PAOLE 9:3 - KITTA' MATANGKASA'

³ Mingka kamma-kamma anne ikau kalennu lanciniki antekamma bateNa Karaeng Allata'alanu a'jappa ri dallekannu rapang pepe' appakamutunga. LaNabetai ke'nanga ri dallekang matannu, sa'gennu akkulle ambongkai ke'nanga siagang angngancuruki silalonna ke'nanga sangkamma Napa'janjianga Batara.

PAOLE 9:3 Referans Kwoze

PAOLE 4:24

nasaba' Karaeng Allata'alanu rapangi pepe' appakamutunga. Taerokai nipasangkamma siagang apa-apa maraenganga.

IBRANI 12:29

Nasaba' anjo Allata'alata sanrapangi pepe' appakamutunga.

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

PAOLE 20:4

Karaeng Allata'alanu lamminawang untu' antulungko, siagang Ia lassareko pammetang.’

MIKHA 2:13

LanynyungkeA' oloang nampa Kuerangko assulu' battu ri pammelakkanga. Lanulappoi pakke'bu'-pakke'bu' lompoa nampa bebasakko a'lampa. INakke KalengKu, Batara, Karaennu, siagang iNakke lampimpingko assulu'.”

2 TESALONIKA 1:8

kammayatompa pepe' a'rinra-rinraya. Manaungi untu' anghukkungi tau tenaya naero' anjampangi Allata'ala, siagang tau tenaya naero' mappilangngeri ri Kabara' Bajika ri passala'na Isa Almasi Batarata.

PAOLE 1:30

Karaeng Allata'alanu lampimpingko siagang labarjuang untu' ikau sangkamma le'baka nucini' Nagaukang ri Mesir,

YOSUA 3:14

Anjo wattua sitabangi wattu pakkattoang; na kamma biasa anjo wattua allumpai je'ne'na Binanga Yordan. Ri wattunna nabokoi tu Israel pakkemaanna ke'nanga untu' a'limbang ri Binanga Yordan, a'jappa riolomi sikamma imanga na naerang Patti Parjanjianga. Na ri wattunna napaonjo' bangkenna anjo imang-imanga antama' ri je'ne' binangaya,

EFESUS 5:17

Teako dongoki, mingka pappilajari apa Nakaerokia Batara.

MARKUS 7:14

Nampa Nakio' pole Isa sikalipa anjo tau jaia, na Nakana ri ke'nanga, “Pilangngerimi sollanna nupahang!

MATIUS 15:10

Le'baki anjo Nakio'mi Isa tau jaia nampa Nakana ri ke'nanga, “Pilangngerimi sollanna nupahang!

YESAYA 33:14

Sikamma tau dorakaya ri Sion lannekkereki napakamma malla'. Nakana ke'nanga, “KaputusanNa Allata'ala rapangi pepe' a'rinraya sa'genna satunggu-tungguna. Maka nia' tau akkulle attahang lalang ri anjo pepe' appakaancuruka?”

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

YESAYA 30:30

LaNapappilangngerangi Batara sa'ra mala'biri'Na, nampa tunggala' taua lanakasiaki koasaNa hebaka. KalarroanNa lappabattui pepe' appamutunga, bosi lompo, bosi batu siagang anging lompo.

YESAYA 30:27

KakoasanNa siagang kala'biranNa Batara niciniki battu bella. Pepeka siagang umbuna ampa'nassai kalarroanNa. A'bicarai siagang ke'nanga, siagang kana-kananNa attunui rapang pepe'.

YESAYA 27:4

Tenamo naKularro. Ebara' angkana nia' ruku' yareka rompo' katinting, laKupa'lanynyaki, laKutunui sa'genna cappu' ngaseng.

PAOLE 9:6

Tappa' mako angkanaya teai passabakkang siratannu antarimai anjo butta copponga na Napassareang mae ri kau. Tena! Nasaba' ikau anne bansa kapala batuko.

PAOLE 7:16

Sikamma bansa Napassareanga Karaeng Allata'alanu ri kakoasannu musti nuancuruki; teako kamaseangngi ke'nanga. Teako anynyombai ri rewata-rewatana ke'nanga, lanri anjo panggaukang kammaya napangngerangangko bala.

HAKING-HAKING 4:14

Nampa nakanamo Debora ri Barak, “Maju mako! Batara ampimpingko. Anne alloa Nasareko pammetang mae ri Sisera.” Jari naummi Barak battu ri Moncong Tabor, siagang anjo sampuloa sa'bu taunna.

KALAPPASSANG 23:23

La'lampa rioloi malaekakKu ri dallekannu siagang naerangko mange ri pa'rasanganna tu Amori, Het, Feris, Kanaan, Hewi siagang Yebus, siagang laKuancuru' ngasengi ke'nanga.

PAOLE 7:22

Anjo bansa-bansaya laNabongka tassike'de'-ke'deki battu ri dallekannu. Takkulleai linta' dudu nuancuru' ke'nanga, sollanna tena napila' katambang olo'-olo' sekkeka akkullea ambahayakangko.

PAOLE 20:1

“Punna a'lampako mange a'bundu' angngewai musu-musunnu, teako mallakki anciniki kareta bundu' siagang jaranna ke'nanga jaia, kammayatompa tantarana ke'nanga jaiangnganga na ikau. Karaeng Allata'alanu, iamintu le'baka allappassangko battu ri Mesir, Iatommi lantulungko.

YOSUA 11:8

Nanisaremo pammetang tu Israel ri Batara. Nabundukimi tu Israel siagang naondammi ke'nanga sa'genna Misrefot-Maim siagang Sidon bellana pawara'na, siagang sa'genna mange ri Ka'bung Mizpa patimboro'na. Tulusu' heba'na anjo pa'bundukanga sa'genna tena manna sitau musu ammantang tassesa, yangasenna mate kabusuki.

YOSUA 11:12

Sikontu anjo kota-kotaya naalle ngasemmi Yosua, siagang najakkala'mi na nabuno sikontu karaenna situru' parentana Musa, anjo atanNaya Batara.

YOSUA 14:12

Lanri kammana anjo, sareamma' kamma-kamma anne daera pa'moncongang Napa'janjianga Batara mae ri nakke ri wattungku ammotere' siagang sikamma tau kuaganga angngerang laporang. Anjo wattua kalennu allangngereki, angkanaya anjoreng nia' bansa lompo tinggia pakkaleanna, niarenga bansa Enak. Lalangi ke'nanga ri kota-kota lompo nitemboka tammulilina ammantang. LaNatulunga' kapang Batara, sa'genna akkulle kubongka ke'nanga, sangkamma Napaua Batara.”