PAPPICINI' 14:9 - KITTA' MATANGKASA'

⁹ Nia'mo malaeka' makatallu, ribokoanganna anjo malaeka' ruaya, akkio' lompoi angkana, “Anjo tau anynyombaya ri anjo olo'-oloka siagang patunna, siagang nia' pammateinna anjo olo'-oloka ri abanna yareka limanna,

PAPPICINI' 14:9 Referans Kwoze

PAPPICINI' 14:11

Anjo umbunna pepe' ansessayai anjo taua lanaiki turus sa'genna satunggu-tungguna. Allo bangngi tena nale'ba' ammari nisessa ke'nanga, iamintu sikamma tau anynyombaya ri anjo olo'-oloka siagang patunna, sikamma tau niaka pammateina areng battu ri anjo olo'-oloka.”

YEREMIA 44:4

Tulusu' Kusuroi battu ata-atangKu sikamma na'bia mae ri kau, ampisangkaiko anggaukangi anjo kaja'dallang tenaya Kungai.

PAPPICINI' 7:3

Nakana anjo malaekaka, “Teako rolong panraki bontoa, yareka tamparanga yareka poko'-poko' kayua punna tenapa nisarei pammatei segele' ri kanynyinna sikamma Umma'Na Allata'ala.”

PAPPICINI' 16:2

A'lampami anjo malaeka' makase'rea nanatumpa bonena anjo pammoneanga naung ri butta. Jari attimbomi sikamma lattang sannaka heba'na siagang sannaka pa'risi'na ri kalenna sikontu tau niaka pammateina anjo olo'-oloka, siagang ri sikontu tau anynyombaya ri patunna.