PAPPICINI' 13:1 - KITTA' MATANGKASA'

¹ Nampa nia' kucini' sikayu olo'-olo' ammumba battu lalang ri tamparanga. Nia' sampulo tanru'na na tuju ulunna. Ri massing-massing tanru'na nia' songko' karaeng, kammayatompa ri massing ulunna nia' tattulisi' se're areng anghinayai Allata'ala.

PAPPICINI' 13:1 Referans Kwoze

PAPPICINI' 12:3

Nampa nia' pole nicini' ri langika apa-apa appakalannasaka. Iamintu nia' sikayu naga eja na sanna' lompona, tujua ulunna siagang sampuloa tanru'na. Massing-massing ulunna ammake ngasengi songko' karaeng.

PAPPICINI' 17:3

Nampa nikoasaima' ri RohNa Allata'ala, siagang nieramma' mange ri parang lompoa ri anjo malaekaka. Anjoreng nia'mo kucini' sitau baine ammempo irate ri dongko'na sikayua olo'-olo' ejaya siagang a'rinraya nicini'; rassi kalenna siagang tulisang-tulisang areng antunraiyai Allata'ala. Nia' tuju ulunna siagang sampulo tanru'na anjo olo'-oloka.

PAPPICINI' 11:7

Le'baki napabattu birittana ke'nanga, laniewami ke'nanga ri anjo olo'-olo' assuluka battu ri tubiri'na kamateanga. Lanibetai siagang lanibunoi ke'nanga.

DANIEL 11:36

Karaeng pa'rasangang waraka lappaero'-eroki appanggaukang. Tampoi ke'nanga nangkana angkanaya la'bi lompoangngangi kalenna namanna pole rewata battu kemae, ba'lalo la'bi lompoangngangi na Allata'ala Kaminang Tinggia. Lakkullei appanggaukang kamma anjo sa'genna kala'busang pangngalarroinNa Allata'ala. Nasaba' anjo apa le'baka Napattantu Allata'ala musti a'rupai la'bi riolo.

PAPPICINI' 17:16

Anjo sampuloa tanru' siagang anjo olo'-olo' nucinika labirisiki mae ri anjo pasundalaka. Lanarampasaki ke'nanga sikamma apa-apa niaka ri ia, siagang lanapa'jari assolaraki. Lanakanrei ke'nanga assinna siagang lanaancuruki siagang pepe'.

YEREMIA 5:22

INakke Batara; angngapa natena numalla' ri Nakke? Mustina annekkerekko mae ri Nakke! INakke ampa'jari biring tamparanga a'jari pa'baeng-baeng tamparang tenaya nakkulle nilaloi sa'genna satunggu-tungguna. Tamparanga akkullei lompo bombanna siagang a'jallo' bombanna, mingka takkulleai nalalo anjo pa'baeng-baenga.

PAPPICINI' 15:2

Le'baki anjo nia'mo kucini' apa sangkammaya nicini' tamparang kaca accampuruka pepe'. Kucini' tommi tau le'bakamo ammeta ri anjo olo'-oloka siagang patunna, siagang ammetayamo mae ri anjo tau nibateia lomoro' arenna. Ammenteng ngasemmi anjo tau ammetayamo ri birinna tamparang kacaya, nanata'gala' kacapi Napassareanga Allata'ala mae ri ke'nanga.

PAPPICINI' 17:5

Ri tompo' kanynyinna nia' tattulisi' areng, niaka rahasiana battuanna. Anjo arenga iamintu “Babel Lompoa, anronna sikontu pasundalaka siagang tau kodi sipaka ri lino.”

PAPPICINI' 13:11

Nampa nia' kucini' sikayu olo'-olo' maraeng ammumba battu lalang ri buttaya. Nia' rua tanru'na sangkamma tanru' ana' gimbala'. Sa'ranna sangkammai sa'ra naga.

PAPPICINI' 13:14

Na natipu ngasemmo sikontu rupataua ri lino lanri anjo gau'-gau' appakalannasa' akkullea nagaukang ri dallekanna anjo olo'-olo' bungasa' battua sumpaeng. Siagang nasuro ngasemmi ke'nanga appaenteng se're patung untu' anjo olo'-olo' le'baka bokka' nataba pa'dang, mingka attallasa' iji.

PAPPICINI' 13:15

Nipa'biammi anjo olo'-olo' makaruaya ansarei nyawa anjo patunga, sa'genna akkullemo a'bicara anjo patunga siagang nabuno sikamma tau tenaya naero' anynyomba mae ri ia.

PAPPICINI' 16:13

Nampa nia'mo kucini' tallu roh ja'dala' sangkammaya tumpang tanja'na. Anjo tumpanga battu anjorengi assulu' ri bawana nagaya, battu ri bawana anjo olo'-oloka, siagang battu ri bawana na'bi balle-ballea.

PAPPICINI' 19:19

Nampa kucini' anjo olo'-oloka, karaeng-karaenna linoa siagang sikontu tantarana ke'nanga, a'rappungang ngasengi untu' a'bundu' angngewai anjo a'dongko' jarang keboka siagang sikontu tantaraNa.

DANIEL 2:41

Anjo bangkenga siagang karemeng bangkeng a'bengkoroka bassi siagang butta pi' ri anjo patunga, iaminjo pangngebarranna angkanaya anjo kakaraenganga lata'bage-bagei ri allo ri boko. Anjo kakaraenganga nia' todong kagassinganna lanri anjo butta pika nibengkoroki bassi.