PAOLE 28:65 - KITTA' MATANGKASA'

⁶⁵ Manna kemaeko tena nulanggappa kasannangngang, tena tampa' lakkulle nukana ikau pata; laNapa'jari lussa' sikaliko Batara siagang laNapa'jari tappu' minasako natena panrannuannu.

PAOLE 28:65 Referans Kwoze

KAIMANGNGANG 26:36

Sikamma taunnu ia niaka ri pammelakkang ri pa'rasangang maraenga, laKupa'jari teai sipato' malla'na, sa'genna manna sa'ra leko' kayu nairi'ja bawang anging nalangngere' nalarimo napakamma malla'. Lalariko sanrapang tau niondanga lalang ri pa'bundukanga, nampa tu'gurukko manna natenaja musu ri ampi'nu.

ROMA 11:10

Balang pare'na a'jari sassang paccini'na ke'nanga sollanna takkullea accini'; siagang balang pare'na a'jari bukku' ke'nanga sa'genna satunggu-tungguna.”

AMOS 9:4

Punna nitahangi ke'nanga ri musua, laKuparentakangi sollanna nibuno ke'nanga. Le'ba' Kupattantumi laKupanraki ke'nanga, siagang tena nalaKubantu ke'nanga.”

KAIMANGNGANG 26:16

laKuhukkungko. LappabattuA' bala mae ri kau, garring siagang rammusu' tenaya nakkulle niballei sa'gennu a'jari buta siagang ta'ronang-ronang tallasa'nu. La'lamung-lamungko mingka tena nanugappai wassele'na, nasaba' labattui musu-musunnu ambetako siagang ampaccappuki sikamma apa-apa nulamunga.

PA'JARIANG 8:9

Mingka lanri nitongko'iji ri je'ne' sikontu tompo'na buttaya, tenamo nanggappa pa'dongkokang anjo jangang-jangang bodobangkenga. Jari ammotere'mi mange ri kappalaka. Napajonjomi limanna Nuh nampa naerang antama'.

LUKAS 21:26

Teai sipato' malla'na rupataua andallekangi sikamma apa lakajarianga ri sikontu anne linoa, lanri la'jari tasilolongammi siagang laricu ngasemmi napakamma malla' sikontu tau anna'galaka koasa ri sila'banna linoa.

MATIUS 24:8

Na yangasenna anjo nampami pakkaramulanna, sanrapang tu tianang appisa'ringia ri wattu ero'na lammana'.

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

PIRAUNG 3:65

Tunraimi ke'nanga, siagang lappassammi ke'nanga tuli tappu' minasa.

YESAYA 65:14

Sikontutojenna lakkio' rannui ke'nanga, mingka ikau angngarrukko napakamma si'na.

YESAYA 57:21

Tena kasannangngang mae ri tau dorakaya,” Nakana Batara.

YESAYA 51:17

Ambangungko, he Yerusalem, ambangung mako! Hukkungang Napabattua Batara lanri larroNa le'ba'mi nujappai sa'genna la'busu'.

PAOLE 28:66

Latuli nireppesi ri bahaya katallassannu. Allo bangngiko lannekkere' siagang malla' mate.

AYUB 11:20

Mingka tau ja'dalaka lalingui paccini'na, saba' tena pannulunna ke'nanga. Se'reji bawang panrannuanna ke'nanga iamintu a'jala'na labattu linta'.”

PIRAUNG 1:3

Nabokoimi tu Yehuda pa'rasanganna, lanri nipa'jarina ata na tamaka pa'risi'na tallasa'na. Anne kamma nia'mi ri tangnga-tangngana bansa maraeng tampa' tenaya nasalewangang. Nikurummi ri musunna ke'nanga ri wattu pa'risi'na tallasa'na.

PIRAUNG 5:17

Sinomi Bulu' Sion lanri nibokoi; kongkong romang mami a'lemere' anjoreng. Lanri kammana panra' lompomi atinna ikambe, tabajikami paccini'na ikambe napakamma angngarruka tojeng.