PAOLE 28:54 - KITTA' MATANGKASA'

^54-55 Ba'lalo tubija karaeng kaminang bajika pa'mai'na latappu' minasa tongi lalang nilipunna anjo kota-kotanu, sa'genna nakanremo siapa area ana' kalenna lanri tenanamo maraeng lanakanre. Tena manna sike'de' anjo kanrea napassareang mae ri sari'battanna yareka bainenna nangaia yareka ana'-ana'na attallasaka ija.

PAOLE 28:54 Referans Kwoze

MATIUS 20:15

Apa takkullea' angngatoroki pa'barang-barangangku situru' apa nakaerokia nyawaku? Yareka assereatiko lanri lammoro' pa'maikka'?’ ”

PAOLE 15:9

Teako appareki alasang angkanaya a'reppese'mi taung kalappassanna inranga, sa'genna tena nuero' ansarei angnginrang. Teako lappassangngi anjo pikkirang ja'dala' kammaya antama' ri pikkirannu. Punna tanusarea angnginrang, anjo taua lakkioki mae ri Batara ampabattui anjo passalaka, nampa ikau lanisalakang.

PAOLE 13:6

Punna nia' sari'battannu, yareka ana' bura'nenu yareka ana' bainenu yareka bainennu nukamaseanga, yareka agang baji'nu anynyonyo' cokko-cokkoko untu' anynyomba mae ri rewata-rewata maraeng tenaya nuassengi siagang tenaya naassengi boe-boenu, rewata-rewata battua ri bansa-bansa ambania siagang bellaya ammantang,

MIKHA 7:5

Teako tappakki mae ri singngampi'nu, teako tanjengi mae ri agannu. Tutuko lalang ri kana-kanannu manna pole nabainennuja allangngereki.

YESAYA 49:15

Appialimi Batara, angkana, “Maka akkullei se'rea amma' angkaluppai ana'na, siagang tanasayangnga ana' kalenna? Manna pole na nakaluppai, mingka iNakke tena nalaKukaluppaiko!

PANGNGEBARANG 28:22

Tau angngoaya eroki linta' kalumanynyang; tanaassengai kalenna angkana tasalloai nakakasi-asiang antujui.

PANGNGEBARANG 23:6

Teako sipangnganreangi siagang tau gi'gilika. Teako eroki ri kanre nyamanna.

PAMMUJI 103:13

Sanrapang se're mangge mangngamaseang ri ana'-ana'na, kammaminjo Batara mangngamaseang ri tau mappilangngeria.

2 SAMUEL 12:3

nampa anjo kasi-asia poro sikayuji bawang ana' gimbala'na naballia. Anjo ana' gimbalaka naparakai sa'genna a'jari lompo lalang balla'na siagang ngaseng ana'-ana'na. Anjo ana' gimbalaka nasarei kanre battu ri kanrena anjo taua, ba'lalo je'ne' inung battu ri cangkiri'na, siagang attinroi lalang ri riwaanna; bodona kana, napareki sangkamma ana' baine kalenna.

MATIUS 11:8

Apa ero' mange nucini' anjoreng? Tau ammake pakeang ga'ga? Niaki ri balla' lompona karaenga tau ammakeang ga'gaya!

PAOLE 28:53

Lalang nilipunna kota-kotanu ri musu-musunnu, latappu' minasa mako lanri cipuru'nu, sa'genna nukanremo ana' kalennu, iamintu ana'-ana' Napassareanga Karaeng Allata'alanu mae ri kau.