PAPPICINI' 10:5 - KITTA' MATANGKASA'

⁵ Nampa kucini' anjo malaeka' angngonjoka ri tamparanga siagang ri bontoa angngangkaki lima kananna nai' ri langika.

PAPPICINI' 10:5 Referans Kwoze

DANIEL 12:7

Anjo maraenganga naangkaki rua-rua limanna nai' ri langika. Kulangngereki assumpa lanri Allata'ala mannannunganga siagang nakana, “Anjo sikamma kajarianga lanarapiki sa'genna tallu sitangnga taung. Punna le'ba'mo passessaya ri umma'Na Allata'ala, lakala'busang tommi anjo sikamma kajariang appakalannasaka.”

PAOLE 32:40

INakke tojeng-tojemmi Mattallasaka, iNakke Allata'ala, Kuangkaki limangKu naKuassumpa:

PAPPICINI' 16:17

Le'baki anjo natumpami bonena pammoneanna anjo malaeka' makatujua naung ri allaka. Na nia'mo nilangngere' sa'ra lompo battu ri empoang kala'biranga ri Balla'Na Allata'ala, angkana, “Le'ba'mi!”

PAPPICINI' 14:7

Akkio' lompomi anjo malaekaka nakana, “Malla' mako ri Allata'ala, siagang pujimi kalompoanNa! Nasaba' narapi'mi wattunna laNaadeli Allata'ala rupataua. Sombami Ia ampa'jariai langika, buttaya, tamparanga siagang sikontu timbusenna je'neka!”

PAPPICINI' 10:2

Na ri limanna nia' se're gulungang kitta' ca'di ia tassungkea. Bangkeng kananna lalangi ri tamparanga angngonjo', na bangkeng kairinna ratei ri bontoa angngonjo'.

PAPPICINI' 4:11

“O Batara, Allata'alana ikambe! IKatteji bawang siratang annarima pammuji, pappakala'biri' siagang kakoasang. Nasaba' iKattemi ampa'niaki sikontu apa-apa niaka, siagang lanri erotTa tommi nanjari siagang attallasa' sikontu apa-apa niaka.”

LAMPA-LAMPANA 14:15

“He, angngapa nanugaukang ngasengi anne kammaya? Ikambe anne tau biasa tonjaki' sangkamma ikau ngaseng! Niaki ikambe mae anrinni untu' ampabattui Kabara' Bajika mae ri kau ngaseng, sollanna nubokoi anjo apa-apa tenaya matu-matunna; na nubattu mae ri dallekanNa Allata'ala attallasaka, ampa'jariai langika siagang linoa, kammayatompa tamparanga siagang sikontu apa niaka lalang.

PAPPICINI' 4:9

Anjo appaka anu attallasa' akkelongi lagu-lagu pammuji, pappakala'biri' siagang kasukkurang mae ri Ia ammempoa ri anjo empoang kala'biranga, iamintu Ia attallasaka sa'genna satunggu-tungguna. Na ri wattunna akkelong anjo anu attallasaka,

PAPPICINI' 1:18

INakkemi mattallasaka! Le'ba'Ma' mate, mingka cini'mi, attallasaKa' sa'genna satunggu-tungguna. MakoasA' irateanganna kamateanga, kammayatompa irateanganna linona sikontu tau matea.

NEHEMIA 9:6

Nampa appala' doammo ra'ya' Israel kamma anne, “IKattemi Batara, iKattemi tena ruanTa; Kipa'jari bintoenga na sikontu langika, kammayatompa tamparang, butta siagang sikontu bonena, nampa Kisare katallassang siagang Kiparakai. Ri Kattemi anynyomba sikamma koasaya ri langi'; akkulantuki ke'nanga, tundu' mae ri Katte.

KALAPPASSANG 20:11

Lalang wattu annang allo, iNakke, Batara, Kupa'jari buttaya, langika, tamparanga, siagang sikontu apa niaka lalang, mingka ri makatujuna alloa ammari-mariA'. Iaminjo saba'na iNakke, Batara, Kubarakkaki Allo Pammari-marianga siagang Kusa'laki untu' KalengKu.

PA'JARIANG 14:22

Mingka appialimi Abram nakana, “Assumpa' ri dallekanNa Batara, Allata'ala Kaminang Tinggia, ampa'jariai langika siagang buttaya,

IBRANI 6:13

Ri wattunna a'janji Allata'ala mae ri Abraham, assumpai angkanaya laNarupai anjo apa Napa'janjianga. Nasaba' tenamo tinggiangang na Allata'ala, jari assumpami lalang areng KalenNa.

ROMA 1:20

Appakkaramula battu ri wattu Napa'nia'na Allata'ala linoa, anjo sipa'Na Allata'ala tenaya nakacinikang, iamintu sipa' Allata'alaNa siagang kakoasanNa tamamminraya, akkullemi napahang rupataua lalang ri sikontu apa Napa'niaka. Jari tena sikalimo alasanna rupataua untu' lampattojengi kalenna.

LAMPA-LAMPANA 17:23

Nasaba' ri wattungku a'jappa-jappa akkuliling ri kota-kotanu, nakuparhatikang sikamma tampa' passambayangannu, nia' tommo kucini' se're tampa' biasaya nupake assare koro'bang. Anjoreng ri tampaka nia' tattulisi' angkanaya, ‘Mae ri Allata'ala Tenaya Naniassengi.’ Na kamma-kamma anne, iaminjo Allata'ala nusombaya mingka tanuassengai, Iaminjo Allata'ala kukabarranga ri kau ngaseng.

YEHEZKIEL 20:5

Pabattui anne apa Kupaua. Le'baki Kupile Israel siagang assumpa mae ri ke'nanga. Ri Mesir, Kupa'nyatai KalengKu mae ri ke'nanga na Kukana, ‘INakkemi Bataranu.’

PAMMUJI 146:5

Mate'nei tau manrannuanga ri Karaeng Allata'alana, ampatangai Allata'alana Yakub a'jari pannulunna.

KALAPPASSANG 6:8

Sikontu anjo pasanNa Batara napabattui Musa mae ri bansa Israel, mingka taerokai ke'nanga anjampangi Musa, lanri tappu' minasami ke'nanga napakamma anjo sessanamo ke'nanga nipare' ata.

YEHEZKIEL 47:14

Le'ba'Ma' assumpa angkanaya anjo buttaya laKupassareangi mae ri boe-boenu. Lanri kammana anjo, allemi anjo buttaya siagang bagemi siagang adele' massing ri kau.

YEHEZKIEL 36:7

INakke, Batara Kaminang Tinggia assumpA' angkanaya anjo bansa-bansaya ri tammulilinu lanihina tongi.

YEHEZKIEL 20:42

Punna Kuerangko ammotere' mange ri butta Israel, butta Kupa'janjianga mae ri boe-boenu, nuassemmi angkanaya iNakke Batara.

YEHEZKIEL 20:28

Kuerangi ke'nanga mange ri butta le'baka Kupa'janjiang mae ri ke'nanga. Ri wattunna nacini' ke'nanga bulu'-bulu' tinggia siagang poko'-poko' kayu copponga leko'na, assaremi ke'nanga koro'bang anjoreng ri sikamma anjo tampaka. NapakanassuA' ke'nanga lanri assarena ke'nanga koro'bang-koro'bang nitunu siagang anggoro'.

YEHEZKIEL 20:23

Anjoreng tommA' ri parang kassika assumpa angkanaya laKupasisa'la'-sa'laki ke'nanga mange ri sikontu linoa,

YEHEZKIEL 20:15

Anjoreng tomminjo ri parang kassika Kuancang bansa Israel angkanaya tena nalaKuerang ke'nanga antama' ri butta le'baka Kupasadiangi ke'nanga, iamintu butta kalumanynyang siagang coppong, kammayatompa kaminang bajika ri sikontu linoa.