PAOLE 4:30 - KITTA' MATANGKASA'

³⁰ Punna nitujuko ri yangasenna anjo balaya siagang punna niakko lalang ri kasukkaranga, lammoterekko mae ri Karaeng Allata'alanu siagang mannuruki ri Ia.

PAOLE 4:30 Referans Kwoze

HOSEA 3:5

Mingka lanarapiki sallang wattunna nalammotere' bansa Israel mae ri Karaeng Allata'alana ke'nanga, siagang mae ri karaenna ke'nanga battua ri jari-jarina Daud. Nampa lamalla' siagang lanapakalompo ke'nanga Batara, kammayatompa nanatarimamo barakka'-barakka'Na.

YEREMIA 23:20

Talanaungai larroNa lalang tenanapa na'rupa ngaseng sikontu rancanaNa. Ri bokoangallo lanapahang bajiki umma'Na Batara anjo passalaka.”

YEREMIA 7:23

Poro Kuparentakanji bawang ke'nanga sollanna mannuruki ri Nakke, sollanna iNakke a'jari Allata'alana ke'nanga, siagang ke'nanga a'jari ummakKu. Kusuroi ke'nanga attallasa' situru' parenta-parentaKu sollanna mate'ne ke'nanga.

YESAYA 1:19

Punna erokko mannuruki mae ri Nakke, lanukasia' ngasengi apa bajika, iamintu wassele'na pa'rasangannu.

PAOLE 31:29

Kuassengi angkanaya punna matema', anjo taua la'jari ja'dalaki siagang lanatollaki apa le'baka kupangngajarrang mae ri ke'nanga. Nampa lanituju sallang ke'nanga ri bala, lanri napakanassuna Batara lanri nagaukanna ke'nanga apa Napappisangkanga Batara.”

PA'JARIANG 49:1

Nampa nakio'mi sikamma ana'na Yakub, nampa nakana, “A'rappungang mako anrinni, ri ampikku. Lakupauangko apa lakajarianga mae ri kalennu ri allo ri boko:

PAMMILANGNGANG 24:20

Nampa nacini' tommi Bileam tu Amalek lalang paccini'na. Jari napabattumi anne boto kammaya, “Battu ri sikontu bansaya ri lino, tu Amalek kaminang makoasa. Mingka kale'bakkanna anjo bansaya, lalanynya' tongi sa'genna satunggu-tungguna.”

IBRANI 1:2

Mingka anne ri kala'busang jammanga, a'bicarami mae ri katte tete ri Ana'Na. Tete ri Iami anne Ana'Na naNapa'nia' sikontu linoa siagang bonena. Siagang Napattantumi Allata'ala angkanaya Ia tommi anne Ana'Na siratang angkammai sikontu apa-apa niaka.

LAMPA-LAMPANA 26:20

Kupaumi silambusu'na mae ri taua angkanaya musti toba' ngasengi ke'nanga battu ri massing dosa-dosana. Musti napassareangi tallasa'na ke'nanga mae ri Allata'ala. Siagang musti napa'butti lalang ri katallassanna ke'nanga, angkanaya ma'nassa toba' tojeng-tojemmi battu ri dosa-dosana ke'nanga. Uru-uruna anjorengi ri Damsyik kupau anne passalaka. Le'baki anjo nampa ri Yerusalem, siagang ri sikontu Yudea, ri tangnga-tangngana bansa maraenga.

LAMPA-LAMPANA 3:19

Lanri kammana minjo sari'battangku ngaseng, nuparallumo massing toba' battu ri dosa-dosanu, siagang ammotere' mako ri Allata'ala sollanna naNapammopporang dosa-dosanu.

ZAKHARIA 6:15

Labattui tau battua ri tampa' bellaya siagang nabantui ke'nanga ambangungi BallakKu. Punna le'ba' anjo pambangunanga, lanaassemmi ke'nanga angkana iNakke Batara Kaminang Koasaya le'ba' assuroko battu mae ri ke'nanga. Sikontu anjo kammaya lakajariang ngasengi punna naturuki tojeng-tojeng ke'nanga sikamma parentaKu, Karaeng Allata'alana ke'nanga.”

DANIEL 10:14

Battua' untu' ampipahangngiangko apa lakajarianga sallang mae ri bansanu. Anne paccinika, iamintu passala'na allo labattua sallang.”

PIRAUNG 3:40

Bajiki massing nisalidiki tallasatta, na kimmotere' mange ri Karaeng Allata'ala niaka ri suruga. Umba nanisungke atinta nakiappala' doang angkana,

PAOLE 31:17

Punna kajariang anjo kammaya, la'bettese'mi larroKu mae ri ke'nanga. LaKubokoi ke'nanga siagang laKupanraki. Jai bala lompo lantujui ke'nanga; nampami sadara' ke'nanga angkanaya nakajariang ngaseng anjo kammaya lanri iNakke, Allata'alana ke'nanga, tenamo naKururungangi ke'nanga.

PAOLE 30:10

Mingka musti mannurukiko mae ri Ia siagang mannuruki ri sikontu hukkunNa niaka tattulisi' lalang ri anne kittaka, iamintu kitta' HukkunNa Batara. Musti attojeng-tojengko ri pa'mai'nu ammotere' mae ri Ia.

KALAPPASSANG 18:8

Nacaritami Musa mae ri matoanna sikontu apa le'baka Nagaukang Batara mae ri Karaeng Mesir siagang sikontu bansaNa untu' ampasalamaki tu Israel. Nacarita tommi mae ri ia ri passala'na sikamma kasukkarang nadallekanga bansa Israel ri tangngana aganga, siagang antekamma bateNa Batara ampasalamaki ke'nanga.

IBRANI 5:9

Jari ri le'ba'namo nipa'jari Tumappasalama', a'jarimi patteteang kasalamakkang mannannungang mae ri sikamma tau mannurukia ri Ia;

PAOLE 30:2

Punna ta'giling mako ammotere' siagang jari-jarinu mae ri Karaeng Allata'ala, siagang attojeng-tojeng mako ri pa'mai'nu mannuruki ri parenta-parentaNa kupassareanga mae ri kau anne alloa,

PAOLE 31:21

siagang jai bala lompo lantujui ke'nanga. Mingka anne kelonga tuli lanikelongangi siagang tuli lanipakei salaku sa'bi mae ri ke'nanga. Ba'lalo manna ri kamma-kammaya anne, lalang tenanapa naKuerangi ke'nanga mange ri anjo pa'rasangang Kupa'janjianga, Kuassemmi nawa-nawanna ke'nanga.”

PAMMUJI 18:6

Nitammulilia' ri bahayana kamateanga, sikko'na kamateanga niaki ri dallekangku.

PAMMUJI 59:16

A'la'bangi ke'nanga a'boya kanre, nappilollong la'bu punna tabassora.

PAMMUJI 107:6

Lalang kasusaanna akkioki ke'nanga mae ri Batara, na nipakabebasa'mo ke'nanga battu ri kasukkaranga.

PAMMUJI 107:13

Lalang kasusaanna ke'nanga akkioki mae ri Batara, na nipakabebasa'mo ke'nanga ri Ia battu ri kasukkaranga.

YEREMIA 4:1

Nakana Batara, “He umma' Israel, punna erokko ammotere', ammotere' mako mae ri Nakke. Pelaki rolong anjo barhala-barhala Kukabirissia, nampa majarre' mako mae ri Nakke.

YEREMIA 4:2

Punna assumpako lanri arengKu siagang lambusukko nuadele' siagang tojeng lalang tallasa'nu, lanapalaki sikontu bansaya sollanna Kubarakkaki ke'nanga, kammayatompa lamammuji ke'nanga mae ri Nakke.”

NEHEMIA 1:9

Mingka punna ammotereki pole ikambe mae ri Katte siagang mannuruki ri parentaTa, ikambe le'baka tassa'la'-sa'la' laKipa'rappungi ammotere', manna pole niaki ikambe ri cappa'-cappa'na linoa. Nampa laKipoterang ikambe mange ri tampa' le'baka Kipile untu' a'jari tampa' panynyombang mae ri Katte.