PAOLE 4:23 - KITTA' MATANGKASA'

²³ U'rangi baji'-baji'! Teako takkaluppai ri parjanjiang Napareka Karaeng Allata'alanu siagang ikau ngaseng! Turuki parentaNa; tea' laloko appareki patung manna pole antekammaya tanja'na untu' nusomba,

PAOLE 4:23 Referans Kwoze

PAOLE 4:9

Parhatikangi siagang u'rangi baji'-baji', sollanna tena nanukaluppai apa le'baka nucini' kalennu lalang tallasa'nu. Caritai mae ri ana' cucunnu

IBRANI 3:12

Sikamma sari'battangku, tutu laloko, gassingka niakko kalase'rennu sanna' ja'dala'na pa'mai'na siagang tena natappa', sa'genna a'boko siagang napakabella kalenna battu ri Allata'ala assarea katallassang!

MATIUS 24:4

Appialimi Isa Nakana, “Tutu laloko, sollanna tena nanitipuko.

YEHEZKIEL 16:59

Nakana Batara Kaminang Tinggia, “LaKugaukangi mae ri kau situru' panggaukannu, lanri nudakkai sumpanu siagang parjanjiannu siagang iNakke.

YESAYA 24:5

A'jari rantasaki buttaya lanri pandudu'na nadakkai sikamma parentaNa Allata'ala, napinrai sikamma apa le'baka Napattantu Allata'ala, siagang tanarupaiyai ke'nanga parjanjiang le'baka Napare' siagang ke'nanga untu' satunggu-tungguna.

1 PATTOTTORANG 16:15

Tuli mangngu'rangi ri janjinNa, janjinNa Narupai satunggu-tungguna.

YOSUA 23:16

Punna nudakkai parjanjiang le'baka Naparentakang Karaeng Allata'alanu mae ri kau sollanna nuturuki, siagang a'lampako anggaukangi ibadaya kammayatompa anynyomba mae ri rewata-rewataya, tena talarroNa Batara, siagang tena taNahukkunnu ngaseng. Lalang wattu sinampe' duduji naNapa'lanynya' ngasengko battu anrinni ri pa'rasangang bajika anne, Napassareanga Batara mae ri kau.”

PAOLE 31:20

LaKuerangi ke'nanga mange ri anjo pa'rasangang kalumanynyanga siagang copponga buttana, sangkamma Kupa'janjianga mae ri boe-boena ke'nanga. Anjorengi ke'nanga lattallasa' siagang sannang siagang anggappai sikamma kanre-kanreang naparalluanga ke'nanga. Mingka kale'bakkanna lata'gilingi ke'nanga nampa anynyomba mae ri rewata-rewata maraenga. LanasorongbokoA' ke'nanga siagang takkaluppai ri parjanjiangKu,

PAOLE 29:25

Na pialinna iamintu, ‘Lanri takkaluppana ke'nanga ri parjanjianNa Batara, Allata'alana boe-boena ke'nanga; parjanjiang Napareka siagang ke'nanga ri wattunna nierang ke'nanga assulu' battu ri Mesir.

LUKAS 21:8

Nakanamo Isa, “Tutu laloko, gassingka nitipuko. Nasaba' lajai tau battu ampakei arengKu, angkana, ‘Inakke minne!’ Siagang nakana, ‘Narapi'mi wattunna.’ Mingka teako turuki ke'nanga.

LUKAS 12:15

Nampa Nakana Isa ri sikamma tau niaka anjoreng, “Tutuko siagang jaga-jagako, gassingka a'jariko tau mangngoa. Nasaba' teai battu ri kakalumanynyanganna nattallasa' rupataua, manna pole sanna' jaina pa'barang-baranganna.”

YEREMIA 31:22

Siapapi sallonu tuli ranggasela, he bansa tenaya namajarre' ri Nakke? Appa'jariMa' apa beru ri lino, apa appakalannasaka – rapang baine nila'langngi ri bura'ne.”

YOSUA 23:11

Lanri kammana anjo, angngu'rangiko untu' mangngamaseang mae ri Karaeng Allata'alanu.

PAOLE 27:9

Nampa Musa siagang sikamma imang Lewi, musti angkanai mae ri sikontu bansa Israel, “Parhatikangi, e, sikamma sari'battangku, siagang pilangngeri! Anne alloa a'jari mako umma'Na Karaeng Allata'alanu.

PAOLE 6:12

katutui baji'-baji' sollanna tena nutakkaluppa mae ri Batara, le'baka allappassangko battu ri Mesir, tampa' le'baka nupammantangngi nipare' ata.

KALAPPASSANG 23:13

Parhatikangi sikontu apa le'baka Kupau mae ri kau. Teako appakalompoi rewata-rewata maraeng, ba'lalo manna nutappua arenna tena todong nakkulle.”

PAMMILANGNGANG 15:39

Anjo rombeng-rombenga iami a'jari pappiu'rangi: Tunggala' allo punna nuciniki, lanuu'rangi sikontu parentaKu siagang nuturuki. Na lanri kammana anjo, tena nalanukaluppaiA' untu' anturuki erokKu siagang ero' kalennu.

PAOLE 4:25

Kammayatompa punna sallo mako ammantang ri anjo pa'rasanganga siagang ammana'-mana' mako anjoreng, teako dorakai lanri appare'nu patung untu' kalennu, manna pole antekammaya tanja'na.

PAOLE 27:15

Tu Lewi: ‘Nitunrai tau appareka patung battu ri batu, kayu yareka bassi-bassiang, nampa nasomba accokko-cokko; Nakabirisi Batara panynyombanga ri barhala!’ Sikontu ra'yaka: ‘Aming’!

2 KARAENG-KARAENG 17:38

siagang teako kaluppai parjanjiangKu siagang ikau ngaseng.

MALEAKHI 4:4

U'rangi sikamma pangngajaranna atangKu Musa, u'rangi sikamma hukkung siagang parenta-parenta Kupassareanga ri ia ri Moncong Sinai untu' nituruki ri sikontu umma' Israel.

PAOLE 5:2

Ri Moncong Sinai appareki Karaeng Allata'alata se're parjanjiang,

PAOLE 16:22

siagang tea tongko appaentengi benteng untu' anynyomba mae ri rewata maraeng, lanri Nakabirisi Karaeng Allata'alanu anjo panggaukang kammaya.

YEHEZKIEL 8:10

Jari antamama' nampa kuciniki. Rinring-rinrinna anjo kamaraka niukiriki siagang sangka' rupa ulara' kammayatompa olo'-olo' harang maraengannaya, siagang sangka' rupa ukirang barhala nasombaya tu Israel.