PAOLE 7:15 - KITTA' MATANGKASA'

¹⁵ LaNala'langiko Batara battu ri sikontu garringa siagang Napakabellako battu ri sikontu bala sangkamma le'baka nucini' ri Mesir, ba'lalo anjo balaya musu-musunnu Napitujui.

PAOLE 7:15 Referans Kwoze

KALAPPASSANG 15:26

Nakana Batara, “Mannuruki tojeng-tojeng mako mae ri Nakke, siagang gaukangi apa Kukanaya baji'; turuki sikamma parentaKu. Punna nugaukang anjo kammaya, tena nulaKuhukkung sangkamma garring le'baka Kupabattu mae ri tu Mesirka. INakkemi Batara ampamolleako.”

PAOLE 28:60

Sikamma anjo garring appakamallaka nucini' ri Mesir lanatujuko, nampa takkulleako ammolle.

PAOLE 28:27

LaNahukkungko Batara siagang garring lattang, sangkamma le'baka Nagaukang mae ri tu Mesir. Larassi kalennu siagang puru lompo siagang puru katala', nampa tena pa'ballena.

KALAPPASSANG 9:11

Sikamma tau niaka pangngissenganna ri anjo tu Mesirka tena ngaseng nakkulle mange andallekang ri Musa lanri rassi ngasengi kalenna ke'nanga siagang lattang sangkamma tu Mesir maraenganga.

KALAPPASSANG 23:25

Punna anynyombako ri Nakke, Karaeng Allata'alanu, laKubarakkakiko siagang kaparalluang kanrenu siagang inungannu, kammayatompa laKupakabellai sikontu garringa battu ri kau.

PAOLE 30:7

Sikontu anjo pattunraya lanipituju mangei ri musu-musunnu birisika ri kau siagang anjallakkangako.

PAMMUJI 91:10

Natalanatabayako bala, balla'nu talanitujuai ri bala lompo.