PAOLE 33:19 - KITTA' MATANGKASA'

¹⁹ Nabirittai bansa maraenga nai' ri monconna ke'nanga; koro'bang sitojennaya napassareang ke'nanga anjoreng. Battu ri tamparangi anggappa pa'barang-barangngang ke'nanga, battu ri tambunna kassika nagappa ke'nanga.”

PAOLE 33:19 Referans Kwoze

YESAYA 60:5

Lannasa' mako nucini'na anjo siagang accayami rupannu; dinging-dingingi siagang lompoi pa'mai'nu. Nierangi barang-baranna sikamma bansaya mae ri kau, nitambungiko ri kakalumanynyangang battu ba'leang tamparanga.

PAMMUJI 4:5

Annekere' mako lanri malla' na tea' mako dorakai pole. Ma'merekko annawa-nawai, ri wattu anra'banu ri katinroang.

YESAYA 2:3

nakana ngaseng ke'nanga, “Umba kinai' ri Bulu'Na Batara, ri Balla'Na Allata'alana Israel. LaNapangngajarrangi mae ri katte apa mustia nigaukang. Lanipinawangi oloanNa, saba' battu ri Yerusalem ajaranNa Batara, battu ri Sion A'bicara.”

KALAPPASSANG 15:17

Nampa Kiantara' tu Israel mange ri tampa' Kipilea untu' pammantanganTa. Ammantang tulimi ke'nanga ri bulu' matangkasatTa, ri Balla' Kibangunga KalenTa.

1 PETRUS 2:5

Ikau sanrapang ngasengko batu-batu mattallasaka. Lanri kammana paralluko ampassareangi kalennu untu' nipake ambangung Balla' rohaniNa Allata'ala. Lalang kammana anjo a'jari mako imang-imang mae ri Allata'ala lalang ri katallassannu; siagang tete ri Isa Almasi angngerang mako koro'bang rohani mae ri Allata'ala, iamintu koro'bang nitarima bajika ri atinNa Allata'ala.

MIKHA 4:2

lanakana ngaseng ke'nanga, “Umba kinai' ri bontoNa Batara ri Balla'Na Allata'alana Israel! LaNapangngajarrangi mae ri katte apa mustia nigaukang. Lanipinawangi oloanNa lanri pangngajaranNa Batara battu anjorengi ri Yerusalem; battu ri Sion a'bicara mae ri umma'Na.”

YESAYA 60:16

Laniparakaiko ri bansa-bansaya siagang sikamma karaenga, rapang sitau amma' amparakai ana'na. Nanuassemmo angkana iNakke Batara, Mappasalama'nu, angkanaya Allata'alana Israel makassaka allappassangko.

PAMMUJI 107:22

Boli'mi kamma appala' sukkuru' ke'nanga angngerang passare, na nakabarrang panggaukanNa siagang kelong-kelong marannu.

PAMMUJI 51:19

Koro'bang untu' Allata'ala iamintu pa'mai' ancuruka, pa'mai' tunduka siagang tobaka tena naKitollaki.

PAOLE 32:13

BansaNa akkullei nakoasai moncong-monconga, ri butta a'batu-batua attimboi poko'-poko' zaitunga. Nakanrei ke'nanga wassele' koko-kokonna, nainung je'ne' bani taniparakaia ri alla' batu karanga.

PA'JARIANG 49:13

Zebulon lammantang ri ampi' tamparang; lalabui sikamma kappalaka ri biring tamparanna; sa'genna Sidon pa'baeng-baeng daerana.

PAMMUJI 2:6

Nakana, “Ri Sion bulu' matangkasakKu le'ba' Kulanti' karaeng nipileKu.”

PAMMUJI 4:6

Passareangi koro'bang mannabaya na tappa' mako ri Batara.