PAOLE 33:5 - KITTA' MATANGKASA'

⁵ Ri wattu asse'rena Israel siagang pamimpinna, Batara a'jari Karaeng mae ri umma'Na.”

PAOLE 33:5 Referans Kwoze

PAOLE 32:15

Umma'Na Batara a'jari kalumanynyang, mingka nangai mangngewa, nasorongbokoi Mappasalama' porea. Co'mo' ngaseng kalenna, lanri bassoro' ri kanre, mingka nabokoi ke'nanga Allata'ala Mappa'jarina.

HAKING-HAKING 17:6

Anjo wattua tena karaenna tu Israel, massing-massing taua para nagaukammi apa nakanaya tojeng.

HAKING-HAKING 9:2

“Pakkuta'nangang sai mae ri sikontu tau ammantanga ri Sikhem, kereanga la'bi baji': Niparentaya ri tujupuloa ana'na Gideon, yareka ri se'rea bawang tau? Piu'rangiang tongi ke'nanga angkana nia' ija passisambungang cerakku siagang ke'nanga.”

HAKING-HAKING 8:22

Le'baki anjo angkanami umma' Israel ri Gideon, “Le'ba' mako allappassangi ikambe battu ri kakoasanna tu Midian. Jari ikaumo kammayatompa turungannu a'jari pamimping mae ri kambe.”

PAMMILANGNGANG 23:21

Tena kaja'dallang nicini' ri kalenna Yakub; tena kasukkarrang nicini' ri tu Israel. Batara, Allata'alana ke'nanga, anrurungangi ke'nanga. Akkio' rannui ke'nanga angkana: Iami Karaeng!

KALAPPASSANG 18:19

Pilangngeri anne kanangku na Natulungko Allata'ala. Memang bajiki punna nuwakkeli anne bansaya ri dallekanNa Allata'ala siagang nuerang parkarana mae ri dallekanNa.

KALAPPASSANG 18:16

Punna nia' passisala-salanna ke'nanga, battui ke'nanga mae ri nakke sollanna kutappuki parkarana ke'nanga, siagang kupauangi ke'nanga sikamma parentaNa siagang hukkung-hukkunNa Allata'ala.”

PA'JARIANG 36:31

Ri tenanapa karaeng ammarenta ri Israel, iaminne sikamma karaeng ammarentaya ri butta Edom: Bela, ana'na Beor battu ri Dinhaba. Yobab, ana'na Zera battu ri Bozra. Husyam, battu ri daera Téman. Hadad, ana'na Bedad battu ri Awit (iami ambetai tu Midian lalang pa'bundukanga ri Daera Moab). Samla, battu ri Masreka. Saul, battu ri Rehobot ri biring binangaya. Baal-Hanan, ana'na Akhbor. Hadar, battu ri Pahu (bainenna niarengi Mehetabeel, ana'na Matred siagang cucunna Mezahab).

YESAYA 44:2

INakke Batara ampa'jariako, amparekko baku' lalannu ri pammanakkanga, siagang antulungko. Teako mallakki, ikaumi atangKu, ummakKu Kupilea siagang Kukamaseanga.

KALAPPASSANG 15:18

IKattemi Batara, Karaeng, ammarentaya satunggu-tungguna.”

PAOLE 33:26

“E, Israel, parallui nuasseng angkanaya, la'biangngangi Allata'ala kala sikontu rewataya. Nalaloi langika lalang kala'biranNa natarrusuki rammanga untu' antulung ngasengko.