PAOLE 5:14 - KITTA' MATANGKASA'

¹⁴ mingka allo makatujua iamintu allo pammari-mariang nisa'laka untu' iNakke, Karaeng Allata'alanu. Anjo alloa tena manna sitau akkulle anjama, baji' naikau, ana'-ana'nu, ata-atannu, olo'-olo'nu yareka bansa maraeng niaka ammantang ri pa'rasangannu. Sikamma atannu musti ammari-mari tongi sangkamma ikau kalennu.

PAOLE 5:14 Referans Kwoze

IBRANI 4:4

Nasaba' ri passala'na allo makatujua, nia' tattulisi' lalang ri Kittaka angkanaya, “Ri makatujuna alloa ammari-marimi Allata'ala battu ri sikontu jama-jamanNa.”

PA'JARIANG 2:2

Ri allo makatujua nale'ba'mo Napa'jari Allata'ala anjo jama-jamanNa, nampa ammari-marimo.

KALAPPASSANG 23:12

Annangallo akkulleko anjama; mingka ri allo makatujua musti ammari-mariko, sollanna ammari-mari todong olo'-olo'nu, ata-atannu, siagang bansa maraeng anjamaya untu' ikau.

NEHEMIA 13:21

Kukanamo ri ke'nanga, “Sia-siajako attayang anjoreng sa'genna bari'basa'. Jagako, punna nugaukang ija sikali anjo kammaya, langngallea' tindakang terasa'!” Appakkaramula ri kamma-kammaya anjo tale'bakami battu ke'nanga punna allo Pammari-mariang.

NEHEMIA 5:5

Sai ikambe anne tu Yahudi tonjaki'? Sai ana'na ikambe sangkamma tonji ana'-ana' tu Yahudi maraenga? Mingka manna nakamma tarpassa nalappassammi ana'-ana'na ikambe a'jari ata. Ba'lalo nia'mo ana' tulolonna ikambe le'ba' nibalukang a'jari ata. Tenamo pakkullena ikambe lanri le'ba'mi napappita'gallang kokonna siagang koko anggoro'na ikambe.”

NEHEMIA 13:15

Ri anjo jammanga kuciniki angkanaya nia' siapa are tu Yehuda ammacco' anggoro' ri allo Pammari-marianga. Nia' pole maraeng angngerang gandung, anggoro', rappo anggoro', rappo ara siagang barang-barang maraeng irate ri keledaina nampa naerang mange ri Yerusalem. Kupisangkai ke'nanga ambalukangi ri Yerusalem.

MARKUS 2:27

Nampa Nakana pole Isa, “Nipa'niaki anjo allo Pammari-marianga untu' rupataua; teai rupataua untu' allo Pammari-marianga.

LUKAS 23:56

Le'baki nitarawang Isa, ammotere'mi ke'nanga appasadia bunga-bunga siagang minynya'-minynya' bau', ero' napake amminynya'-minynyaki maya'Na Isa. Ri wattunna allo Pammari-mariang, ammari-marimi ke'nanga massing ri jama-jamanna, sollanna naturuki ke'nanga apa napassuroanga agamaya.

KAIMANGNGANG 23:3

Annang allo sallona taua anjama, mingka ri allo makatujua, iamintu Allo Pammari-marianga, iami allo pammari-mariang nisa'laka untu' mae ri Batara. Ri anjo alloa musti apparekko passibuntulang untu' asse're anggaukangi ibadaya siagang takkulleako anjama.

PAOLE 5:13

Kusareko wattu annang allo untu' anjama,

NEHEMIA 13:16

Siapa are tau battu ri Tirus ammantanga ri Yerusalem angngerang juku' siagang a'rupa-rupa barang balu'-balukang mange ri Yerusalem ri allo Pammari-marianga, untu' lanabalukang mae ri tu Yahudi.