PAOLE 28:52 - KITTA' MATANGKASA'

⁵² Lanabunduki ngasengi sikamma kota niaka ri pa'rasangang Napassareanga Karaeng Allata'alanu mae ri kau. Anjo tembo'-tembo' kalli' tinggia siagang nukanaya kassa' siagang nupattoanga laruntung ngasengi.

PAOLE 28:52 Referans Kwoze

MATIUS 22:7

Nalangngere'na Karaenga anjo kajarianga teaimi sipato' larrona. Nakirimmi tantarana nanasuro buno ngaseng anjo tau le'baka ambunoi pala'-palayanna. Kammayatompa kotana ke'nanga nasuro tunu tongi.

ZAKHARIA 14:2

LaNapa'rappung ngasengi Batara sikontu bansaya untu' ambunduki Yerusalem. Laniallei anjo kotaya, laniellaki sikamma balla'na, siagang lanigau' bawangi sikamma tubai'-bainena. Tawaruanna pandudu'na laniengkaki mange ri butta pammelakkanga, mingka la'binna lammantangi anjoreng ri kotaya.

ZAKHARIA 12:2

“LaKupa'jari Yerusalem sanrapang piala niaka anggoro'na; sikamma pa'rasangang singngampi'na lanainungi anjo anggoroka nampa ta'royong-royong rapang tau nasa'ringa. Na punna nitammulili Yerusalem ri musua, sikamma kota-kota niaka ija ammantang ri pa'rasangang Yehuda lanitammulili tongi ri musu.

DANIEL 9:26

Ri kala'busanna anjo jammanga lanibunoi pamimping Napilea Allata'ala, padahala' tena salana. Nampa battumo tantarana sitau karaeng kassaka, na naancuru' kota Yerusalem siagang Balla'Na Batara. Anjo kala'busang jammanga labattui rapang a'ba angngeranga pa'bundukang siagang kaancurang, situru' le'baka Napattantu Allata'ala.

YEREMIA 37:8

Nampa lammotere' tu Babel na nabuccu' anne kotaya, nampa nabeta siagang natunu.

YEREMIA 10:18

Anne wattua laNapasambilai Batara sikontu bansa Yehuda mange ri pa'rasangang pammelakkanga; laniancuru' ngasengko taba sikali. Iaminjo pasanNa Batara.

YESAYA 62:8

Le'ba'mi a'janji Batara ammake sumpa nalaNagaukang lalang koasaNa: “Tenamo nalaKupassareang gandunnu mae ri musua; tenamo nalanainung bansa maraenga anggoro'nu wassele' karesoannu siagang kaposoannu.

YESAYA 1:7

Pa'rasangannu nipanrakimi; kota-kotanu la'busu'mi nitunu. Ri dallekang matannui nialle tampa'nu ri bansa maraeng siagang naancuru' ngaseng sikamma apa niaka.

2 KARAENG-KARAENG 18:13

Lalang taung makasampulo angngappa' ammarentana Hizkia ri Yehuda, nibundukimi kota-kota Yehuda niaka tembo' pattahanganna sa'genna nibeta ri Sanherib karaeng Asyur.

KAIMANGNGANG 26:25

Lappa'niakKa' pa'bundukang ri tangnga-tangnganu lanri nudakkaina parjanjiangKu siagang ikau. Siagang punna asse'reko ri kotanu untu' a'boya pa'la'langngang, lappabattuA' garring tenaya nakkulle niballei, sa'gennu tarpassa manyara mae ri musunnu.

PAOLE 28:51

Lanapaccappuki ke'nanga olo'-olo' piaranu siagang kattoannu. Battu ri gandung, je'ne' anggoro', minynya' zaitun, sapi, bembe, sa'genna gimbala'nu tena manna sike'de' lanabolikangko, sa'gennu mate naalle cipuru'.

2 KARAENG-KARAENG 6:29

Lanri kammana anjo kupallumi anakku nampa nakanre ikambe. Ammukona ri wattu kupala'na sollanna nipallu ana'na, nacokkoi anjo ana'na!”

YEREMIA 10:17

He pandudu' Yerusalem, nikurungko ri musu! Lanri kammana anjo, apparuru mako!

PIRAUNG 2:2

Sikontu parang ruku' ri pa'rasangang Yehuda, Naancuru' tamammaling-maling. Narappasaki napakamma larro sa'genna runtung sikamma pattahanganna angkallikai anjo pa'rasanganga. Anjo kakaraenganga na sikamma pamimpinna Naruntummi sa'genna nipakatuna.