PAOLE 4:8 - KITTA' MATANGKASA'

⁸ Bansa lompo kereanga nia' hukkung-hukkung adele' kammaya, sangkamma hukkung-hukkung kupangngajarranga mae ri kau ngaseng anne alloa?

PAOLE 4:8 Referans Kwoze

PAMMUJI 119:86

Sikontu hukkunTa akkullei nirannuang, Kitulung laloa', saba' niondanga' natena passabakkanna.

PAMMUJI 119:96

Kuciniki angkanaya tena apa-apa sukku' sangka'na, parentaTaji bawang sukku' baji'na.

ROMA 3:2

Mattantu jai matu-matunna! Lomoro' se're, nasaba' tu Yahudiami Napappirannuangi Allata'ala anjo kana-kananNa.

PAOLE 26:19

LaNapa'jari malompoangangko Batara na sikontu bansa maraeng le'baka Napa'jari, kammayatompa lanipujiko siagang lanipakalompoko. La'jariko umma'Na Karaeng Allata'ala, sangkamma le'baka Napa'janjiang.”

PAMMUJI 89:14

Tamaka lompona koasaTa, tamaka heba'na kagassinganTa!

PAMMUJI 97:2

Nikulilingi ri rammang siagang kasassangang; dasara'na pamarentahanNa iamintu kaadelang siagang hukkung.

PAMMUJI 119:144

Tuli adeleki paratoranTa; Kisare laloa' pangngassengang sollangku attallasa'.

PAMMUJI 119:160

Annabai sikontu kananTa, sikontu hukkunTa adeleki satunggu-tungguna.

HOSEA 8:12

AnnulisiKa' jai sikali pangngajarang untu' ke'nanga, mingka kabusu'na anjo natolla' ngasengi ke'nanga, lanri nakanana tena passisambunganna ke'nanga siagang anjo pangngajaranga.

NEHEMIA 9:13

Kipaturung battu ri langi' mae ri tompo'na Moncong Sinai, Kinampa a'bicara siagang umma' kalenTa. Kisarei hukkung, atorang siagang parenta adeleka, tojenga siagang a'matu-matua.

PAMMUJI 119:138

Sikamma parenta Kipassareanga adeleki nakkulle nirannuang.

YESAYA 42:21

Mangngellai Batara appasalama'; Nakellai nipakalompo siagang nipakala'biri' hukkunNa.