PAOLE 8:15 - KITTA' MATANGKASA'

¹⁵ Napimpingko Batara ammalo ri parang lompoa siagang hebaka, jaia ulara' a'racung siagang olo'-olo' akkullea ammuno. Ri butta kalotoroka tenaya je'ne'na Napassolongi je'neka battu lalang ri batua, sollannu akkulle angnginung sa'gennu bassoro'.

PAOLE 8:15 Referans Kwoze

PAMMILANGNGANG 21:6

Jari appabattumi Batara ulara' a'racung ri tangnga-tangngana anjo bansaya. Jaimi tu Israel mate nitotto' ri anjo sikamma ularaka.

PAMMILANGNGANG 20:11

Nampa naangka' Musa anjo takkanga na natunrung pinruang anjo bulu' batua. Jari assolong sarrimmi je'neka battu ri anjo batua, sa'genna akkulle ngasemmo angnginung taua siagang olo'-oloka.

YEREMIA 2:6

Tenamo najampangiA'; iNakke, le'baka angngului ke'nanga ri aganga, siagang angngerangi ke'nanga assulu' battu ri Mesir allalo ri parang kassika, daera roso' a'lekko-lekkoa, butta kalotoro' siagang jaia bahayana – parang tenaya nanipammantangngi siagang tenaya nanipanumaloi!

PAMMUJI 114:8

ampinrayai batu karanga a'jari kollang je'ne', siagang moncong batua a'jari timbuseng je'ne'.

PAOLE 1:19

“Nampa situru' parentaNa Karaeng Allata'alata, nibokoimi Moncong Sinai nampa a'jappaki' ri parang lompoa siagang sannaka heba'na mange ri daera monconna tu Amori. Ri wattunta battu mange ri Kades-Barnea,

HOSEA 13:5

Ri butta kalotoroka ri parang lompoa, iNakke anjagaiko.

1 KORINTUS 10:4

siagang para angnginummi ke'nanga je'ne' inung rohani sangkammaya. Angnginung ngasemmi ke'nanga battu ri je'ne' assuluka ri bulu' batu rohani niaka anrurungangi ke'nanga; anjo bulu' batua iamintu KalenNa Almasi.

YESAYA 35:7

Kassi' bambanga la'jari kollang, butta kalotoroka la'jari timbuseng je'ne'. Tampa' le'baka napammantangngi kongkong romang, lanipattimboi ri borong nipa siagang pandang.

PAMMUJI 136:16

Napimpingi umma'Na allalo ri parang lompoa; pangngamaseanNa sa'genna satunggu-tungguna.

PAMMUJI 105:41

Nareppeki moncong batua, nampa assulu' je'neka assolong sangkamma je'ne' ri parang lompoa.

PAOLE 32:13

BansaNa akkullei nakoasai moncong-monconga, ri butta a'batu-batua attimboi poko'-poko' zaitunga. Nakanrei ke'nanga wassele' koko-kokonna, nainung je'ne' bani taniparakaia ri alla' batu karanga.

YESAYA 30:6

Kammaminne pappasanNa Batara ri passala'na sikamma olo'-olo' niaka ammantang ri butta bageang timboro', “Sikamma tunisuroa napilurangngimi keledaina siagang untana ke'nanga rassi hadia, nampa numalo ri daera jaia bahaya lanri napammantangngi singa, ulara' a'racung, siagang naga akka'nyi'. Sikontu anjo hadiaya napassareangi ke'nanga mae ri bansa tenaya kullena antulungi ke'nanga.

YESAYA 43:19

Parhatikangi, nia' apa beru Kugaukang; anne kamma appakkaramulami, tenaka nuciniki? LapparekKa' oloang ri parang lompoa, siagang binanga-binanga ri parang luaraka.