PAOLE 6:25 - KITTA' MATANGKASA'

²⁵ Punna tamamminraya nyawata anturuki sikontu apa Naparentakanga Karaeng Allata'alata mae ri katte, lamangngellai mae ri katte.’ ”

PAOLE 6:25 Referans Kwoze

PAOLE 24:13

mingka musti nupoterangi mae ri ia tunggala' bangngi sollanna akkulle napake untu' attinro. Jari lappala' tarima kasi anjo taua mae ri kau, siagang lamangngellai Karaeng Allata'alanu mae ri kau.

ROMA 10:3

Tena naassengi ke'nanga antekamma caraNa Allata'ala ampa'jari bajiki ammotere' passisambunganNa siagang rupataua. Nalanri cara kalenna ke'nanga naturuki, jari tenamo nanaturuki ke'nanga cara Napappicinikanga Allata'ala.

YAKOBUS 2:10

Inai-nai andakkai kalase'renna hukkunNa Allata'ala, sikontutojenna nadakkai ngasemmi anjo hukkunga.

PANGNGEBARANG 12:28

Tau amminawanga ri oloang annabaya lamate'nei ri tallasa'na; tau amminawanga ri oloanna tau ja'dalaka lamangei ri matea.

PAMMUJI 119:6

Punna kuparhatikang sikontu parentaTa, tenamo kulanipakasiri'.

KAIMANGNGANG 18:5

Turuki paratorang-paratoranga siagang hukkung-hukkung Kupassareanga mae ri kau. Punna nugaukangi kammaya anjo, lasalamakko lalang tallasa'nu. INakkemi Batara.”

GALATIA 3:12

Mingka anjo hukkung-hukkung agamaya tena natanjeng mae ri katappakkanga. Nia' tattulisi' lalang ri Kittaka angkanaya inai-nai anggaukangi hukkung-hukkung agamaya, lanri iatommi anjo hukkung agamaya nattallasa'.

YEHEZKIEL 20:11

Anjoreng Kusarei ke'nanga parenta-parentaKu siagang Kupangngajarrangi mae ri ke'nanga hukkung-hukkungKu mustia naturuki ke'nanga, nasaba' inai-nai anturuki iami latuli attallasa'.

PAMMUJI 78:7

Lanri kammana anjo manrannuang tommi ke'nanga mae ri Allata'ala, tenamo nakaluppai panggaukanNa, mingka tuli mannuruki ri parentaNa,

YEHEZKIEL 18:9

Nagaukangi parentaKu siagang naturuki hukkung-hukkungKu. Tau kammayami anjo nikana tau lambusu' siagang latuli attallasa'. INakke, Batara Kaminang Tinggia anne akkana.