PAOLE 6:23 - KITTA' MATANGKASA'

²³ Ia allappassangki' battu ri Mesir sollanna Naerangki' mae anrinni, nampa Napassareang anne buttaya mae ri katte sangkamma Napa'janjianga mae ri boe-boeta.

PAOLE 6:23 Referans Kwoze

PAOLE 6:18

Gaukangi apa Nakanaya baji' siagang adele' Batara, na nusalewangang. Butta coppong Napa'janjianga Batara mae ri boe-boenu, lanupatangi,

PAOLE 6:10

“A'janji Karaeng Allata'alanu mae ri boe-boenu iamintu Abraham, Ishak siagang Yakub angkanaya laNapassareangi anjo pa'rasanganga mae ri kau. Kota-kotana lompoi siagang coppongi, nampa teai ikau ambangungi.

PAOLE 1:8

INakke, Batara, le'ba' ampa'janjiangi sikontu anjo buttaya mae ri boe-boenu iamintu Abraham, Ishak siagang Yakub kammayatompa mae ri jari-jarina ke'nanga. Jari a'lampa mako mange ampammantangngi anjo buttaya.’ ”

KALAPPASSANG 13:5

A'janjimi siagang assumpami Batara mae ri boe-boenu untu' laNapassareang mae ri kau pa'rasanganna bansa Kanaan, Het, Amori, Hewi, siagang Yebus. Punna Naerang mako Batara mange anjoreng ri anjo pa'rasangang akkalumanynyanga siagang copponga, tunggala' taung lalang bulang Abib, musti nugaukangi anne pa'gaukang kammaya.

PAOLE 1:35

‘Tena manna sitau battu ri anne tau ja'dala' kammaya lakkulle antama' ri pa'rasangang coppong Kupa'janjianga mae ri boe-boenu.

PAOLE 6:22

Kalenna ikambe anciniki sikamma gau' appakalannasa' Nagaukanga Batara siagang sikamma apa-apa appakamalla' Nagaukanga mae ri tu Mesir siagang ri karaenna ke'nanga, kammayatompa sikontu pagawena.

PAOLE 6:24

Nasuroki' Karaeng Allata'alata anturuki siagang anggaukangi sikontu anjo parentaya kammayatompa mappakala'biri' mae ri Ia. Punna nigaukangi kammaya anjo, latuli Naparakai bansata sollanta tuli salewangang lalang tallasatta.