia ri apa Napaua Allata'ala tete ri Karaeng Nekho. Ammake palusu'mi Yosia nampa antama' ri pa'bundukanga ri lappara' rawana Megido.