PAOLE 29:17 - KITTA' MATANGKASA'

¹⁷ Le'ba'mi nucini' patung-patung appakaringi'-ringika nasombaya ke'nanga; patung-patung nipareka battu ri kayu, batu, pera', siagang bulaeng.

PAOLE 29:17 Referans Kwoze

PAOLE 28:36

Punna tena numannuruki ri Batara Allata'alanu, ikau siagang karaennu laNaerangko Batara mange ri pa'rasanganna bansa maraeng tenaya nanuassengi, siagang tena todong nanaassengi boe-boenu. Anjoreng lanupare' atai kalennu mae ri rewata-rewata nipareka battu ri kayu siagang batu.

KALAPPASSANG 20:23

Teako papparekangngi untu' kalennu patung-patung pera' yareka bulaeng untu' nupakalompo pantaranganna iNakke.

PAOLE 4:28

Anjorengko lanynyomba mae ri rewata-rewata bate pare' limanna rupa taua, iamintu rewata-rewata nipareka battu ri kayu siagang batu, tenaya nakkulle accini' siagang tenaya nakkulle allangngere', tenaya nakkulle angnganre yareka angngara'.

PAOLE 29:16

“Nuu'rangi iji antekamma sarenta ri Mesir siagang antekamma kasia'na a'jappaya alla'bang ri pa'rasanganna bansa-bansa maraenga.

KAIMANGNGANG 18:3

Tea' laloko turuki panggaukanna bansa Mesirka, iamintu pammantangannu le'ba'ka, yareka tau niaka ri Kanaan iamintu tampa' lanumangeia Kupimping kamma-kamma anne.

PAOLE 11:16

Teako erokki nipakabella battu ri Batara untu' anynyomba siagang ampare' atai kalennu mae ri rewata-rewata maraenga.