PAOLE 29:8 - KITTA' MATANGKASA'

⁸ Niallei buttana ke'nanga nampa nibage mae ri suku Ruben siagang Gad, kammayatompa sipa'gang suku Manasye.

PAOLE 29:8 Referans Kwoze

PAMMILANGNGANG 32:33

Nampa napassareammo Musa mae ri suku Gad siagang Ruben, kammayatompa bage ruana suku Manasye sikontu daera Sihon, karaeng Amori, siagang daera Og, karaeng Basan, kammayatompa kota-kotaya siagang butta niaka ri tammulilina.

PAMMILANGNGANG 32:32

Batara lampimpingi ikambe a'limbang mange ri pa'rasangang Kanaan siagang maju untu' a'bundu'; mingka anjo butta niaka irayanganna Binanga Yordan poro ikambe tuli ampatangi.”

PAMMUJI 135:12

Nampa napassareang pa'rasanganna ke'nanga a'jari napatang Israel, umma'Na.

PAOLE 5:32

Sikamma sari'battangku, turuki siagang pa'mai' tamamminra sikontu apa Naparentakanga Karaeng Allata'alanu mae ri kau ngaseng. Teako dakkai manna se're sikamma anjo parentaya.

PAOLE 5:33

Gaukangi sikontu Napassuroanga Karaeng Allata'alanu mae ri kau, sollannu salewangang siagang akkulle ammantang tuli ri pa'rasangang lanupammantangia.”

YOSUA 1:7

Iaji bawang, paralluko tappa' tojeng-tojeng siagang barani. Musti nujagai sollanna tuli nuturuki sikontu hukkung napassareanga anjo atangKu Musa mae ri kau; teako kaluppai manna sike'de', sollanna a'jari usahanu.

YOSUA 1:8

Anjo kitta' hukkunga musti tuli nubacakangi mae ri ummakKu. Pilajari anjo kittaka allo bangngi, sollanna tuli nugaukang sikontu apa niaka tattulisi' lalang. Punna nugaukang ngaseng sikammaya anjo, lasalewangangko ri tallasa'nu siagang la'jari usahanu.

1 KARAENG-KARAENG 2:3

Gaukangi apa Naparentakanga Karaeng Allata'alanu mae ri kau. Turuki sikontu hukkung-hukkunNa siagang parenta-parentaNa ia tattulisika lalang Kitta' Musa, sollanna manna kemae lampanu la'wasselekko lalang sikontu usahanu.