PAOLE 32:15 - KITTA' MATANGKASA'

¹⁵ Umma'Na Batara a'jari kalumanynyang, mingka nangai mangngewa, nasorongbokoi Mappasalama' porea. Co'mo' ngaseng kalenna, lanri bassoro' ri kanre, mingka nabokoi ke'nanga Allata'ala Mappa'jarina.

PAOLE 32:15 Referans Kwoze

PAOLE 31:20

LaKuerangi ke'nanga mange ri anjo pa'rasangang kalumanynyanga siagang copponga buttana, sangkamma Kupa'janjianga mae ri boe-boena ke'nanga. Anjorengi ke'nanga lattallasa' siagang sannang siagang anggappai sikamma kanre-kanreang naparalluanga ke'nanga. Mingka kale'bakkanna lata'gilingi ke'nanga nampa anynyomba mae ri rewata-rewata maraenga. LanasorongbokoA' ke'nanga siagang takkaluppai ri parjanjiangKu,

HOSEA 13:6

Mingka ri nia'numo ri pa'rasangang bajika, siagang bassoro' mako kammayatompa sukku'mi nusa'ring, a'jari tampo mako siagang takkaluppa mako mae ri Nakke.

PAMMUJI 89:26

LaKupa'la'baki kakaraenganna, battu ri Tamparang Tangngaya sa'genna Binanga Efrat.

PAOLE 33:5

Ri wattu asse'rena Israel siagang pamimpinna, Batara a'jari Karaeng mae ri umma'Na.”

LAMPA-LAMPANA 28:27

Nasaba' a'jari pokkolo'mi pikkiranna anne bansaya, nijempammi tolinna ke'nanga, siagang nitongko'mi matanna ke'nanga. Nasaba' punna tena nakamma, mattantu lamaccini'ji matanna ke'nanga, lamallangngere'ji tolinna ke'nanga, lammahanji atinna ke'nanga, siagang lammotere'mi ke'nanga mae ri Nakke, nampa Kupa'jari baji' ke'nanga ammotere',’ kammaminjo kananNa Allata'ala.”

1 SAMUEL 2:29

Jari angngapa nungngoa ija anciniki koro'bang-koro'bang napassareanga bansaKu mae ri Nakke situru' Kuparentakanga? Angngapako Eli, nala'bi nupakala'biri' ana'-ana'nu kala iNakke, siagang angngapa nanubalang parekang ke'nanga ampakaco'moki kalenna battu ri bageang kaminang bajika ri sikontu apa napassareanga bansaKu mae ri Nakke?

PAOLE 32:4

Batara Mappasalama'nu maporea, adeleki na sukku' baji' sikontu oloanNa. Allata'alanu tamamminra pa'mai'Na na matulusu' ri nyawa, manggaukangi ri bajika na ri siratanga.

YEREMIA 5:28

kammayatompa a'jari co'mo' siagang coppong tallasa'na. Tena sanggana kaja'dallanna ke'nanga. Tena na'gau' adele' lalang ri passala'na ana'-ana' kukanga, siagang tena naalleangngangi ha'na sikamma tau nijalakkanga.

YESAYA 44:2

INakke Batara ampa'jariako, amparekko baku' lalannu ri pammanakkanga, siagang antulungko. Teako mallakki, ikaumi atangKu, ummakKu Kupilea siagang Kukamaseanga.

YESAYA 6:10

Nampa Nakanamo mae ri nakke, “Pa'jari dongoki pikkiranna sikamma anjo taua, pa'jari tongoloki tolinna siagang pa'jari butai matanna sollanna takkullea accini', takkullea allangngere' siagang takkullea ammahang, nampa ammotere' mae ri Nakke sollanna Kupa'jari baji' ammotere'.”

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

PAMMUJI 95:1

Umba kimakkelong mae ri Batara, akkio' rannu mae ri Tumappasalamatta!

PAMMUJI 73:7

Tattumpai kaja'dallanga battu lalang ri atinna ke'nanga; sibuki ke'nanga a'rancana kaja'dallang.

NEHEMIA 9:25

Naallei ummatTa sikamma tembo' pattahanganga, butta copponga siagang balla' sangga kalumanynyanga. Sikamma bungung siagang timbuseng je'ne' narampasaki ke'nanga, koko anggoro', poko' zaitun na rappo-rappoang maraeng. Co'moki ke'nanga lanri angnganre ri ero'-ero' pa'mai'na. Sikontu passare bajitTa nakasiaki ke'nanga.

2 SAMUEL 22:47

Batara mattallasaka! Nipujimi Pannulungku! Mala'biriki kalompoanNa Allata'ala Mappasalamakku!

PAOLE 33:26

“E, Israel, parallui nuasseng angkanaya, la'biangngangi Allata'ala kala sikontu rewataya. Nalaloi langika lalang kala'biranNa natarrusuki rammanga untu' antulung ngasengko.

PAOLE 32:6

Kammaminjo batenu ambalasaki baji'Na Batara, e, sikamma tau dongoka siagang tenaya nacara'de'? Sai Iami Manggenu, Mappa'jarinu, siagang ampa'jariako se're bansa?

PAOLE 31:16

Nakana Batara mae ri Musa, “A'reppese'mi a'jala'nu. Punna a'boko mako, lamamminrami nyawana bansa Israel mae ri Nakke siagang takkaluppami ri parjanjiang Kupareka siagang ke'nanga. LanabokoiA' ke'nanga untu' a'lampa mange anynyomba ri rewata-rewata nisombaya ri pa'rasangang tenayamo nasallo nanupantamakki.

LAMPA-LAMPANA 9:5

Akkuta'nammi Saulus nakana, “InaiKi' antu, Karaeng?” Appialimi anjo sa'raya nakana, “INakke Isa, nusessa dudua.

YEREMIA 5:7

Nakana Batara, “Angngapa namusti Kupammopporang dosa-dosana ummakKu? NabokoiMa' ke'nanga siagang anynyombami ke'nanga ri tenaya na Allata'ala. Kusarei ke'nanga kanre sa'genna bassoro', mingka kammaji a'gau' bawanna, siagang masarroi a'lampa ke'nanga mange ri baine pasundalaka.

YEREMIA 2:5

Nakana Batara, “Kasalang apa nacini' boe-boenu ri Nakke, sa'genna a'boko mae ri Nakke? Naondangi ke'nanga barhala tenaya anggaranna na kale'bakkanna kalenna tonji ke'nanga a'jari tuna.

PAMMUJI 119:70

Sikamma anjo taua tena napahangi, mingka untu' inakke anjo hukkunTa appakasannangi pa'mai'.

PAMMUJI 18:46

Tenami kabaranianna ke'nanga; annekkere' siagang assulu' battu ri pammantanganna.

PAMMUJI 17:10

tangngassengai mangngamaseang ke'nanga siagang a'bicara tampoi ke'nanga.

HAKING-HAKING 10:6

Dorakami pole umma' Israel mae ri Batara. Tenamo namangngu'rangi ke'nanga ri Batara, siagang tenamo nanynyomba mae ri Ia. Rewata-rewata Baal siagang Asytoret a'giling nasomba ke'nanga. Kammayatompa rewata-rewata bansa Siria, Sidon, Moab, Amon siagang Filistin, yangasemminjo nasomba ke'nanga.

1 PATTOTTORANG 5:25

Amminrai bansa Israel mae ri Allata'ala nasombaya boe-boena ke'nanga. Nabokoi ke'nanga Allata'ala nampa anynyomba mae ri barhalana bansa-bansa le'bakamo nibongka ri Allata'ala battu ri butta Kanaan.

2 PATTOTTORANG 26:16

Ri wattunna kassa'mo Uzia, a'jari tampomi, siagang iami anjo a'jari saba' naancuru'. Nadakkai parentaNa Karaeng Allata'alana lanri antamaki ri Balla'Na Batara untu' attunu dupa irate ri tampa' pakkoro'bangngang dupaya.

PAMMUJI 81:11

INakkemi Batara Allata'alanu, anrurungangko assulu' battu ri Mesir. Wattunnu cipuru' Kusareko kanre.

YEREMIA 2:31

He umma' Israel, pilangngeri anne kana-kanangKu. Maka le'bakKa' a'jari rapang parang lompo mae ri kau yareka rapang butta masassanga? Mingka angngapa nanukana erokko bebasa', siagang taeroka mako ammotere' mae ri Nakke?

2 PATTOTTORANG 12:1

Ri wattunna jarre'mo empoanna Rehabeam a'jari karaeng, ia siagang sikontu ra'ya' Israel tanajampangiami hukkunNa Batara,

NEHEMIA 9:26

Mingka apparicui ummatTa na tamannurukia, nabawang-bawangngangi hukkunTa siagang paratoranTa, nabunoi na'bi-na'bi ampakaingakai ke'nanga, assuroai ke'nanga ammotere' ri Katte, Allata'alana. O, Batara, a'mole-mole tongKi' nihina ri ke'nanga.

PAMMUJI 89:27

Lanakana ri Nakke, ‘IKattemi Manggeku, Allata'alaku, Pa'la'langangku siagang Tumappasalamakku.’

PAMMUJI 100:3

U'rangi angkanaya anjo Karaeng Allata'ala. Ia ampa'jariki' siagang Ia ampatangki'; ikatte umma'Na, bansa Naparakaia.

YESAYA 43:1

He, Israel, kammaminne kananNa Batara, “INakkemi ampa'jariko siagang amparekko, teako mallakki, mattantu Kupasalamakko! Le'ba' mako Kukio' situru' arennu, iNakke ampatangko.

YEREMIA 2:32

Maka nia' tulolo angkaluppai belo-belona, yareka bunting baine angkaluppai baju buntinna? Mingka ikau sallo sikaliMa' nukaluppai – takkulleami nirekeng angkana siapami sallona.

YEHEZKIEL 14:5

Sikontu anjo barhalaya napakabellai ummakKu battu ri Nakke, mingka dasi-dasi nalanri anjo pappialingKu nalammotere' ummakKu mae ri Nakke.’

HOSEA 4:7

Pila' katambangko jainu, pila' doraka tommako mae ri Nakke, he ikau sikamma imanga! Lanri kammana anjo laKupinrai pattallassannu: Tenamo nulanipakalompo, passangalinna lanihina mako.