PAOLE 6:24 - KITTA' MATANGKASA'

²⁴ Nasuroki' Karaeng Allata'alata anturuki siagang anggaukangi sikontu anjo parentaya kammayatompa mappakala'biri' mae ri Ia. Punna nigaukangi kammaya anjo, latuli Naparakai bansata sollanta tuli salewangang lalang tallasatta.

PAOLE 6:24 Referans Kwoze

YEREMIA 32:39

LaKusarei ke'nanga poro se're bawang oloang mange ri katallassanga: iamintu, napakalompoA' satunggu-tungguna; anjo kammaya langngerangi kabajikang mae ri kalenna ke'nanga, siagang mae ri jari-jarina.

PAMMUJI 41:2

Mate'nei tau amparhatikangai tau lammaya; lanitulungi ri Batara ri wattu kasukkarrang.

YESAYA 3:10

Nakana Batara, “Pabattui mae ri tau mannurukia ri Nakke angkana lamate'nei siagang lasalamaki ke'nanga. Lanakasia' bajiki ke'nanga wassele' posona.

ROMA 10:5

Natulisiki Musa angkanaya inai-nai assibajiki siagang Allata'ala situru' hukkung-hukkung agamaya, iami lattallasa' lanri mannurukinna mae ri anjo hukkung-hukkung agamaya.

PAOLE 8:1

“Sikontu hukkung kupassareanga mae ri kau anne alloa musti nugaukangi tamattappu', sollannu tuli attallasa', nupila' jai siagang nupammantangngi butta Napa'janjianga Batara mae ri boe-boenu.

PAOLE 4:1

Nampa nakana Musa mae ri anjo bansaya, “Turuki sikontu hukkung kupangngajarranga mae ri kau ngaseng, sollannu attallasa' sa'genna nupammantangngi anjo butta laNapassareanga Batara, Allata'alana boe-boenu, mae ri kau.

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

PANGNGEBARANG 22:4

Tau mappilangngeria ri Batara na napakatuna kalenna, lamate'nei, kala'biangi, siagang nipakalompoi.

PANGNGEBARANG 9:12

Punna kacara'dekang nupatang, ikau kalennu laupa'. Mingka punna nusorongboko kacara'dekanga, ikau tonji pole napakarugi.

PAMMUJI 66:9

Najagaimi ikambe sollanna tulusu' attallasa' ikambe, siagang tena nabalang parekangi tu'guru' ikambe.

PAOLE 8:3

Nalappassangko cipuru', nampa Nasareko manna untu' nukanre. Ikau siagang boe-boenu tale'bakako angnganre kanre kammaya anjo rioloangnganna. NaNagaukang Batara anjo kammaya lanri erokko Naajara' angkanaya anjo rupataua tena naporo kanreji bawang nakkulle attallasa', passangalinna battu ri sikontu apa Nakananga Batara.

PAOLE 4:4

nampa ikau tuli majarreka tappa'na mae ri Karaeng Allata'alanu attallasa' ijako sa'genna kamma-kamma anne.

LUKAS 10:28

Nakanamo Isa, “Annabami antu pappialinnu. Gaukang ngaseng minjo na nuattallasa'.”

KALAPPASSANG 20:20

Appialimi Musa angkana, “Teako mallakki. Nabattu Allata'ala kaero'nuji Naso'ri sollanna nutuli mannuruki mae ri Ia, siagang tena nudoraka.”

PAOLE 6:23

Ia allappassangki' battu ri Mesir sollanna Naerangki' mae anrinni, nampa Napassareang anne buttaya mae ri katte sangkamma Napa'janjianga mae ri boe-boeta.

PAOLE 6:2

Paralluko ikau siagang jari-jarinu ampakala'biriki karaeng Allata'alanu lalang sikontu tallasa'nu siagang nuturuki sikontu hukkung kupabattua mae ri kau, sollanna la'bu umuru'nu ri anjo pa'rasanganga. Lanri kammana anjo, pilangngeri

PAMMUJI 41:3

Lanijagai siagang laniparakai ri Batara, lanipakate'nei ri lino, siagang tena nipassareangi mae ri limanna musunna.