PAOLE 32:39 - KITTA' MATANGKASA'

³⁹ Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

PAOLE 32:39 Referans Kwoze

1 SAMUEL 2:6

Batara appamate, Ia todong appatallasa'. Mange ri lino tumatea Napanaung rupataua. Na Ia todong angngangkaki taua battu anjoreng.

HOSEA 6:1

Nakana tu Israel, “Umba kimmotere' mae ri Batara. Ia ampa'risi nyawata mingka Ia todong ansaleori. Ia allokoki, mingka Ia todong lamballei anjo bokka'-bokkatta.

AYUB 5:18

Saba' Allata'ala amma'risi, Ia todong ammallei. LimanNa annunrung, limanNa todong appakabaji' ammotere'.

YESAYA 45:5

INakkemi Batara, tena pantaranganna, iNakke Allata'ala Kaminang Se're-se'rea. Le'ba' mako Kusare sanjata, manna natena nuassengA'.

YESAYA 45:22

He, sikontu pandudu'na buttaya, pasailemi kalennu mae ri Nakke sollannu Kupasalama', saba' iNakkeji bawang Allata'ala, tena pantaranganna!

YESAYA 43:13

sa'genna satunggu-tungguna tuli iNakke Allata'ala. Taniakka akkulle ta'lapassa' battu ri kakoasangKu, yareka akkulle anrompai rancanaKu.”

YESAYA 46:4

INakke tuli Allata'alanu sa'gennu toa; siagang tuli anjagaiko sa'genna kebo' uu'nu. INakke ampa'jariko siagang tuli amparakaiko, laKutulungko siagang laKupasalamakko.

YESAYA 45:18

Batara ampa'jari langika, Iami Allata'ala! Iami ampa'jari siagang ampareki buttaya, Najarreki pare'na na tuli ammenteng. Tena Napa'jari tampa' sino, mingka a'jari tampa' untu' nipammantangngi. Iami angkana, “INakke Batara, tena pantaranganna.

PAMMUJI 68:20

Pujimi Batara, saba' Iami ampasalamakki'; allo-allona Napisang erangnganta.

YESAYA 41:4

Inaika anggaukang ngasengi anjo sikammaya? Inaika ampattantui jappana riwayaka? INakke, Batara, iNakkemi uru-uru, siagang tuli niaka sa'genna satunggu-tungguna.

PAMMUJI 50:22

Parhatikangi, ikau ngaseng takkaluppaya mae ri Allata'ala; tutuko, gassingka Kuposso' ngasengko, na tena ampasalamakko.

PAOLE 4:35

Yangasenna anjo sikammaya Napappicinikangi Batara mae ri kau ngaseng untu' ampa'butti angkanaya Iaji bawang Batara Allata'ala, tena pantaranganna maraengang.

2 KARAENG-KARAENG 5:7

Ri wattunna nabaca karaeng Israel anjo suraka, nakekke'-kekke'mi pakeanna napakamma lussa', na nakana, “Ballasa'ma' nakke! Apa saba'na nanapala' karaeng Siria sollanna kupammolle anne taua? Teai inakke Allata'ala, Ia niaka koasaNa untu' ampattallasaki yareka ampamatei rupa taua. Ma'nassa ero'naja anjo karaeng Siria a'boya pa'bettesang mae ri nakke!”

PAMMUJI 102:27

Yangasenna anjo lalanynyaki, mingka iKatte tuli niatTa; sikontuna anjo latoai sangkamma care-care. Kipelaki sanrapang baju toa, nampa laposso' ngaseng.

AYUB 10:7

Sitojenna Kiassengi siagang Kipahangi, angkana tena kusala, mingka annaba'. Kiassengi angkana manna sitau tania' akkulle ampasalamaka' battu ri limanTa.

PAPPICINI' 2:8

“Untu' mae ri malaeka'na jama'ah Smirna, tulisiki kamma anne: Iaminne pappasang battu ri Ia uru-urua siagang kala'busanga, le'baka mate Nattallasa' poleang.

MIKHA 5:8

Israel lanabetai musu-musunna kammayatompa naancuru' kabusuki ke'nanga.

YESAYA 48:12

Nakana Batara, “Pilangngeri he Israel, umma' Kukioka, iNakke tuli Allata'alanu. INakkemi uru-urua, siagang iNakke tommi kala'busanga.

YOHANES 8:24

Lanri kammana minjo naKukana ri kau ngaseng, angkanaya lamate ngasengko lanri dosa-dosanu. Na memang lamateko lanri dosa-dosanu punna tena nutappa' angkanaya, ‘INakkeminne nikanaya INAKKE NIA'.’ ”

IBRANI 1:12

LaNulappaki anne linoa sanrapang baju siagang laNusambei maraengannaya. Mingka Ikau tena le'bakaKo lamamminra siagang tena kala'busanna tallasa'Nu.”

PAPPICINI' 1:11

Nakana anjo sa'raya, “Tulisiki apa nucinika, nampa nukiring anjo kitta' nutulisika mae ri tujua jama'ah, iamintu: Efesus, Smirna, Pergamus, Tiatira, Sardis, Filadelfia, siagang Laodikia.”

KALAPPASSANG 4:7

Nampa Nakana Batara, “Pantamaki ammotere' anjo limannu ri bajunnu.” Nagaukammi Musa anjo kammaya, na ri wattunna napasulu' pole ammotere', a'jari baji'mi ammotere' anjo limanna.

KALAPPASSANG 15:26

Nakana Batara, “Mannuruki tojeng-tojeng mako mae ri Nakke, siagang gaukangi apa Kukanaya baji'; turuki sikamma parentaKu. Punna nugaukang anjo kammaya, tena nulaKuhukkung sangkamma garring le'baka Kupabattu mae ri tu Mesirka. INakkemi Batara ampamolleako.”

PAOLE 32:12

kammaminjo KalenNa Batara ampimpingi bansaNa, tanibantua ri rewata-rewataya.

PAMMUJI 18:31

Sukku' ganna'na panggaukanNa Allata'ala akkulle nipatappa' janjinNa Batara. Sanrapangi pa'lapa' ri batangkale mae ri sikontu tau ma'la'langa mae ri Ia.

PAMMUJI 51:8

Kituntuka' situlusu' atinTa; Kipirassimi atingku siagang pangngassenganTa.

PAMMUJI 86:10

Saba' iKatte pore siagang anggaukangi gau'-gau' appakalannasaka, iKatteji bawang Allata'ala.

YESAYA 19:22

LaNipangngajarimi anjo tu Mesir ri Batara, mingka le'baki anjo Napa'jari baji'mi ke'nanga ammotere'. La'gilimmi ammotere' ke'nanga mae ri Batara, siagang laNapilangngerimi Batara pappala' doanna ke'nanga kammayatompa Napa'jari baji'mi ke'nanga ammotere'.

YESAYA 30:26

Bulanga laccayai sangkamma mataallo, siagang mataalloa la'lappi tujui singara'na ri singara' biasaya, sanrapang singara' tuju alloa nipasse're a'jari se're. Yangasenna anjo lakajarianga ri wattu Naroko'na Batara sikamma loko'na umma'Na, ia le'baka Napangngajari.

YESAYA 43:10

He ummakKu, ikau ngasemmi sa'bi-sa'bingKu, ikau ngasemmi Kupile a'jari ata-atangKu, sollanna nuassengA' siagang tappakko ri Nakke, na nupahang angkana iNakkemi Allata'ala. INakke Allata'ala Kaminang Se're-se'rea, tena maraeng rioloangangKu siagang ri bokoangangKu.

YEHEZKIEL 37:3

Akkuta'nangi Batara ri nakke angkana, “He tau, maka akkullei anne buku-bukua attallasa' poleang?” Appialima' angkana, “O Batara Kaminang Tinggia, iKatteji bawang angngassengi.”

YEHEZKIEL 37:12

Lanri kammana a'boto mako mae ri ummakKu anjo bansa Israel, angkanaya iNakke, Batara Kaminang Tinggia, lassungkei jera'na ke'nanga. LaKupasuluki ke'nanga battu ri anjo jeraka nampa Kupoterang ke'nanga mange ri butta Israel.

PAOLE 7:9

U'rangi angkanaya Karaeng Allata'alanu bawang Allata'ala, tena pantaranganna, siagang Iami Allata'ala tamamminraya nyawaNa. Narupai Batara janjinNa siagang Napappicinikangi pangngamaseanNa tenaya tappu'na sa'genna sisa'bu turungang mae ri tau mangngamaseanga ri Ia siagang mannurukia ri parenta-parentaNa.

2 KARAENG-KARAENG 20:5

ammotere' mange ri Hizkia, karaenna Umma'Na Batara, siagang napabattui pasang kammaya anne, “INakke, Batara, Allata'ala nisombaya ri boenu Daud, Kulangngere'mi pappala' doannu siagang Kucini'mi je'ne' matannu. LaKupammolleko battu ri garrinnu; ammembara' la'lampako mange ri BallakKu.

NEHEMIA 9:6

Nampa appala' doammo ra'ya' Israel kamma anne, “IKattemi Batara, iKattemi tena ruanTa; Kipa'jari bintoenga na sikontu langika, kammayatompa tamparang, butta siagang sikontu bonena, nampa Kisare katallassang siagang Kiparakai. Ri Kattemi anynyomba sikamma koasaya ri langi'; akkulantuki ke'nanga, tundu' mae ri Katte.

AYUB 10:13

Mingka anne kamma kuassemmi angkana siapa sallona tamakkana-kanaKi' anrancangi kacilakangku.

PAMMUJI 102:28

Mingka iKatte tulusu' kammaTa, tena kale'bakkanna tallasatTa.

KATO'BA 3:3

wattu untu' ammuno siagang wattu untu' appamolle, wattu untu' anrumbang siagang wattu untu' ambangung.

YESAYA 43:12

Le'ba' mako Kupauang, angkana iNakke ampasalamakko, teai rewatana bansa maraeng niaka ri alla'nu; ikau ngasemmi a'jari sa'bi-sa'bingKu. Na iNakke, iNakke minne Allata'ala,

HOSEA 5:14

Rapang singa a'bakkaya, kammami anjo bateKu lambakkai tu Israel siagang tu Yehuda. KalengKu langkae-kaei ke'nanga, nampa Kubokoi. Punna Kure'resang ke'nanga a'lampa, tena manna sitau akkulle allappassangi ke'nanga.