PAOLE 9:29 - KITTA' MATANGKASA'

²⁹ Mingka Kiu'rangi laloi, o Batara, angkanaya anne ke'nanga bansa Kipile a'jari ummatTa, siagang Kierangi battu ri Mesir lalang kagassingang siagang kakoasang malompoTa.”

PAOLE 9:29 Referans Kwoze

NEHEMIA 1:10

O, Batara, ikambe anne ata-atanTa, umma' kalenTa le'baka Kipasalama' lalang koasaTa siagang kahebakkanna kagassinganTa.

1 KARAENG-KARAENG 8:51

Iami ke'nanga umma' kalenTa, ia Kieranga assulu' battu ri Mesir, pa'rasangang le'baka napammantangi ke'nanga nisessa.

PAOLE 9:26

siagang appala' doamma' angkana, O, Batara Kaminang Tinggia, tea' laloKi' ancuruki anne umma' KalenTa, bansa le'baka Kilappassang siagang Kiantaraka assulu' battu ri butta Mesir lalang kagassingang siagang kakoasang malompoTa.

PAOLE 4:34

Le'bakika nia' rewata barani angngalle se'reang bansa battu ri bansa-bansaya nampa napa'jari ke'nanga umma' kalenna, sangkamma Nagaukanga Karaeng Allata'alanu untu' ikau ri Mesir? Kalennu anciniki antekamma bateNa Allata'ala appabattu kagassingang lompo, angngeranga bala siagang pa'bundukang, anggaukangai gau'-gau' appakalannasaka siagang apa-apa hebaka.

PAMMUJI 95:7

Saba' Iami Allata'alata, ikatte umma' niparakaiNa, sanrapang gimbala' Nakalawakia. Anne alloa pilangngerimi sa'ranNa angkana:

PAOLE 4:20

Mingka ikaumi bansa Napasalamaka battu ri butta Mesir, tampa'nu sessa dudu riolo. Naerangko assulu' battu ri anjo pa'rasanganga, sollannu a'jari bansa KalenNa sangkamma kaadaannu kamma-kamma anne.

YESAYA 63:19

IKatte ampa'jari ikambe rapang tena le'bakaKi' makoasa mae ri kambe; rapang tena le'bakai ikambe a'jari ummatTa.

PAMMUJI 100:3

U'rangi angkanaya anjo Karaeng Allata'ala. Ia ampa'jariki' siagang Ia ampatangki'; ikatte umma'Na, bansa Naparakaia.

1 KARAENG-KARAENG 8:15

Nakana, “Riolo le'ba' maKi' a'janji Batara, mae ri manggeku Daud angkanaya, ‘Baku' Kueranna ummakKu assulu' battu ri Mesir, ri sikontu pa'rasangang Israel tena manna se're kota Kupile a'jari tampa' untu' musti nibangungi balla' untu' a'jari tampa' passambayangang mae ri Nakke. Mingka ikau Daud, Kupileko untu' ammarenta ri ummakKu.’ Nipujimi Karaeng Allata'alana Israel, Ia le'baka anrupai anjo janjinNa!”

KALAPPASSANG 33:13

Punna kamma, Kipauang laloma' angkana apa rancanaTa, sollangku akkulle allayaniKi' siagang tuli kupakasannang pa'maitTa. Kiu'rangi tongi angkanaya anne bansaya le'ba'mi Kipile a'jari iKatte ampatangi.”

KALAPPASSANG 34:9

Nakana, “O Batara, punna ma'nassa nia' tojeng pangngellainTa mae ri nakke, kupalaki, poro amminawang laloKi' siagang ikambe. Anne bansaya memang kapala batui, mingka Kipammopporang laloi kaja'dallanna siagang dosana ikambe, siagang poro Kitarima laloi ikambe salaku umma' kalenTa.”

PAMMUJI 28:9

Kipasalama' laloi ummatTa, o, Batara, barakkaki sikamma tau Kipatanga. A'jariKi' sanrapang pakalawaki mae ri ke'nanga, na Kijagai ke'nanga sa'genna satunggu-tungguna.

PAMMUJI 77:15

IKattemi Allata'ala anggaukangai gau' appakalannasaka, le'ba'mi Kipa'nyata koasaTa ri alla'na bansa-bansaya.

PAMMUJI 106:40

Nampa a'rinramo larroNa Batara mae ri ke'nanga, ero'mi ta'langnge Nasa'ring lanri umma'Na tonji.

PAMMUJI 136:12

siagang lima kassa'Na na kalompoanna pangngamaseanNa sa'genna satunggu-tungguna.

YEREMIA 27:5

“Lanri koasa malompoKu siagang lanri kagassingangKu nale'ba' Kupa'jari linoa siagang rupataua kammayatompa sikontu olo'-oloka, nampa akkulle Kupassareang mae ri inai-nai mamo Kukaerokia.

KALAPPASSANG 6:6

LaKupa'jariko ummakKu, siagang iNakke a'jari Allata'alanu. Na lanuassemmo angkanaya iNakkemi anne Batara, Allata'alanu, le'baka allappassangko battu ri Mesir, ampare' atayako.

KALAPPASSANG 19:5

Kamma-kamma anne punna mannurukiko mae ri Nakke siagang majarrekko ri parjanjiangKu, laKupa'jariko umma' KalengKu. Sikontu buttaya ikau ampatangi, mingka ikau la'jariko umma' nikarimangngingKu,

PAOLE 9:12

Nampa Nakana Batara mae ri nakke, ‘Naungko linta', nasaba' anjo bansanu nueranga assulu' battu ri butta Mesir a'gau' ja'dala'mi. Ammengkami ke'nanga battu ri parenta-parentaKu, siagang appare'mi patung untu' nasomba.’

PAOLE 32:9

Mingka anne jari-jarina Yakub Napilei Batara untu' KalenNa.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 64:8

Mingka iKatte, o Batara, iKatte Manggena ikambe, ikambe butta pi' ji bawang, na iKatte ampareki ikambe; ikambe yangasenna bate pare' limanTa.