PAOLE 28:4 - KITTA' MATANGKASA'

⁴ Nibarakkakiko, sa'genna jai ana'nu, jai wassele' kattoannu, siagang a'jari jai sapinu kammayatompa gimbala'nu.

PAOLE 28:4 Referans Kwoze

PANGNGEBARANG 10:22

Lanri barakka'Na bawang Batara na'jari kalumanynyang taua; anjama terasaka takkulleai natambai barang-baranga.

PAOLE 7:13

LaNakamaseangko siagang laNabarakkakiko, sa'genna a'jari jai ana'nu na pila' katambang jainu. LaNabarakkaki sikamma kokonnu, sa'genna angngerang wassele' gandung, anggoro' siagang minynya' zaitun. LaNabarakkakiko sa'genna a'jari jai sapinu, bembenu siagang gimbala'nu. Sikontu anjo barakkaka lanutarimai ri pa'rasangang Napassareanga Batara mae ri kau, situru' janjinNa mae ri boe-boenu.

PA'JARIANG 49:25

Allata'alana manggenu antulungko; Kaminang Koasaya ambarakkakiko siagang je'ne' bosi battu ri langi' na je'ne' battu rawa ri butta. Siagang ana' kammayatompa sapi,

PAMMUJI 128:3

Bainennu sanrapangi poko' anggoro' copponga lalang balla'nu. Ana'-ana'nu sanrapangi cu'la'na poko' zaitun ri tammulilina mejang pangnganreannu.

PAOLE 28:11

Lanisareko ana' majai. La'jari jai olo'-olo' piaranu siagang lalla'bi-la'bi wassele' kattoannu ri pa'rasangang Napa'janjianga Batara mae ri boe-boenu untu' Napassareang mae ri kau.

PAMMUJI 107:38

Nisarei ri Batara ke'nanga jai ana', siagang olo'-olo' piarana ke'nanga pila' a'bija-bijai.

KAIMANGNGANG 26:9

LaKubarakkakiko siagang laKupa'jari jai ana' cucunnu. Sikamma apa Kupa'janjianga mae ri kau mattantu laKurupainna.

PANGNGEBARANG 13:22

Tau bajika ammoliki warisi' kakalumanynyangngang mae ri ana' cucunna; kakalumanynyangnganna tau dorakaya niboliki untu' tau lambusuka ri tallasa'na.

PA'JARIANG 22:17

laKubarakkakiko alla'bi-la'bi siagang laKupa'jari jai turungannu sanrapang bintoenga jaina ri langi' siagang sanrapang kassika jaina ri biring tamparanga. Sikamma ana'-cucunnu lanabeta ngasengi sikamma musunna ke'nanga.

PANGNGEBARANG 20:7

Ana'-anaka upaki punna nia' manggena mabajika siagang malambusuka ri tallasa'na.

1 TIMOTIUS 4:8

Anjo latihang tubua sike'de'ji matu-matunna; mingka latihang rohania a'matu-matui lalang sikontu-kontuna katallassanta, nasaba' akkimbolongi janji untu' katallassanta ri kamma-kammaya anne siagang katallassang labattua.

PAMMUJI 127:3

Ana'-anaka passareNa Allata'ala, sikontutojenna, anjo ke'nanga passare.

PA'JARIANG 39:5

Appakkaramula anjo wattua, passabakkang Yusuf, nibarakkakimi bone balla'na anjo tu Mesirka kammayatompa sikontu barang-baranna, baji' niaka lalang balla' kammayatompa niaka ri kokoa.

PAOLE 28:3

Nibarakkaki kota-kotanu siagang koko-kokonnu.

PAOLE 28:5

Nibarakkaki kattoang gandunnu siagang sikamma kanre-kanreang nupareka battu ri gandung.

PAOLE 28:18

Nitunraiko, sa'genna a'jari sike'de'ji ana'nu, wassele' kattoannu, sapinnu siagang gimbala'nu.