PAOLE 5:22 - KITTA' MATANGKASA'

²² Iaminjo parenta-parenta Napassareanga Batara mae ri kau ngaseng ri wattunnu asse're ri monconga. Ri wattunna a'bicara kamma sa'ra gamarrung battu lalang ri pepeka siagang rammang kapalaka, Napassareangi anjo parenta-parentaNa. Tena maraeng Napassareang. Nampa Natulisi' lalang ri rua batu na Napassareang mae ri nakke.”

PAOLE 5:22 Referans Kwoze

KALAPPASSANG 31:18

Le'baki a'bicara siagang Musa irate ri Moncong Sinai, Napassareammi Allata'ala anjo ruaya batu le'baka Napannulisi Allata'ala siagang sikamma parentaNa.

KALAPPASSANG 24:12

Nampa Nakanamo Batara ri Musa, “Battuko mae ri Nakke irate ri monconga. Anjoreng laKusareko rua batu Kupannulisia sikontu hukkungKu. Anjo sikontu hukkunga Kupassareangi untu' a'jari pangngajarang mae ri anjo bansaya.”

PAOLE 5:4

Battu lalang ri pepeka irate ri anjo monconga ero' Batara a'bicara KalenNa siagang ikau ngaseng.

PAOLE 4:36

Battu rate ri langika Napappilangngerang sa'ranNa mae ri kau untu' angngajarakko; ri anne linoa Napappicinikammi mae ri kau pepe' malompoNa, siagang battu lalangi ri anjo pepeka a'bicara mae ri kau.

IBRANI 12:18

Tena nasangkamma apa-apa nudallekanga siagang apa-apa nadallekanga bansa Israel riolo. Nasaba' ia ke'nanga andallekangi apa akkullea nita'gala', iamintu Bulu' Sinai siagang pepe'na a'rinra-rinraya; andallekangi ke'nanga sassang makkappu' siagang anging lompo;

KALAPPASSANG 20:21

Mingka tuli battu bellana ngaseng anjo taua ammenteng, siagang Musa ji bawang anreppesi anjo rammang sassanga ri tampa' kahaderanNa Allata'ala.

PAOLE 5:23

“Ri wattunna a'rinra kabusu' monconga na nia' sa'ra nulangngere' battu lalang ri sassanga, battu ngasengi sikontu pamimping sukunu siagang tau toa-toanu mae ri nakke.

PAOLE 4:33

Le'bakika nia' bansa akkulle iji attallasa' baku' le'ba'na nalangngere' angkanaya nia' allata'ala a'bicara mae ri ke'nanga battu lalang ri pepeka, sangkamma le'baka nukasia'?

2 KARAENG-KARAENG 17:37

Tuli mannurukiko ri hukkung-hukkungKu siagang parenta-parenta le'baka Kutulisi' untu' ikau. Teako anynyombai mae ri rewata-rewata maraenga,