PAOLE 34:8 - KITTA' MATANGKASA'

⁸ Appare'mi upacara kasusaang bansa Israel tallumpulo allo ri lappara'na Moab lanri kamateanna Musa.

PAOLE 34:8 Referans Kwoze

PA'JARIANG 50:3

Patampulo alloi sallona jama-jamanga. Sikamma minjo sallona biasaya napake taua untu' ansarei rampa-rampa mayaka. Susa ngaseng tommi tu Mesirka untu' kamateanna Yakub, iamintu tuju allo sallona.

PAMMILANGNGANG 20:29

Nalangngere'mi sikontu ummaka angkanaya matemi Harun; napangngalleammi wattu kasusaang ke'nanga lalang tallumpulo allo.

PA'JARIANG 50:10

Ri wattunna anrapi' ke'nanga ri tampa'na tau appatunrunga gandung, iamintu ri Goren-Haatad, irayanganna Binanga Yordan, appiraung lompomi ke'nanga napakamma si'na. Appare'mi Yusuf acara kasusaang tuju allo sallona.

LAMPA-LAMPANA 8:2

Mangemi sikamma tau mallaka ri Allata'ala antarawangi maya'na Stefanus. Nakarrukimi ke'nanga Stefanus. Sanna' ngaseng si'nana atinna ke'nanga.

YESAYA 57:1

Tau bajika siagang annabaya matei, natena tau ampahangi siagang amparhatikangi. Punna mate ke'nanga, ta'lappasaki ke'nanga battu ri balaya nampa sannang ammari-mari.

1 SAMUEL 25:1

Tena nasallo, matemi Samuel. A'rappungang ngasemmi tu Israel untu' anghaderi pa'gaukang kasusaanga. Nampa nitarawang Samuel ri balla'na ri Rama. Le'baki anjo a'lampami Daud mange ri parang lompo Paran.

PAOLE 34:7

Sibilangngang anruampulo taung umuru'na Musa namate. Tena nakurang kagassinganna siagang baji' iji paccini'na.

PAOLE 34:9

Yosua ana'na Nun nisarei kacara'dekang ri Batara lanri iami le'ba' nijo'jo' ri Musa a'jari sambenna. Mannuruki bansa Israel mae ri Yosua siagang napajappami parenta-parenta Napassareanga Batara mae ri ke'nanga tete ri Musa.

2 SAMUEL 11:26

Ri wattunna nalangngere' Batsyeba angkanaya matemi bura'nenna, susa kamateammi.