PAPPICINI' 14:20 - KITTA' MATANGKASA'

²⁰ Nipacco'mi anjo anggoroka pantarang kota; nassolommo ceraka battu ri anjo pammaccokang anggoroka sangkamma je'ne' binanga a'lo'loroka sa'genna tallum bilangngang kilometere' bellana, siagang la'biringi rua metere' lantanna.

PAPPICINI' 14:20 Referans Kwoze

PIRAUNG 1:15

Napakatunai Batara sikontu tubaraniku porea. Napagio' kabusuki tantaraya sollanna putta sikontu tau rungkaku. Naonjo'-onjokangi bansaku sa'genna ancuru', rapang tau ammaccoka rappo anggoro'.

PAPPICINI' 11:8

Siagang latappepara'mi maya'na ke'nanga ri agang lompona kota lompoa, ri tampa'na Batarana ke'nanga le'ba' nisalli'. Areng pangngebarranna anjo kotaya iamintu kota Sodom yareka Mesir.

YESAYA 66:24

Wattunna a'lampa ke'nanga, lanaciniki ke'nanga maya'na sikamma tau le'baka angngewa ri Nakke. Anjo olo' angkanreai ke'nanga talamateai, siagang pepe' angkanreai ke'nanga talamateai rinrana; apa appakamalla' dudua mae ri sikontu tau ancinikai.”

PA'JARIANG 49:11

Ana' keledaina nipaukang ri poko', poko' anggoro' mabajika. Anggoro' lanapasassa ri pakeanna, anggoro' eja sanrapang cera'.

PAOLE 32:14

Olo'-olo'na appabattui wassele' jai dageng siagang dadi'; gandunna siagang je'ne' anggoro'na kaminang baji'.

YEHEZKIEL 32:6

Cera'nu laKutumpai sa'genna nabasai sikamma buluka siagang narassi sikamma binangaya.

YO"EL 3:13

Sanna' ja'dala'na ke'nanga; te'baki ke'nanga rapang gandung ti'noka ri kokoa. Onjo'-onjokangi ke'nanga rapang anggoro' niaka lalang ri pammaccokanga, rassia sa'genna tattumpa.