PAOLE 8:10 - KITTA' MATANGKASA'

¹⁰ Langnganreko sa'genna sukku' pa'mai'nu siagang sukkuru' mae ri Karaeng Allata'alanu lanri anjo butta coppong Napassareanga mae ri kau.”

PAOLE 8:10 Referans Kwoze

PAMMUJI 103:2

Pujimi Batara, he nyawaku, teako kaluppai sikontu kabajikanNa!

ROMA 14:6

Nia' tau ampa'jari la'bi paralluangangi allo-allo attantua, lanri ero'na napakala'biri' Batara. Nia' tau a'rupa-rupai nakanre, lanri ero'na napakala'biri' Batara, nasaba' napakei appala' sukkuru' mae ri Allata'ala anjo kanrea. Kammatommi anjo tau kanre-kanreang attantuaji bawang nakanre; anjo taua napakala'biriki Batara siagang appala' sukkuruki mae ri Allata'ala.

PANGNGEBARANG 3:9

Pakala'biriki Batara siagang assareko koro'bang kaminang bajika battu ri barang-barang wassele' buttanu,

1 PATTOTTORANG 29:14

Inakke siagang anne ra'yakku sikontutojenna tena pakkullena assare apa-apa mae ri Katte, lanri yangasenna passareTa tonji. Na anne apa napassareanga ikambe iKatte tonji pata.

MATIUS 14:19

Nasuromi anjo tau jaia ammempo naung ri paranga. Le'baki anjo, Naallemi anjo roti limambatua siagang juku' ruang kayua. Nampa acconga nai' ri langika, appala' sukkuru' ri Allata'ala. Nabage-bagemi anjo rotia, nampa Napassareang mae ri ana'-ana' gurunNa, sollanna natawa-tawai anjo tau jaia.

1 KORINTUS 10:31

Apa-apa mamo nugaukang – angnganreko yareka angnginungko – gaukammi anjo untu' ampakala'biriki Allata'ala.

YOHANES 6:23

Nampa nia'mo siapa are biseang battu ri kota Tiberias mange anjoreng ri ampi'na tampa' le'baka napangnganrei roti tau jaia ri wattunna nisare ri Isa.

1 TESALONIKA 5:18

Lalang yangasenna katallassannu paralluko tuli appala' sukkuru'; nasaba' iaminjo Nakaerokanga Allata'ala mae ri kau salaku tau ampakase'reai katallassanna siagang Isa Almasi.

PAOLE 8:9

Tena nulanaalle cipuru' siagang tena nulakakurangang anjoreng. Batu karanna akkimbolongi bassi, siagang akkulleko angngeke tambaga battu ri bulu'-bulu'na.

PAOLE 31:20

LaKuerangi ke'nanga mange ri anjo pa'rasangang kalumanynyanga siagang copponga buttana, sangkamma Kupa'janjianga mae ri boe-boena ke'nanga. Anjorengi ke'nanga lattallasa' siagang sannang siagang anggappai sikamma kanre-kanreang naparalluanga ke'nanga. Mingka kale'bakkanna lata'gilingi ke'nanga nampa anynyomba mae ri rewata-rewata maraenga. LanasorongbokoA' ke'nanga siagang takkaluppai ri parjanjiangKu,

YESAYA 5:1

Pilangngeri kelongku ri sesena koko anggoro'na sahabakku. Nia' koko anggoro'na sahabakku ri bulu' copponga buttana.

YO"EL 2:26

Lagannakko ri kanre-kanreang siagang labassoroki nusa'ring. Lanupakala'biriki Karaeng Allata'alanu, nasaba' Nagaukangi mae ri kau jai gau' malompo. UmmakKu tenamo nalanicau-cau!