PAOLE 33:26 - KITTA' MATANGKASA'

²⁶ “E, Israel, parallui nuasseng angkanaya, la'biangngangi Allata'ala kala sikontu rewataya. Nalaloi langika lalang kala'biranNa natarrusuki rammanga untu' antulung ngasengko.

PAOLE 33:26 Referans Kwoze

KALAPPASSANG 15:11

Kereangami Allata'ala sangkammanTa, o Batara Kaminang Tinggia siagang matangkasaka? Inai akkulle appare' gau' malompo siagang gau' appakalannasa' kamma Batara?

YEREMIA 10:6

Batara mala'birika, tena sangkammanTa, malompoi arenTa siagang lompoi koasaTa.

HABAKUK 3:8

O Batara, maka lanri tamparang kutadeng na nai' larroTa? Maka binanga-binangaya ampakanassuKi'? Kibaei rammanga a'jari jarang siagang kareta bundu', ri wattu Kisarena pammetang ummatTa.

YESAYA 19:1

Iaminne pappasang ri passala'na tu Mesir. Battui sallang Batara mange ri Mesir a'dongko' rammang gassinga larina. Annekkere' ngasengi sikamma barhalana tu Mesir ri dallekanNa siagang ca'dimi nyawana tu Mesir napakamma.

PAMMUJI 104:3

siagang ambangungi ballatTa ri tompo' je'neka ri langi'. Rammang-rammanga Kipa'jari kareta, ka'nyi'na anging Kidongkoki.

PAMMUJI 86:8

O, Batara, tena batara pantaranganna iKatte, tena akkulle anggaukangi apa Kigaukanga.

YESAYA 40:25

Inai nukana sangkammanNa Batara Kaminang Matangkasaka? Inai ero' lanupasangkammangi?

YESAYA 40:18

Jari inai lanupasinrapangangi Allata'ala? Inai nukana Naagang sangkamma?

PAMMUJI 18:10

Napuemi langika nampa naung mae siagang rammang sassang irawangngang bangkenNa.

PAOLE 32:15

Umma'Na Batara a'jari kalumanynyang, mingka nangai mangngewa, nasorongbokoi Mappasalama' porea. Co'mo' ngaseng kalenna, lanri bassoro' ri kanre, mingka nabokoi ke'nanga Allata'ala Mappa'jarina.

YESAYA 66:8

Inai le'ba' allangngereki anjo kammaya? Inai le'ba' anciniki anjo kajariang kammaya? Mingka lassu'mi bansa Israel ri wattunna appisa'ringimo pa'risi' lamana' Sion.

PAMMUJI 68:4

Mingka tau bajika rannui siagang ma'reja-rejai, akkio' rannu-rannui ke'nanga ri dallekanNa Allata'ala.

KALAPPASSANG 8:10

Appialimi anjo karaenga angkana, “Pappala' doangamma' ammuko.” Nakanamo Musa, “Lakugaukangi apa kipalaka karaeng. Na lakiassemmo angkanaya tena ruanna Allata'ala sangkammaya Batara, Allata'alana ikambe.

PAOLE 4:35

Yangasenna anjo sikammaya Napappicinikangi Batara mae ri kau ngaseng untu' ampa'butti angkanaya Iaji bawang Batara Allata'ala, tena pantaranganna maraengang.

PAOLE 10:14

Karaeng Allata'alanu ampatangi langi' kaminang tinggia; kammayatompa buttaya siagang sikontu apa-apa niaka ri tompo'na Ia ngaseng pata.

YESAYA 44:2

INakke Batara ampa'jariako, amparekko baku' lalannu ri pammanakkanga, siagang antulungko. Teako mallakki, ikaumi atangKu, ummakKu Kupilea siagang Kukamaseanga.

HOSEA 13:9

LaKuancuru' kabusukko, he bansa Israel! Nampa inai kutadeng akkulle antulungko?

AMOS 8:7

Batara, Allata'alana Israel, le'baki assumpa angkana, “Tena sikali nalaKukaluppai panggaukang ja'dala'na ke'nanga.

KALAPPASSANG 8:6

Jari napajonjomi Harun anjo takkanna ri tompo'na sikontu je'neka, nampa ammumbamo tumpanga ampirassi sikontu pa'rasanganga.

KALAPPASSANG 15:7

Lanri kala'birang malompoTa Kipanraki sikontu angngewaya ri Katte. A'rinrai larroTa rapang pepe', na natunu ke'nanga rapang rarame.

PAOLE 33:5

Ri wattu asse'rena Israel siagang pamimpinna, Batara a'jari Karaeng mae ri umma'Na.”

PAMMUJI 68:35

Akuimi koasaNa Allata'ala makkanaya nakamma ri Israel, koasaNa sa'genna langi'.