PAPPICINI' 1:8 - KITTA' MATANGKASA'

⁸ “INakkemi uru-urua, siagang iNakkemi kala'busanga,” kammami anjo kananNa Karaeng Allata'ala, Ia niaka battu ri pakaramulanna, ri kamma-kammaya anne, sa'genna satunggu-tungguna, Ia Kaminang Makoasaya.

PAPPICINI' 1:8 Referans Kwoze

YESAYA 44:6

Iaminne kananNa Batara Kaminang Makoasaya, Karaeng siagang pajaga mae ri Israel, “INakke Allata'ala Kaminang Se're-se'rea, uru-urua siagang kala'busanga.

PAPPICINI' 22:13

INakkemi uru-urua siagang kala'busanga; iNakkemi Batara battu ri Pakaramulaya sa'genna Kala'busanga.”

YESAYA 43:10

He ummakKu, ikau ngasemmi sa'bi-sa'bingKu, ikau ngasemmi Kupile a'jari ata-atangKu, sollanna nuassengA' siagang tappakko ri Nakke, na nupahang angkana iNakkemi Allata'ala. INakke Allata'ala Kaminang Se're-se'rea, tena maraeng rioloangangKu siagang ri bokoangangKu.

YESAYA 48:12

Nakana Batara, “Pilangngeri he Israel, umma' Kukioka, iNakke tuli Allata'alanu. INakkemi uru-urua, siagang iNakke tommi kala'busanga.

PAPPICINI' 21:6

Nampa Nakana, “Le'ba'mi! INakkemi uru-urua siagang kala'busanga; iNakkemi Batara battu ri Pakaramulaya sa'genna ri Kala'busanga. Sikamma tau turerea laKusare cuma-cumai je'ne' inung battu ri timbuseng je'ne' katallassanga.

YESAYA 41:4

Inaika anggaukang ngasengi anjo sikammaya? Inaika ampattantui jappana riwayaka? INakke, Batara, iNakkemi uru-uru, siagang tuli niaka sa'genna satunggu-tungguna.

PAPPICINI' 1:4

Sikamma sari'battang niaka ri tujua jama'ah ri daera Asia! Inakke, Yohanes, ma'minasa' nuporo nisare ngaseng barakka' siagang kasalewangang battu ri Allata'ala, Ia niaka battu ri pakaramulanna, ri kamma-kammaya anne, sa'genna satunggu-tungguna; kammayatompa battu ri tujua roh ia niaka ri dallekang empoang kala'biranNa Allata'ala,

PAPPICINI' 11:17

Nakana ke'nanga, “Batara, Allata'ala Kaminang Koasaya, Ia niaka, siagang niakamo! Appala' sukkuruki ikambe mae ri Katte lanri Kipakemi kakoasang lompoTa, siagang appakkaramula maKi ammarenta!

PAPPICINI' 1:17

Ri wattunna kucini', su'ju'ma' naung ri dallekanNa sangkamma tau matea. Mingka Napadongko'mi lima kananNa ri kalengku nampa Nakana mae ri nakke, “Teako mallakki! INakkemi uru-urua siagang iNakkemi kala'busanga.

PAPPICINI' 2:8

“Untu' mae ri malaeka'na jama'ah Smirna, tulisiki kamma anne: Iaminne pappasang battu ri Ia uru-urua siagang kala'busanga, le'baka mate Nattallasa' poleang.

PAPPICINI' 4:8

Anjo appaka anu attallasa', massing nia' annang ka'nyi'na; siagang rassi ngasengi mata ri tammulilina kalenna siagang ilalanganna kalenna. Allo bangngi anjo anu attallasaka tena nale'ba' ammari akkelonga tojeng, angkana, “Matangkasa', matangkasa', matangkasaki Batara, Allata'ala Kaminang Koasaya; Ia niaka ri pakaramulanna, ri kamma-kammaya anne, sa'genna satunggu-tungguna.”

2 KORINTUS 6:18

La'jariMa' Manggenu, nula'jari ana'-anakKu, kammami anjo kananNa Batara Kaminang Makoasaya.”

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

PA'JARIANG 49:25

Allata'alana manggenu antulungko; Kaminang Koasaya ambarakkakiko siagang je'ne' bosi battu ri langi' na je'ne' battu rawa ri butta. Siagang ana' kammayatompa sapi,

PAPPICINI' 19:15

Battu ri bawaNa nia' assulu' pa'dang tarang; siagang iaminjo pa'danga laNapake ambetai bansa-bansaya, nampa laNaparenta ke'nanga siagang takkang bassi. LaNapaccoki anggoroka lalang ri pammaccokang anggoro' kalarroanNa Allata'ala Kaminang Koasaya.

PAPPICINI' 16:14

Iaminjo ke'nanga roh-roh ja'dalaka, appareka panggaukang appakalanna'-lannasa'. A'lampami anjo tallua roh mae ri sikontu karaenga ri sikontu linoa nampa napa'rappungang ke'nanga untu' a'bundu' ri Allo lompoa, iamintu AllonNa Allata'ala Kaminang Koasaya.

PAPPICINI' 21:22

Tenai kucini' Balla'Na Allata'ala ilalang ri anjo kotaya, nasaba' ia Balla'Na Allata'ala iamintu KalenNa Batara, Allata'ala Kaminang Koasaya, siagang anjo Ana' Gimbalaka.

KALAPPASSANG 6:3

Appare' tongA' parjanjiang siagang ke'nanga. A'janjiA' angkana laKusarei ke'nanga pa'rasangang Kanaan, iamintu pa'rasangang le'baka napammantangngi ke'nanga riolo salaku tau battu-battu.

PAPPICINI' 1:11

Nakana anjo sa'raya, “Tulisiki apa nucinika, nampa nukiring anjo kitta' nutulisika mae ri tujua jama'ah, iamintu: Efesus, Smirna, Pergamus, Tiatira, Sardis, Filadelfia, siagang Laodikia.”

PA'JARIANG 35:11

Nampa Nakana pole Allata'ala, “INakkemi Allata'ala Kaminang Koasaya. Ammana'-mana' mako siagang accucu-cucu mako jai. Ikaumi lanakabattui bansa-bansa siagang la'jari boena sikamma karaenga.

PA'JARIANG 28:3

Poro Allata'ala Kaminang Koasaya ambarakkaki pa'buntingannu siagang nasareko jai ana'-cucu, sa'gennu a'jari boena jaia bansa!

PA'JARIANG 17:1

Ri wattunna salapampulo assalapang taung umuru'na Abram, Napappicinikammi KalenNa Batara mae ri ia na Nakana, “INakkemi Allata'ala Kaminang Koasaya. Turuki laloA' siagang tuli gaukangi erokKu.

PAMMILANGNGANG 24:4

le'baka allangngereki kana-kananNa Allata'ala siagang ancinikai apa Napappicinikanga Kaminang Koasaya, anra'bai, mingka tassungkei matanna.

PA'JARIANG 43:14

Poro Allata'ala Kaminang Koasaya ampagioki atinna anjo guburnurka, natu'guru' mangngamaseang mae ri kau ngaseng, sa'genna napoterang Benyamin siagang Simeon mae ri kau ngaseng. Ia inakke anne, punna paleng musti tappelaki ana'-anakku, tanjeng mama' ri Allata'ala.”

PA'JARIANG 48:3

Nakanamo Yakub mae ri Yusuf, “Le'ba'mi Napappicinikang KalenNa Allata'ala Kaminang Koasaya mae ri nakke ri Lus, ri butta Kanaan, siagang le'ba'ma' Nabarakkaki.

KALAPPASSANG 3:14

Nakanamo Allata'ala, “INakke iamintu INAKKE NIAKA. Iaminne musti nupau mae ri bansa Israel angkanaya, Ia niarenga INAKKE NIAKA, Iaminjo assuroa' battu mae ri kau ngaseng.

PAPPICINI' 15:3

Na nakelongammo ke'nanga kelong-kelonna Musa, atanNaya Allata'ala; kammayatompa kelong-kelonNa Ana' Gimbalaka. Kammaminne anjo kelong-kelonga, “Batara, Allata'ala Kaminang Koasaya, teai sipato' lompona siagang appakalannasa'na sikamma panggaukanTa! Karaenna sikontu bansaya, teai sipato' adele'na siagang annabana sikamma gautTa!

PAPPICINI' 16:7

Nampa nia' kulangngere' sa'ra battu ri tampa' pakkoro'bangnganga angkana, “Batara, Allata'ala Kaminang Koasaya, annabai siagang adeleki sikamma hukkungang le'baka Kitappuki!”

PAPPICINI' 19:6

Le'baki anjo nia'mo kulangngere' kamma sa'ra tau sannaka jaina sipa'rappungang; sa'ranna sangkammai sa'ra bombang sannaka lompona siagang sangkammai gunturu' a'gamarrunga. Kulangngere'mi ke'nanga angkana, “Pujimi Allata'ala! Nasaba' Iami Batara, Allata'alata Kaminang Koasaya, ammarentaya kamma-kamma anne!