PAOLE 3:16 - KITTA' MATANGKASA'

¹⁶ Nampa mae ri suku-suku Ruben siagang Gad kupassareangi daera niaka ri alla'na Gilead siagang Binanga Arnon. Tangnga-tangngana anjo binangaya a'jari pa'baeng-baenna ke'nanga ri bageang timboro', nampa ri bageang wara' a'baeng-baengi ke'nanga siagang Binanga Yabok.

PAOLE 3:16 Referans Kwoze

PAMMILANGNGANG 21:24

Mingka jai tu Amori nibuno ri tu Israel lalang ri anjo pa'bundukanga. Nampa niempoimo ri tu Israel daerana ke'nanga appakkaramula battu ri Binanga Arnon sa'genna mange ri Binanga Yabok, iamintu pa'baeng-baenna daera Amon, nasaba' anjo pa'baeng-baenga sanna' kassa'na pattahanganna.

2 SAMUEL 24:5

Le'baki a'limbang ri Binanga Yordan, akkemami Yoab siagang ana' buana ri timboranna Aroër, iamintu se'rea kota niaka ri tangnga-tangngana ka'bung daera Gad. Battu anjorengi ke'nanga nampa a'lampa wara', mange ri Yaezer,

PAOLE 2:37

Mingka tena nireppesi daerana tu Amon yareka biring Binanga Yabok yareka kota-kota niaka ri daera monconga yareka tampa' maraengannaya, Napappisangkanga Karaeng Allata'alata.”

PA'JARIANG 32:22

Ia todong anjo bangngia ambangummi Yakub nampa naerang anjo ruaya bainenna, ruaya baine piarana siagang sampulo asse're ana'na, a'limbang ri Binanga Yabok.