PAPPICINI' 13:3 - KITTA' MATANGKASA'

³ Kalase'renna anjo tujua ulunna anjo olo'-oloka sangkammai nicini' le'baki bokka' sanna' lompona, mingka piami anjo bokkaka. Amminawang ngasemmi siagang lannasa' sikontu linoa mae ri anjo olo'-oloka.

PAPPICINI' 13:3 Referans Kwoze

PAPPICINI' 17:8

Anjo olo'-oloka le'baki attallasa' pirangalloang, mingka kamma-kamma anne tenamo nattallasa'. Sinampe' mami nassulu'mo battu ri tubiri'na kamateanga nampa mange ri kapanrakanga. Sikamma tau attallasaka ri lino, natena tattulisi' arenna lalang Kitta' Tau Attallasaka ri wattu tenanapa nanipa'jari linoa, lalannasaki ri wattunna nacini' anjo olo'-oloka. Nasaba' le'baki attallasa' anjo olo'-oloka pirangalloang. Kamma-kamma anne tenamo nattallasa', mingka lammumba poleangi ammotere'.

PAPPICINI' 13:14

Na natipu ngasemmo sikontu rupataua ri lino lanri anjo gau'-gau' appakalannasa' akkullea nagaukang ri dallekanna anjo olo'-olo' bungasa' battua sumpaeng. Siagang nasuro ngasemmi ke'nanga appaenteng se're patung untu' anjo olo'-olo' le'baka bokka' nataba pa'dang, mingka attallasa' iji.

PAPPICINI' 17:17

Nasaba' Napagio'mi Allata'ala atinna ke'nanga untu' anggaukangi pattujunNa Allata'ala. LaNapassamaturu'mi ke'nanga untu' ampassareangi kakoasanna ke'nanga mae ri anjo olo'-oloka sollanna ammarenta anjo olo'-oloka sa'genna kajariang apa Napaua Allata'ala.

PAPPICINI' 17:10

limami ri ke'nanga tu'guru', se're ammarenta iji, na se'reanga pole tenapa nabattu. Punna battui sallang, musti ammarentai mingka sinampe'ji bawang.

YEHEZKIEL 30:24

Nampa laKukassakki paling-palinna karaeng Babel, siagang Kuboliki pa'dangKu ri limanna. Mingka paling-palinna karaeng Mesir laKutepoki sa'genna lakkunrareng na mate ri dallekanna karaeng Babel, musunna.

PAPPICINI' 17:13

Anne sampuloa karaeng sangkamma ngasengi pattujunna; para napassareang ngasengi ke'nanga kagassinganna siagang kakoasanna mae ri anjo olo'-oloka.

PAPPICINI' 13:12

Ri dallekanna anjo olo'-olo' bungasaka ammakei kakoasang lompo iamintu kakoasang natarimaya battu ri anjo olo'-olo' bungasaka. Sikontu buttaya siagang sikontu tau ammantanga ri tompo'na napassa ngasemmi anynyomba mae ri anjo olo'-olo' bungasaka sumpaeng, anjo piayamo bokka' lompona.

LAMPA-LAMPANA 8:13

Manna Simon tappa' tommi. Na ri wattunna le'ba'mo nije'ne', amminawang tulimi ri Filipus. A'jari takkalanna'-lannasa'mi Simon napakamma anjo gau'-gau' appakalannasa' kajarianga.

LUKAS 2:1

Anjo wattua Karaeng Agustus ammarenta ri pa'rasangang Roma. Sitabangi nisuro bilang ngaseng sikontu tuma'buttaya niaka lalang parentana.

PAPPICINI' 17:6

Nampa nasa'ring kucini' anjo bainea napakamma cera'na Umma'Na Allata'ala siagang cera'na tau nibunoa lanri tamamminrana mae ri Isa. Teai sipato' lannasakku ri wattunna kucini' anjo bainea.

YOHANES 12:19

Jari nakanamo tu Farisia massing para ia, “Tena apa-apa akkulle nigaukang! Cini'mi lari ngasemmi bonena linoa amminawang ri Ia!”

PAPPICINI' 17:11

Na anjo olo'-olo' le'baka attallasa', mingka tenamo kamma-kamma anne, iaminjo karaeng makasagantujua. Battu ri kalase'renna tonji ri anjo tujua karaeng, a'lampayamo kamma-kamma anne mange ri kapanrakanga.