PAPPICINI' 14:7 - KITTA' MATANGKASA'

⁷ Akkio' lompomi anjo malaekaka nakana, “Malla' mako ri Allata'ala, siagang pujimi kalompoanNa! Nasaba' narapi'mi wattunna laNaadeli Allata'ala rupataua. Sombami Ia ampa'jariai langika, buttaya, tamparanga siagang sikontu timbusenna je'neka!”

PAPPICINI' 14:7 Referans Kwoze

KALAPPASSANG 20:11

Lalang wattu annang allo, iNakke, Batara, Kupa'jari buttaya, langika, tamparanga, siagang sikontu apa niaka lalang, mingka ri makatujuna alloa ammari-mariA'. Iaminjo saba'na iNakke, Batara, Kubarakkaki Allo Pammari-marianga siagang Kusa'laki untu' KalengKu.

PAPPICINI' 15:4

Inai tamallakka ri Katte, Batara? Inai taeroka ampa'la'bangi kalompoanTa? IKatteji bawang matangkasaka. Sikontu bansaya labattui anynyomba ri Katte, nasaba' nacini' ngasemmi sikontu taua kaadelang le'baka Kigaukang.”

NEHEMIA 9:6

Nampa appala' doammo ra'ya' Israel kamma anne, “IKattemi Batara, iKattemi tena ruanTa; Kipa'jari bintoenga na sikontu langika, kammayatompa tamparang, butta siagang sikontu bonena, nampa Kisare katallassang siagang Kiparakai. Ri Kattemi anynyomba sikamma koasaya ri langi'; akkulantuki ke'nanga, tundu' mae ri Katte.

PAPPICINI' 11:18

A'jalloki tau tenaya natappa' ri Batara, lanri narapi'mi wattunTa ampappicinikangi kalarroanTa, siagang narapi' tommi wattunna Kiadeli tau matea. Iaminne wattunna laKisare passawallang sikontu atanTa, na'bi-na'biTa, kammayatompa sikontu ummatTa, iamintu sikontu tau anynyombaya mae ri Katte, baji' natau lompo, kammayatompa tau ca'di. Iaminne wattunna laKiancuru' tau angngancurukai buttaya!”

PAPPICINI' 4:11

“O Batara, Allata'alana ikambe! IKatteji bawang siratang annarima pammuji, pappakala'biri' siagang kakoasang. Nasaba' iKattemi ampa'niaki sikontu apa-apa niaka, siagang lanri erotTa tommi nanjari siagang attallasa' sikontu apa-apa niaka.”

PAPPICINI' 11:13

Na anjo wattua ta'ge'goso' sanna'mi buttaya. Ancuru'mi bage sampulona anjo kotaya, siagang nia'mo tuju sa'bu jaina tau mate napakamma anjo ta'ge'goso'na buttaya. A'jari malla' sikali ngasemmi tau maraenganga, nampa mammuji ke'nanga mae ri kalompoanNa Allata'ala ri suruga.

PAMMUJI 33:6

Assarei parenta Batara, na'jarimo langika; mataallo, bulang, na bintoeng nipa'jari ri kananNa.

PAPPICINI' 18:10

Lammenteng battu bellami ke'nanga lanri mallaki ke'nanga nitaba todong ri kasessanna. Nakanamo ke'nanga, “Adudu, teai sipato' cilakana anne kota masahoroka, kota Babel kassaka! Sinampe' duduji sallona hukkunganTa naKiposso'mo!”

PAPPICINI' 16:9

Ammutummi rupataua napakamma bambanna, sa'genna natunraimo arenNa Allata'ala, Makoasaya mae ri sikamma anjo balaya. Manna nakamma tena todong naero' toba' ke'nanga battu ri dosa-dosana siagang tena naero' ke'nanga ammuji ri kalompoanNa Allata'ala.

PAPPICINI' 4:9

Anjo appaka anu attallasa' akkelongi lagu-lagu pammuji, pappakala'biri' siagang kasukkurang mae ri Ia ammempoa ri anjo empoang kala'biranga, iamintu Ia attallasaka sa'genna satunggu-tungguna. Na ri wattunna akkelong anjo anu attallasaka,

PAMMUJI 124:8

Pannulunta iamintu battu ri Batara ampa'jariai langika siagang linoa.

LAMPA-LAMPANA 14:15

“He, angngapa nanugaukang ngasengi anne kammaya? Ikambe anne tau biasa tonjaki' sangkamma ikau ngaseng! Niaki ikambe mae anrinni untu' ampabattui Kabara' Bajika mae ri kau ngaseng, sollanna nubokoi anjo apa-apa tenaya matu-matunna; na nubattu mae ri dallekanNa Allata'ala attallasaka, ampa'jariai langika siagang linoa, kammayatompa tamparanga siagang sikontu apa niaka lalang.

YESAYA 40:6

Nia' sa'ra angkana, “Kabarrangi!” Akkuta'nanga', “Apa musti kukabarrang?” “Kabarrangi angkana rupataua rapang ruku', rapang bunga poro sinampe'ji ga'gana.

PAPPICINI' 19:5

Nampa nia' kulangngere' sa'ra battu ri anjo empoang kala'biranga angkana, “Pujimi Allata'ala, ikau sikontu atanNa, siagang sikontu rupataua, tau lompo yareka ca'di, ia anynyombaya ri Allata'ala, pujimi Allata'ala!”

HOSEA 8:1

Nakana Batara, “Pasa'rai tanra bahayaya! Niaki musua ambunduki pa'rasangangKu rapang balangkoa' antamberoai apa lanakanrea! UmmakKu nadakkai parjanjiangKu siagang ke'nanga, siagang nabaliangi ajarang-ajarangKu.

YEREMIA 10:10

Mingka iKatte, Batara, Allata'ala tojenga, Allata'ala assarea katallassang, Karaeng mannannunganga. Punna larroKi', ta'ge'gosoki buttaya, Punna nassuKi' tattahangngai bansa-bansaya. (

YESAYA 42:12

Boli'mi kamma napakala'biri' Batara ke'nanga, na napa'la'bang arenNa ri sikamma pa'rasangang bellaya.

PAMMUJI 89:7

Ri langi' tena sangkammanTa o, Batara, tena apa ri suruga ampasangkammaiKi'.

PAMMUJI 36:1

Untu' pamimping pakelong. Battu ri Daud, atanNa Batara.

YOSUA 7:19

Nakanamo Yosua ri Akhan, “Na', mangakuimi siagang paumi silambusu'na anrinni ri dallekanNa Batara, Allata'alana Israel, apa le'baka nugaukang. Pauamma', teako cokkoi.”

PAPPICINI' 8:10

Nampa napasa'ra tarompe'na malaeka' makatallua; na nia'mo se're bintoeng lompo, a'rinra-rinraya sangkamma sulo, tu'guru' battu rate ri langika, nanatuju bage talluna sikontu binangaya siagang sikontu timbusenna je'neka.

LUKAS 17:18

Angngapa naiaji bawang anne tau battu pantarang pa'rasanganga ammotere' appala' sukkuru' ri Allata'ala?”

DANIEL 8:19

“Lakupauangko apa lakajarianga sallang lanri pangngalarroiNa Allata'ala. Nasaba' anjo paccini'nu napa'nyatami antekamma sallang kala'busang jammanga.

YEHEZKIEL 7:6

Kamma-kamma anne sikontu-kontuna narapi'mi kala'busanna. Iaminne kale'bakkannu. Tenamo panrannuang mae ri kau.

YEHEZKIEL 7:2

“He tau, iNakke, Batara Kaminang Tinggia, eroki Kupabattu anne mae ri butta Israel angkana: Iaminne kala'busanna riwaya'na sikontu anne pa'rasanganga!”

YESAYA 58:1

Nakana Batara, “Gassingi ammarrang! Pauangi sikamma dosana ummakKu.

YESAYA 44:23

Akkio' rannuko, he langi', ma'rannu-rannuko, he bone kambunna buttaya! Akkio' rannuko, he sikamma monconga! siagang romanga na sikamma poko' niaka lalang! Saba' Napappicinikammi Batara kala'biranNa lanri le'ba'na Napasulu' Israel umma'Na.

YESAYA 40:9

Naikko ri moncong tinggia, pa'la'bangi kabara' bajika mae ri Yerusalem! Akkiokko, pilompoi sa'rannu, pa'la'bangi kabara' bajika mae ri Sion! Paui mae ri kota-kotana Yehuda angkana labattui Allata'alana ke'nanga!

YESAYA 40:3

Nia' kalangngerang sa'ra akkio' angkana, “Pasadiai oloanga ri parang lompoa untu' Batara. Lambusi agang lompoa ri parang lompoa untu' Allata'alata!

PAMMUJI 95:5

Ia angkoasai tamparanga, saba' Ia ampareki, bontoa pole bate pare'Na todong.

1 SAMUEL 6:5

Jari, musti apparekko bulaeng sanrapang kambussuluka siagang balao ampanrasu-rasua ri pa'rasangannu. Lalang kammana anjo nupakala'biri'mi Allata'alana Israel. Lammarimi kapang anghukkungko siagang rewata-rewatanu kammayatompa pa'rasangannu.

PA'JARIANG 22:12

Nakanamo Batara tete ri anjo malaekaka, “Teako pa'risi antu anaka yareka teako apa-apai. Kamma-kamma anne Kuassemmi angkanaya nupakalompoA' siagang mannurukiko ri Nakke, nasaba' tena nanutollaki untu' ampassareangi ana' sitau-taunu mae ri Nakke.”

PAPPICINI' 18:19

Jari naboneimi au ulunna ke'nanga a'jari pammatei attau matei ke'nanga; nampa angngarru' siagang ammarrang-marrang ke'nanga angkana, “Adudu, teai sipato' cilakana anne kota lompoa! Kakalumanynyanganna ampa'jari kalumanynyangi sikamma tau niaka kappala'na ri tamparanga. Mingka lalang sijangji bawang sallona, natappela' ngasemmo sikontu apa-apanna!”

PAPPICINI' 18:17

Mingka sijangji bawang sallona, nalanynya' ngasemmo sikontu kakalumanynyanganna!” Sikamma juraganga, padongko' kappalaka, siagang ana'-ana' kappalaka, kammayatompa sikontu a'boya-boyaya ri tamparanga, ammenteng battu bella ngasemmi.

1 PETRUS 4:7

Sikontu apa-apaya a'reppese'mi mae ri kale'bakkanna; lanri kammana paralluko tutu siagang nupakalewa kalennu, sollannu akkulle appala' doang.

MATIUS 25:13

Le'baki anjo Natongko'mi Isa anjo pangngebaranga Nakana, “Lanri kammana, a'jaga-jaga mako, nasaba' tena nuassengi allonna siagang tette'na nabattu Ana' Ma'rupataua.”

MALEAKHI 2:2

Pakalompoa' lalang panggaukannu. Punna taerokako ampilangngeri kanangKu, laKutunraiko. Sikontu apa nutarimaya salaku dalle' latappinrai a'jari pattunra. Sikontutojenna, sikontu anjo apa bajika le'ba'mi Kutunrai, lanri tena nujampangi parenta-parentaKu.

PAMMUJI 115:15

Poro nibarakkakiko ri Batara, ampa'jariai langika siagang buttaya!