PAOLE 8:19 - KITTA' MATANGKASA'

¹⁹ Teako takkaluppai ri Karaeng Allata'alanu siagang teako ta'gilingi mae ri rewata-rewata maraenga untu' anynyomba siagang ampakalompoi ke'nanga. Anne alloa kupakaingakko angkanaya punna tena tanugaukanna tonja kammaya, ma'nassa tena todong tanipanrakkinnu ri Batara.

PAOLE 8:19 Referans Kwoze

PAOLE 4:26

Tapporo langika siagang linoa a'jari sa'bi anne alloa angkanaya punna tena numannuruki mae ri nakke, tasalloami nu'lanynya' battu ri butta nupammantangngia ri ba'leanna anjo Binanga Yordan. Tasalloako lammantang anjoreng, lanri laniancuru' taba sikaliko.

LUKAS 13:5

Tena sikali! Sikalipi pole Kupauangko angkanaya: Punna tena nutoba' battu ri dosa-dosanu, lamate kamma ngaseng tongko anjo ke'nanga.”

LUKAS 13:3

Tena sikali! Mingka u'rangi, angkanaya: punna tena nutoba' battu ri dosa-dosanu, lamate kamma ngaseng tongko anjo ke'nanga.

ZEFANYA 3:6

Nakana Batara, “Jaimi bansa le'ba' Kupa'lanynya'; Kuancuruki kota-kotana ke'nanga, siagang tembo'-tembo'na kammayatompa menara-menarana ke'nanga Kupa'jari loro-loroi. Kota-kotana ke'nanga a'jari sinoi tena bonena siagang agang-aganga sino kabusuki.

ZEFANYA 1:18

Ri anjo wattu allo hebaka, laNapa'nyatai larroNa Batara, na sikontu bulaenna siagang pera'na ke'nanga takkulleai ampasalamaki kalenna ke'nanga. Sikontu buttaya laancuruki assolong, nitunu ri pepe' kalarroanNa. Ti'ring laNabi'buki sikontu nyawa niaka ri tompo'na anne buttaya.

AMOS 3:2

“Battu ri sikontu bansaya ri lino, ikaumi se're-se'rea bansa Kuassenga siagang Kuparhatikanga. Iaminjo saba'na nalompo dosanu, siagang ma'nassa laKuhukkung ngasengko.”

1 SAMUEL 12:25

Mingka punna tulusu' a'gau' dosa tonjako ia, tena tapanra'nu siagang karaennu.”

YOSUA 23:13

u'rangi, angkanaya mattantu tenamo nalaNabongkai Karaeng Allata'alanu anjo bansa-bansaya untu' ikau ngaseng. Kabalekanna, la'jari bahaya lompoi anjo ke'nanga mae ri kau, nasaba' anjo ke'nanga la'jari sanrapang sikko' yareka tado' tattannanga untu' ikau. Nampa lanapa'jari sessa tongko ke'nanga; nasaba' anjo ke'nanga la'jari sanrapang paccambo' mae ri dongko'nu yareka sanrapang katinting lalang ri matannu. Tulusu' lasessako sa'genna manna sitau battu ri kau tania' lammantang tassesa ri anne pa'rasangang baji' Napassareanga Karaeng Allata'alanu mae ri kau.

PAOLE 31:20

LaKuerangi ke'nanga mange ri anjo pa'rasangang kalumanynyanga siagang copponga buttana, sangkamma Kupa'janjianga mae ri boe-boena ke'nanga. Anjorengi ke'nanga lattallasa' siagang sannang siagang anggappai sikamma kanre-kanreang naparalluanga ke'nanga. Mingka kale'bakkanna lata'gilingi ke'nanga nampa anynyomba mae ri rewata-rewata maraenga. LanasorongbokoA' ke'nanga siagang takkaluppai ri parjanjiangKu,

YEREMIA 7:6

Tea' mako manjallakkangngi pole mae ri bansa maraenga, ana'-ana' kukanga, siagang janda-jandaya. Teako ammunoi tau tena salana ri anne pa'rasanganga. Teako anynyombai ri rewata-rewata maraenga, nasaba' anjo kammaya langngerangi kapanrakang mae ri kau.

YEREMIA 25:6

Napisangkaiko anjo na'bi-na'bia anynyomba siagang assambayang mae ri rewata-rewata maraenga. Napisangkaiko ke'nanga anynyomba ri barhala-barhala nupareka kalennu, nasaba' anjo kammaya napakalarroi Batara. Punna nuturuki anjo parentaNa Batara, tena Nahukkungko.

MALEAKHI 4:4

U'rangi sikamma pangngajaranna atangKu Musa, u'rangi sikamma hukkung siagang parenta-parenta Kupassareanga ri ia ri Moncong Sinai untu' nituruki ri sikontu umma' Israel.

PAOLE 11:16

Teako erokki nipakabella battu ri Batara untu' anynyomba siagang ampare' atai kalennu mae ri rewata-rewata maraenga.