PAOLE 33:8 - KITTA' MATANGKASA'

⁸ Ri sesena suku Lewi nakana: “Lanri Urim siagang Tumim na'nyata erotTa, tete ri tu Lewi, ata tamamminraTa. Kiso'ri ke'nanga ri Masa, a'gea' siagang ke'nanga ri bungung Meriba.

PAOLE 33:8 Referans Kwoze

KALAPPASSANG 17:7

Anjo tampaka niarengi Masa, lanri anjorengi ri tampaka tu Israel naso'ri Batara wattunna akkuta'nang ke'nanga angkana, “Apaka Narurungangki' Batara yareka tena?” Anjo tampaka niareng tongi Meriba, lanri anjoremmi ri tampaka akkunrareng tu Israel.

KALAPPASSANG 28:30

Boliki anjo Urim siagang Tumim lalang ri anjo pa'lapa' barambanga untu' napake Harun punna andallekang ri Nakke. Ri wattu-wattu kammaya anjo musti tuli ammakei pa'lapa' barambang, sollanna akkulle naasseng angkana apa erokKu mae ri ummakKu Israel.”

PAMMILANGNGANG 20:13

Iaminjo timbuseng je'ne' niarenga Meriba. Nasaba' anjoremmi ri tampaka a'moro-moro tu Israel mae ri Batara, siagang anjoreng tommi Napappicinikang kakoasanNa Batara matangkasaka mae ri anjo bansaya.

PAMMUJI 106:16

Angngiri matai ri Musa ke'nanga ri parang lompoa siagang mae ri Harun ata matangkasa'Na.

KAIMANGNGANG 8:8

Nampa napataba pa'lapa' barambanga ri barambanna Harun, siagang napantama'mi ri anjo pa'lapa' barambanga anjo nikanaya Urim siagang Tumim.

PAPPICINI' 3:7

“Untu' mae ri malaeka'na jamaah ri Filadelfia, tulisiki kamma anne: Iaminne pappasang battu ri Ia matangkasaka siagang kontutojenga. Iami anta'galaki konci battua ri Daud; punna Nasungkei pakke'buka, tena manna sitau akkulle antongkoki, siagang punna Natongkoki, tena manna sitau akkulle ansungkei.

IBRANI 7:26

Jari, Ia minjo Isa Imang Malompo niparalluanga. Iami Imang matangkasa'; tena sikali kasalang yareka dosa ri KalenNa. Nisa'la'mi battu ri tau dorakaya, na nipanai' ri tampa' tinggianganga na sikontu langika.

PAMMUJI 81:7

“Le'ba'mi Kualle erangnganga ri salanggannu, naKulappassang karanjeng pisangngang niaka ri limannu.

PAMMUJI 16:10

Saba' tena Kilappassanga' mate; taKilappassangai posso' tu Kikamaseanga.

NEHEMIA 7:65

Guburnurna daera Yehuda tanapa'biangai ke'nanga angnganre kanre nipassareanga mae ri Allata'ala, sa'genna nia' sitau imang akkulle appala' pitunju' ammake Urim siagang Tumim.

EZRA 8:28

Nampa kukanamo ri sikamma anjo imanga, “Nisa'la' ngasengko untu' Batara, Allata'ala nisombaya ri boe-boeta. Kammayatompa sikontu anjo pakkakasa' bulaeng siagang pera' nisumbangkanga untu' Batara, nisa'laki untu' Batara.

EZRA 2:63

Nipisangkai ri guburnur daera Yehuda ke'nanga angnganre kanre nipassareanga ri Allata'ala, sa'genna nia' imang akkulle appala' kasingarang lanri ammake Urim siagang Tumim.

2 PATTOTTORANG 23:6

Tena manna sitau akkulle antama' ri Balla'Na Batara pantaranganna sikamma imang siagang tu Lewi tugasaka. Akkullei anjo ke'nanga antama, lanri le'ba'mi ke'nanga nitangkasi untu' Batara. Sikamma tau maraenga musti tunduki ri paratoranNa Batara siagang ammantangi pantarang.

1 SAMUEL 28:6

Nampa appala'mo pitunju' mae ri Batara, mingka tena nipiali ri Batara, baji' lalang so'na, baji' lalang ammake Urim siagang Tumim yareka tete ri sikamma na'bia.

PAOLE 8:16

Ri parang lompoa Nasareko manna untu' a'jari kanrenu, iamintu kanre tenaya naassengi boe-boenu. Nagaukangai Batara kammaya anjo lanri ero'nu naso'ri siagang nakellaina tuna pa'mai'nu, sollanna akkulle a'gau' baji' mae ri kau ri kale'bakkanna.

PAMMILANGNGANG 27:21

Yosua musti appalaki pangngunju' battu ri Imang Eleazar, nampa Eleazar musti napakkuta'nangngangi apa erokKu ammake Urim siagang Tumim. Kammaminjo carana Eleazar ampimpingi Yosua siagang sikontu bansa Israel lalang sikontu passala' nadallekanga ke'nanga.”

PAMMILANGNGANG 16:5

Nampa nakana mae ri Korah siagang sikamma tumminawanna, “Ammuko bari'basa' laNappicinikangi Batara mae ri katte angkana inai umma'Na, siagang inai nisa'la' untu' mae ri KalenNa. Tau Napilea lanipa'biangi a'reppese' mae ri Ia.

KAIMANGNGANG 21:7

Se'rea imang takkulleai a'bunting siagang baine le'ba' pagau' salaya yareka baine tenayamo natulolo yareka le'bakamo assisa'la' siagang bura'nenna, lanri anjo imanga iNakke pata.

KALAPPASSANG 28:36

Apparekko se're belo-belo bulaeng ti'no' nampa niukiri' anne kana-kana angkanaya, ‘Nisa'laki untu' Batara’.

PAMMILANGNGANG 20:24

“Tena nalantama' Harun ri pa'rasangang le'baka Kupa'janjiang mae ri bansa Israel; lamatei lanri ikau sipa'rua nubaliangi parentaKu ri ampi'na timbuseng je'ne' Meriba.

PAOLE 6:16

Teako paccoba-cobai Karaeng Allata'alanu sangkamma nugaukanga ri Masa.

MALEAKHI 2:6

Napangngajarrangi ke'nanga katojenganga, teai salaya napangngajarrang. SijarrekiA' siagang ke'nanga, siagang naturuki erokKu silambusu'na pa'mai'na ke'nanga. Jai tongi tau natulung ke'nanga sollanna tanagaukanga kaja'dallanga.

PAMMILANGNGANG 35:8

Ia jaina kota-kotana tu Lewi lalang ri massing daerana suku-suku Israel musti niatoroki situru' jaina anjo kotaya siagang lompona anjo daeraya.”

PAOLE 9:22

Kammayatompa ri Tabera, ri Masa siagang ri Kibrot-Taawa, nupakanassui Batara.