PAOLE 9:13 - KITTA' MATANGKASA'

¹³ Nakana pole Batara ri nakke, ‘Kuassengi angkana teai sipato' kapala batuna anjo bansaya.

PAOLE 9:13 Referans Kwoze

PAOLE 10:16

Jari appakkaramula kamma-kamma anne musti mannurukiko mae ri Batara siagang tea' mako kapala batui pole.

PAOLE 9:6

Tappa' mako angkanaya teai passabakkang siratannu antarimai anjo butta copponga na Napassareang mae ri kau. Tena! Nasaba' ikau anne bansa kapala batuko.

2 KARAENG-KARAENG 17:14

Mingka taerokai tu Israel siagang tu Yehuda mappilangngeri. Kapala batui ke'nanga sangkamma boe-boena ke'nanga tenaya natappa' mae ri Batara, Allata'alana ke'nanga.

PAOLE 31:27

Kuassengi angkanaya teai sipato' kapala batuna ke'nanga siagang nangai angngewaya. Manna lalang attallasakku nangai ke'nanga angngewa ri Batara; sarroangampa sallang, punna matema'!

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

HOSEA 6:10

Ri Israel nia' Kucini' apa appakamalla': ummakKu nara'massi kalenna ri anynyombana ke'nanga ri barhalaya.

YEREMIA 13:27

Le'ba'mi Kucini' nugaukang sikamma apa-apa tenaya naKungai. Kucini'mi nuondang rewata-rewata maraenga ri buluka siagang ri kokoa, rapang sitau bura'ne a'lingu-lingu ero' mae ri bainenna taua, yareka jarang laki balere' dudua mae ri jarang ganaya. He pandudu'na Yerusalem, cilaka mako! Angngapapi nulata'lappasa' battu ri sikontu kaja'dallanga?”

YEREMIA 7:11

Nukanaka anne BallakKu pammantangngang paella'? Yangasenna anjo panggaukannu Kucini' ngasemmi.

PAMMUJI 50:7

“Pilangngeri, ikau ummakKu, erokKa' a'bicara, Israel, eroki Kusa'bi mae ri kau ngaseng; iNakke anne Allata'ala, Allata'alanu.

PA'JARIANG 18:21

Iaminjo saba'na Kulanaung mange anjoreng untu' amparessai, apaka ma'nassa kammatojengi yareka tena anjo tuduhang Kulangngereka.”

PA'JARIANG 11:5

Nanaummo Batara untu' anciniki anjo kotaya siagang menara nabangunga rupataua.