PAOLE 32:23 - KITTA' MATANGKASA'

²³ Kupabattu bala tamammari-maria, Kupakei pana-panana balinna ke'nanga.

PAOLE 32:23 Referans Kwoze

YEHEZKIEL 5:16

LaKuancuruki parsadiaang kanre-kanreannu siagang Kubalang parekangi pandudu'nu naalle cipuru'. Lanakasiaki ke'nanga pa'risi'na kacipuranga, sanrapang ana' pana ciduka antarrusuki kalennu siagang ampanrakiko.

YEHEZKIEL 14:21

Nakana Batara Kaminang Tinggia, “LaKupabattui appaka hukkungang kaminang hebaka mae ri Yerusalem untu' angngancuruki baji' narupataua kammayatompa olo'-oloka. Anjo appaka hukkungang iamintu: bundu', kacipurang, olo'-olo' sekke' siagang garring.

PIRAUNG 3:13

Annarrusuki panaNa ri kalengku sa'genna tattinting ri atengku.

PAOLE 28:15

“Mingka punna taerokako mannuruki ri Karaeng Allata'alanu, siagang tamajarrekai pa'mai'nu anggaukangi sikontu parentaNa siagang hukkunNa kupassareanga mae ri kau anne alloa, sikontu anne pattunra kammaya lanatujuko:

KAIMANGNGANG 26:24

laKupangngajariko siagang Kuhukkungko a'lappi tuju la'bi battala'na na hukkungang rioloa.

YESAYA 26:15

Le'ba'mi Kipa'lappi-lappi jaina ummatTa, o Batara, Kipa'jari luara' daerana ikambe, lanri kammana anjo iKattemi nipakala'biri'.

PAOLE 29:21

Anjo taua laNapa'jari contoi Batara mae ri sikontu suku Israel, siagang Nahukkungi anjo taua siagang pattunra niaka nipau lalang ri parjanjiang tattulisika lalang ri anne kittaka, iamintu kitta' HukkunNa Batara.

KAIMANGNGANG 26:18

Punna le'ba' nukasia' ngaseng anjo hukkunganga natenapa numannuruki ri Nakke, laKutambai anjo hukkungangKu a'jari a'lappi tuju.

PAOLE 32:42

PanaKu rassi cera'na ke'nanga, cera' tunitahang siagang tau loko'. Nabunoi pa'dangKu sikamma tau angngewaya, musu la'bua uu'na tena nalaKulappassang.

2 SAMUEL 22:15

Napatembaki sikamma ana' panaNa, na Napasimbung-simbung sikamma musunNa. Appabattui ma'mole-mole kila' na Napalari kabusu' ke'nanga.

PAMMUJI 18:14

Nampa a'gunturu' Batara battu ri allaka; Kaminang Tinggia Napappilangngerangi sa'ranNa.

PAMMUJI 45:5

Maju mako siagang gammara' mange ri kalompoanga parjuangkangi katojenganga siagang kaadelang bajika; re'bu'mi pammetang lompoa siagang kagassingannu!

2 KARAENG-KARAENG 22:17

Le'ba'Ma' nabokoi ke'nanga siagang assaremi ke'nanga koro'bang mae ri rewata-rewata maraenga. Sikontu anjo apa nagaukanga ke'nanga napanaiki larroKu. LarroA' mae ri Yerusalem, siagang tena nakkulle nipanaung larroKu.

YEHEZKIEL 9:6

Bunoi sikontu tu bura'nea siagang tubainea, tau toa tau rungka, tau toa siagang ana'-ana'. Mingka tea sikaliko apa-apai sikamma tau niaka pammateinna ri abanna. Appakkaramula mako anrinni, ri anne BallakKu.” Jari napakaramulaimi tugasa'na ke'nanga na nabuno sikamma pamimpinna Israel niaka sitabang ammenteng ri Balla'Na Batara.