PAOLE 7:14 - KITTA' MATANGKASA'

¹⁴ Battu ri sikontu bansaya ri lino, tena manna se're anggappa barakka' alla'bi-la'bi kammaya ikau ngaseng. Ikau ngaseng siagang sikontu olo'-olo'nu tena sikali latamanang.

PAOLE 7:14 Referans Kwoze

PAOLE 28:4

Nibarakkakiko, sa'genna jai ana'nu, jai wassele' kattoannu, siagang a'jari jai sapinu kammayatompa gimbala'nu.

PAMMUJI 127:3

Ana'-anaka passareNa Allata'ala, sikontutojenna, anjo ke'nanga passare.

PAOLE 28:11

Lanisareko ana' majai. La'jari jai olo'-olo' piaranu siagang lalla'bi-la'bi wassele' kattoannu ri pa'rasangang Napa'janjianga Batara mae ri boe-boenu untu' Napassareang mae ri kau.

KAIMANGNGANG 26:9

LaKubarakkakiko siagang laKupa'jari jai ana' cucunnu. Sikamma apa Kupa'janjianga mae ri kau mattantu laKurupainna.

PAOLE 33:29

E, Israel, tamaka lompona upa'nu, tena bansa maraeng nipasalama' sangkamma ikau. Batara rapang sele'nu siagang pa'dannu, Naalleangangko siagang Nasareko pammetang. Labattui musunnu appala' a'mase-mase, nalanuonjo'-onjokang ke'nanga.”

PAMMUJI 115:15

Poro nibarakkakiko ri Batara, ampa'jariai langika siagang buttaya!

PAMMUJI 107:38

Nisarei ri Batara ke'nanga jai ana', siagang olo'-olo' piarana ke'nanga pila' a'bija-bijai.

PAMMILANGNGANG 22:12

Nakanamo Allata'ala ri Bileam, “Teako a'lampai siagang anjo taua, siagang teako tunrai anjo bansaya, nasaba' anjo ke'nanga le'baki Kubarakkaki.”

PAOLE 30:9

Sikontu usahanu laNapa'jari ngasengi Karaeng Allata'alanu; la'jari jai ana'nu siagang olo'-olo'nu; alla'bi-la'bi wassele'na sikamma kokonnu. Sannangi nyawaNa Batara ampa'jari salewangangko, sangkamma todong sannanNa nyawaNa assarei salewangang boe-boenu.