PAOLE 29:11 - KITTA' MATANGKASA'

¹¹ tu bainea, ana'-anaka, siagang sikontu bansa maraeng niaka ammantang ri tangnga-tangnganu siagang ambantuako ammolong kayu siagang ammisang je'ne'.

PAOLE 29:11 Referans Kwoze

KALAPPASSANG 12:38

Jai sikali sapi naerang ke'nanga, kammayatompa gimbalaka siagang bembea. Jai todong bansa maraeng amminawang.

KOLOSE 3:11

Kale'bakkanna allanynya'mi sikontu passimmaraenganna tu Yahudia siagang bansa-bansa maraenga, yareka tu nisunnaka siagang tu tenaya nisunnaki; tenamo passimmaraengang ri bansa battu-battua siagang tau bambalaka; tenamo passimmaraengang ri tu a'jari ataya siagang tu bebasaka; nasaba' Almasimi a'jari yangaseng-ngasenna. Asse're ngasemmi ke'nanga lalang ri Almasi!

GALATIA 3:28

Lalang ri kammana anjo tenamo nanipasimmaraengi tu Yahudia siagang bansa-bansa maraenga, yareka ataya siagang tau bebasaka, yareka tu bura'nea na tu bainea. A'jari se're ngaseng mako lanri Isa Almasi.

PAOLE 5:14

mingka allo makatujua iamintu allo pammari-mariang nisa'laka untu' iNakke, Karaeng Allata'alanu. Anjo alloa tena manna sitau akkulle anjama, baji' naikau, ana'-ana'nu, ata-atannu, olo'-olo'nu yareka bansa maraeng niaka ammantang ri pa'rasangannu. Sikamma atannu musti ammari-mari tongi sangkamma ikau kalennu.

PAMMILANGNGANG 11:4

Lalang pa'jappanna anjo tu Israel nia' todong bansa maraeng amminawang. Ero' dudui anjo ke'nanga angnganre dageng, nampa appakkaramula tommo tu Israel akkunrareng. Nakanamo ke'nanga, “Ah, coba nania' mamo dageng untu' nikanre-kanre!

PAOLE 29:10

Anne alloa ammenteng ngasengko ri dallekanNa Karaeng Allata'alanu, iamintu sikontu pamimpinga siagang patugasaka, sikontu tu bura'nea,

PAOLE 29:12

Appareki Karaeng Allata'alanu parjanjiang siagang ikau, siagang asse're ngasengko anrinni untu' ansikkoki anjo parjanjianga kammayatompa antarimai sikamma kawajibannu.

YEHEZKIEL 16:20

Nampa nupassareangi ana'-anatta, bura'ne siagang baine a'jari koro'bang mae ri barhala-barhalaya. Maka tanggannakkapi angkanaya tena namajarre' pa'mai'nu mae ri Nakke?

YOSUA 8:35

Sikamma parentana Musa nabacakangi Yosua mae ri sikontu umma' Israel niaka asse're anjoreng, kammayami tubai'-bainea, ana'-anaka, siagang sikamma bansa maraeng niaka ammantang ri alla'na ke'nanga.

YOSUA 24:25

Jari anjo alloa appare'mi parjanjiang Yosua siagang umma' Israel ri Sikhem. Siagang anjoreng napassareammi mae ri ke'nanga sikamma hukkung-hukkung siagang paratorang-paratorang mustia naturuki ke'nanga.

2 KARAENG-KARAENG 6:4

nampa a'lampamo ke'nanga siagang. Ri battunamo ke'nanga ri biring Binanga Yordan, appakkaramulami ke'nanga anna'bang poko' kayu.

2 PATTOTTORANG 15:12

A'janji ke'nanga mae ri Batara angkanaya lattojeng-tojengi atinna siagang pa'mai'na ke'nanga attallasa' situru' ero'Na Batara, Allata'alana boe-boena ke'nanga.

2 PATTOTTORANG 23:16

Napalaki Imang Yoyada ri Karaeng Yoas siagang ri ra'yaka sollanna assama-sama ke'nanga siagang ia appare' parjanjiang angkanaya la'jari ke'nanga umma'Na Batara.

NEHEMIA 10:30

Assumpami ikambe untu' tala'buntinga accampuru' siagang bansa-bansa maraeng niaka ammantang ri pa'rasanganna ikambe.