PAOLE 29:23 - KITTA' MATANGKASA'

²³ La'jari parang kalotoro' karringi sikamma kokonnu nitongko' ri batu a'rinra siagang ce'la. Takkulleai nulamungi buttana, siagang tea tommi attimbo ruku'-rukuka anjoreng. Lasangkammai kota-kota Sodom siagang Gomora kammayatompa Adma siagang Zeboim anjo pa'rasangannu, iamintu niancuruki ri wattu a'rinra-rinrana larroNa Batara.

PAOLE 29:23 Referans Kwoze

ZEFANYA 2:9

Lanri iNakke mattallasaka, Allata'alana bansa Israel, laKubarrasaki sa'genna tangkasa' bansa Moab siagang Amon, sangkamma Sodom siagang Gomora. Anjo pa'rasangang-pa'rasanganga larassi siagang bungung-bungung ce'la kammayatompa loro-loro napattimboia rompo' sa'genna satunggu-tungguna. Sesanna ummakKu ta'lappasaka lanaellaki pandudu'na, siagang lanaallei buttana ke'nanga.”

YEREMIA 17:6

Rapangi lamung-lamung attimboa ri parang, ri butta roso', sino siagang nia' ce'lana, tenaya nale'ba' nakasia' kabajikanga.

YESAYA 34:9

Sikamma Binanga Edom latappinrai a'jari tere', siagang buttana la'jari batu-batu a'bara. Kale'bakkanna sikontu pa'rasanganga la'rinrai kamma tere'.

PA'JARIANG 14:2

A'bunduki anne ke'nanga siagang lima karaeng maraeng, iamintu: Bera battu ri Sodom, Birsya battu ri Gomora, Syinab battu ri Adma, Semeber battu ri Zeboim, siagang Karaeng Bela ia niarenga todong Zoar.

LUKAS 17:29

Mingka ri wattunna assulu' Lot battu ri kota Sodom, anjo alloa battumi pepeka siagang turummi bara-bara pepeka battu rate ri langika angngancuru' ngasengi ke'nanga.

AMOS 4:11

Sipa'gang battu ri kau laKupanrakiko sangkamma Kupanrakinna kota Sodom siagang Gomora. Ia niaka ija attallasa' battu ri kau rapangi cappa' kayu tunuang niallea battu ri pepeka. Mingka manna nakamma tena tongijapa nummotere' mae ri Nakke.

YEHEZKIEL 47:11

Mingka je'neka ri empanga siagang balanga ri birinna anjo tamparanga tena nala'jari la'ba, passangalinna tuli la'jari pacce'lang.

YEREMIA 20:16

Boli'mi kamma anjo angngeranga kabara' a'jari sangkamma anjo kota-kota niancuruka tanikamaseang ri Batara. Boli'mi kamma allangngere' tau ammarrang napakamma pa'risi' ri wattu bari'basa', siagang sa'ra ammarrang ri pa'bundukang ri tangngana alloa.

HAKING-HAKING 9:45

A'bundu'mi Abimelekh sikabusu'na alloa, na naalle anjo kotaya, nabunomi tau niaka ilalang, nampa naancuru' anjo kotaya, na kiori ce'la.

PAPPICINI' 19:20

Nijakkala'mi anjo olo'-oloka siagang sikontu na'bi takontutojenga, iamintu le'baka appare' panggaukang appakalannasa' ri dallekanna anjo olo'-oloka. (Iaminjo gau'-gau' appakalannasaka napake anjo olo'-oloka antipui anjo tau le'baka ngaseng nabatei anjo olo'-oloka, siagang anjo tau anynyombaya mae ri patunga.) Nampa nipela' attallasa' anjo olo'-oloka siagang na'bi balle-ballea antama' ri tamparang pepe' a'rinra-rinraya siagang bara.

PAMMUJI 107:34

Butta copponga Napa'jari parang ce'la buttana, lanri kaja'dallanna sikamma pandudu'na.

AYUB 18:15

Anne kamma manna inai akkullei ammantang ri kemana, siagang nikioro' anjoreng batu a'baraya, untu' ambunoi ku'mang garrinna.

ROMA 9:29

Nakana pole Na'bi Yesaya, “Ebara' angkana tenamo sossorang Nabolikangki' Allata'ala Kaminang Koasaya, mattantu le'ba' ngaseng maki' a'jari sangkamma taua ri Sodom siagang Gomora.”

YUDAS 1:7

U'rangi tongi kota Sodom siagang Gomora kammayatompa kota-kota niaka ri ampi'na, appanggaukang kammaya todong anjo sikamma malaekaka tuma'buttana. Nagaukangi ke'nanga nikanaya gau' bawang siagang gau' bambalaka; sa'genna nisessa ke'nanga siagang pepe' a'rinraya satunggu-tungguna, untu' a'jari pappakainga' mae ri sikontu rupataua.

2 KARAENG-KARAENG 22:13

“A'lampako mange akkuta'nang ri Batara untu' inakke siagang untu' sikontu ra'ya' Yehuda ri passala'na anne kittaka. Larroi Batara mae ri katte lanri tenana nagaukangi boe-boeta parenta-parenta niaka tattulisi' lalang ri anne kittaka.”

YESAYA 1:7

Pa'rasangannu nipanrakimi; kota-kotanu la'busu'mi nitunu. Ri dallekang matannui nialle tampa'nu ri bansa maraeng siagang naancuru' ngaseng sikamma apa niaka.

YESAYA 13:19

Yangasenna kakaraenganga, iaminjo Babel kaminang ga'ga siagang a'jari kalompoang pa'mai'na pandudu'na. Mingka iNakke, Batara, laKuancuruki ke'nanga, kamma le'baka Kugaukang mae ri kota Sodom siagang Gomora.

YESAYA 64:11

Balla'Na Allata'ala matangkasaka siagang mala'birika tampa'na boe-boena ikambe mammuji-muji mae ri Katte, le'ba'mi niancuru' ri pepe'; Sikontu tampa' nangaia ikambe a'jarimi rumbangang.

YEREMIA 49:18

Antekamma batena Sodom siagang Gomora niancuru' siagang desa-desa niaka ri tammulilina, kamma tomminjo Edom. Tena manna sitau lammantang pole anjoreng. INakke, Batara, anne akkana.

KAIMANGNGANG 26:32

LaKuancuru' tabasikali pa'rasangannu, sa'genna ta'bangka sikali sikamma musu angngalleai pa'rasangannu anciniki antekamma heba'na anjo kapanrakanga.

1 KARAENG-KARAENG 9:8

Anne balla' passambayanganga la'jari se're pa'gompoang batu-batu ta'bongkara', sa'genna sikamma tau ammaloa anjoreng lata'bangka ngasengi siagang a'jari sannaki malla'na anciniki. Lanakana ke'nanga, ‘Angngapa Napakammai anne Batara anne pa'rasanganga siagang anne ballaka?’

1 KARAENG-KARAENG 9:9

Nampa lappialimi taua angkana, ‘Lanri nibokoi ke'nanga ri Batara, Allata'alana ke'nanga, Ia le'baka anrurungangi boe-boena ke'nanga battu ri Mesir. Anynyombai ke'nanga ri rewata-rewata maraenga. Iaminjo saba'na na Napabattumo Batara anne balaya mae ri ke'nanga.’ ”

YEREMIA 9:11

Nakana Batara, “LaKupa'jari rumbangngang Yerusalem tampa' paccokkoanna kongkong romanga. Kota-kota Yehuda la'jari sinoi, tampa' tenayamo nanipammantangngi.”