PAOLE 9:19 - KITTA' MATANGKASA'

¹⁹ Inakke mallakka' ri larroNa Batara a'rinra-rinraya mae ri kau ngaseng sa'genna ero'mi angngancuru' ngasengko; mingka anjo wattua Napilangngeri ija' Batara.

PAOLE 9:19 Referans Kwoze

PAOLE 10:10

“Patampulo allo patampulo bangngia' ammantang irate ri monconga sangkamma kugaukanga riolo. Sikalipi pole Napilangngeri Batara pappalakku, siagang situjumi angkanaya tena naNaancurukko.

PAMMUJI 99:6

Musa siagang Harun antamaki imang-imanna, Samuel kalase'renna tau appala' doanga mae ri Ia. Akkioki ke'nanga mae ri Batara, siagang appialimi.

KALAPPASSANG 33:17

Nakanamo Batara ri Musa, “LaKuturukiangko pappala'nu, lanri Kuassengko siagang lanri nia'na pangngellaingKu mae ri kau.”

KALAPPASSANG 32:14

Jari Napinrami Batara pattujunNa siagang ta'jariami Nagaukang anjo bala laNapabattua mae ri anjo bansaya.

PAMMUJI 106:23

Jari ero'mi Allata'ala ampossoki umma'Na, mingka nipisangkai ri Musa, tunipileNa. Musa a'jari antangngai ke'nanga, sa'genna naung larroNa Allata'ala.

PAOLE 9:8

Ba'lalo le'baki nupakalarro sikali Batara ri Moncong Sinai, sa'genna eroki angngancurukko.

IBRANI 12:21

Teai sipato' heba'na anjo apa nacinika tu Israel; sa'genna nakanamo Musa, “Mallakka' siagang annekkerekka'!”

KALAPPASSANG 34:10

Nakana Batara ri Musa, “Kamma-kamma anne apparekKa' parjanjiang siagang bansa Israel. LapparekKa' gau' appakalannasa' ri dallekang matanna ke'nanga, ia tenayapa nale'ba' nigaukang ri alla'na bansaya ri lino. Sikontu bansaya lanacini' ngasengi sikamma anjo gau' appakalannasa' Kugaukanga, lanri iNakke, Batara, lappa'jariA' se'reang gau' malompo untu' ikau ngaseng.

PAOLE 9:20

Larro dudu tongi Batara mae ri Harun sa'genna eroki Nabuno; mingka kupappala' doangngang tongi.

PAOLE 11:17

Punna nudakkai anjo parentaNa, lalarroi Batara mae ri kau. Tena Nalappaturung bosi; la'jari kalotoro' taba sikali buttanu sa'genna tenamo wassele'na lamung-lamunnu. Jari tasalloami numate ri butta coppong Napassareanga Batara mae ri kau.

PAMMUJI 78:59

Nacini'na kammaya, tamaka larroNa Allata'ala, Natolla' tojeng-tojemmi ke'nanga.

PAMMILANGNGANG 11:2

Ammarrang-marrammi anjo taua appala' tulung ri Musa. Nampa appala' doammo Musa mae ri Batara, sa'genna matemo anjo pepeka.

PAMMUJI 106:19

Ri Moncong Sinai appareki ke'nanga patung ana' sapi bulaeng, nampa nasomba anjo patung napareka ke'nanga.